Wuj Richin ri Rut 2:11 - Kaqchiquel Bible

¹¹ Y k'ari' ri Booz xubij: Yin xinwetamaj yan ronojel ri utzil ri abanon rik'in ri awalite', achapon-pe naben utzil chire rija', kan ja toq xken-el ri awachijil; y roma ri awalite' xe'aya' kan ri ate-atata', xaya' kan ri aruwach'ulew y xatok'oje' re wawe' chiqakojol roj ri man jun bey awetaman qawech.

Wuj Richin ri Rut 2:11 ပူးပေါင်းရင်းမြစ်များ

San Lucas 14:33

Roma ri', wi jun chiwe rix man nrajo' ta nuya' kan ronojel ri k'o rik'in, man ruk'amon ta richin nok nutijoxel.

San Lucas 5:11

Toq xekik'en-pe ri barco chuchi' ri ya', re achi'a' re' xkiya' kan ri kisamaj y xkitzeqelibej-el ri Jesús.

Wuj Richin Bix Chire ri Dios 45:10

Tawak'axaj k'a rat xten y taya' axikin chire ri xtinbenbij chawe; wakami man ja ta chik ri nikibij ri e aj pan awachoch y ri awinaq ri nanimaj.

San Lucas 5:23

Roma wi yin yitikir ninben chire re jun sikirineq richin nibiyin-el, ¿man yitikir ta kami chuqa' ninbij chire chi ninkuy rumak?

Wuj Richin ri Rut 1:11

Jak'a ri Noemí xubij chike: Kixtzolin kan wal yin. ¿Achike ta k'a roma niwajo' yixbe chuwij? Yin xa man xkek'oje' ta chik wal, richin chi rix ja ta ri' xke'iwoyobej richin yixk'ule' kik'in.

Wuj Richin ri Rut 2:10

K'ari' ri Rut xulukuba-qa-ri' y kan xuqasaj-qa-ri' k'a pan ulew chuwech ri Booz y xubij chire: ¿Achike roma rat janila utzil naben chuwe, y yin xa man in awinaq ta?, xcha' chire.

Wuj Richin ri Rut 2:12

Ja ri Jehová ri qa-Dios roj xtiya'on rajel ruk'exel chawe roma ri yatajin chubanik y kan xtak'ul rajel ruk'exel pa ruq'a' ri qa-Dios roj ri aj-Israel, ri achoq ik'in akuquban-wi ak'u'x rat, xcha' ri Booz.

Wuj Richin ri Rut 4:15

Wakami ja rija' k'a ri xtikuquban ak'u'x, y ja rija' chuqa' xtilin awichin toq xkarijix. Y ri awali' qitzij chi janila yarupoqonaj; rija' kan más k'a rejqalen ke chuwech ek'o ta e wuqu' awal alaboni', xecha' chire ri Noemí.

Wuj Richin ri Rut 3:10

Y ri Booz xubij: Ja ri Jehová xturtisan awichin, roma rat kan k'iy wi utzilej taq banobel abanon rik'in ri awalite'; jak'a re banobel richin wakami kan jare' k'a ri más utz chuwech ronojel. Rik'in re', nak'ut chi at jun utzilej ixoq, roma rat man xatzu' ta ruwech jun achin ri k'a ala' na, beyom o man jun k'o rik'in, richin chi yak'ule' ta rik'in.

2 Sam 21:11

Toq xbix k'a chire ri David ri najin chubanik ri Rispá, ri ru-concubina kan ri Saúl,