Wuj Richin ri Rut 1:7 - Kaqchiquel Bible

⁷ Rija' xuchop k'a el bey y xel-el ri akuchi xk'oje-wi, e rachibilan-el ri e ka'i' rali' richin chi yetzolin pa ruwach'ulew Judá.

Wuj Richin ri Rut 1:7 ပူးပေါင်းရင်းမြစ်များ

2 Rey 8:3

Toq xq'ax yan k'a wuqu' juna', xetzolin k'a chupan ri kitinamit, y ri ixoq xbe rik'in ri rey richin xberuk'utuj utzil richin titzolix ri rachoch y ri rulew.

Wuj Richin ri Rut 1:14

Jak'a rije' kan janila ye'oq'. K'ari' ri Orfá xutz'ubaj kan ri rupalej ri ralite' y xtzolin kan kik'in ri ruwinaq; jak'a ri Rut xk'oje' kan rik'in ri ralite'.

Ex 18:27

Y toq ri Jetro k'o k'a chi nitzolin-el, ri Moisés xbe richin chi xberujacha' kan, k'a nej juba' chire ri rubey. Rija' xujech k'a el ri rujinan y xbe pa ruruwach'ulew.

Wuj Richin ri Rut 1:10

Y xkibij k'a chire ri kalite': Man keri' ta; roj xa kan xqojbe chuqa' awik'in wakami re yatzolin-el pan atinamit, xecha'.

Wuj Richin ri Rut 1:6

Y k'o k'a jun q'ij xapon rutzijol rik'in ri Noemí ri chiri' pa Moab, chi ri Jehová xujoyowaj ruwech ri rutinamit Israel y kan xrelesaj yan ri wayjal pa ruwi'. Roma ri' rija' kan jari' xuben chi nitzolej pa ruwach'ulew Judá y nel-el chiri' pa Moab yerachibilaj-el ri e ka'i' rali'.

Wuj Richin ri Rut 1:8

Y jak'a toq kichapon-el bey, ri Noemí xubij chike ri rali': Más utz yixtzolin kan pa taq iwachoch chi'ijujunal. Kixtzolin kik'in ri ite' y ri Jehová xtujoyowaj ta iwech y xkixruto' ta, achi'el ri xiben kik'in ri ánima iwachijil y ri ibanon-pe wik'in yin.