Wuj Richin ri Rut 2:10 - Kaqchiquel Bible

¹⁰ K'ari' ri Rut xulukuba-qa-ri' y kan xuqasaj-qa-ri' k'a pan ulew chuwech ri Booz y xubij chire: ¿Achike roma rat janila utzil naben chuwe, y yin xa man in awinaq ta?, xcha' chire.

Wuj Richin ri Rut 2:10 ပူးပေါင်းရင်းမြစ်များ

1 Sam 25:23

Y toq ri Abigail xutz'et-apo ri David, jari' toq chi'anin xqaqa-qa chirij ri bur, y xulukuba-qa-ri' chuwech, k'a pan ulew.

Wuj Richin ri Rut 2:13

Y ri Rut xubij: Táta, kan jantape' ta xtink'ul utzil awik'in, roma ri ch'abel ri xabij chuwe kan xapon k'a pa wánima y janila nukuquba' nuk'u'x, roma kan xach'on wik'in rik'in ajowabel, stape' xa man in asamajel ta, y chuqa' man in jun ta chike ri awaj-ik'a', xcha' ri Rut.

Romanos 12:10

Kan tiwajowala-iwi' rik'in ronojel iwánima achi'el xa ta iwach'alal-iwi'. Y tich'obo' chi ri ch'aqa' chik qach'alal k'o más kiq'ij chiwech rix.

San Lucas 1:48

Roma ri Dios xirucha' yin ri xa in jun relik samajel. Ja yan re wakami y ri xtibe-apo, jantape' xtikibij ri winaqi' chuwe chi utz ruwa-ruq'ij.

San Lucas 1:43

Man niq'ax ta k'a chinuwech, ¿in achike ta k'a yin, richin yino'aq'ejela' kan rat ri rute' ri wajaw?

2 Sam 19:28

Roma qonojel ri oj aj pa rachoch kan ri numama' kan ruk'amon chi xojakamisaj ta. Man rik'in ri' rat xinawoyoj richin junan yiwa' awik'in pa mesa. ¿Achike ta k'a xtinbij yin chawe rat nu-rey ri k'o chi naben wik'in yin?, xcha'.

2 Sam 9:8

Y ri Mefi-bóset xulukuba' chik qa ri' y xubij: ¿In achike ta k'a yin richin najoyowaj nuwech ri xa in achi'el jun kamineq tz'i'?, xcha'.

San Mateo 25:35

Roma toq yin xiwayjan, rix xiya' nuway. Toq yin xchaqi'j nuchi', rix xiya' nuya'. Toq xk'atzin akuchi ta xik'oje-wi, rix kan xiya' q'ij chuwe.

Wuj Richin ri Rut 2:2

Y k'o k'a jun q'ij ri Rut xubij chire ri ralite': Tabana' utzil, taya' q'ij chuwe richin chi yibe pa juyu', richin yibepich'olin pa rulew ri xtijoyowan nuwech, xcha'. Y ri Noemí xuya' k'a el q'ij chire.

Wuj Richin ri Rutikeribel 18:2

Toq xuyek-q'anej ri rujolon jari' toq xerutz'et e oxi' achi'a', e pa'el-apo chunaqaj. Jari' toq xyakatej-el junanin chiri' chuchi' ri jay richin xeberuk'ulu' y xuqasaj-qa-ri' k'a pan ulew chikiwech.

Wuj Richin ri Rut 2:9

Ke'atzeqelibej ri ixoqi' ri akuchi niban-wi samaj. Man taxibij-awi', roma yin xinbij yan chike ri nusamajela' achi'a' chi tikiya' q'ij chawe richin chi yapich'olin. Y toq xtichaqi'j-pe achi', kabiyin-apo akuchi k'o-wi ri yakbel-ya' y taqumu' ri ya' ri nikiqum ri nusamajela', xcha' chire ri Rut.

Wuj Richin ri Rut 2:11

Y k'ari' ri Booz xubij: Yin xinwetamaj yan ronojel ri utzil ri abanon rik'in ri awalite', achapon-pe naben utzil chire rija', kan ja toq xken-el ri awachijil; y roma ri awalite' xe'aya' kan ri ate-atata', xaya' kan ri aruwach'ulew y xatok'oje' re wawe' chiqakojol roj ri man jun bey awetaman qawech.

Wuj Richin ri Chojmirisabelri'il 19:34

Kan tibana' k'a chi kan e achi'el e iwinaq: Kan ke'iwajo' k'a achi'el niwajo-qa-iwi' rix, roma chuqa' rix xixk'oje' chupan ri ruwach'ulew Egipto y xa man ix aj chiri' ta. Yin Jehová ri i-Dios ri yibin.

Wuj Richin ri Rut 2:19

Roma ri' ri ralite' xuk'utuj chire: ¿Akuchi k'a xapich'olin-wi? Ja ta ri Dios xtiya'on urtisanik pa ruwi' ri achin ri xato'on, xcha' ri Noemí. Y ri Rut xutzijoj k'a chire ri ralite' chi ri ulew ri akuchi xpich'olin-wi, richin jun achin rubini'an Booz.

2 Sam 7:18

K'ari' ri rey David xok-apo chupan ri jay ri banon rik'in tzieq, y xbek'oje' chuwech ri Jehová richin nich'on rik'in. Y xubij: Nimalej Jehová, ¿in achike ta k'a yin y ri wijatzul richin chi oj ato'on-pe k'a re wawe'?