Wuj Richin ri Rut 1:6 - Kaqchiquel Bible

⁶ Y k'o k'a jun q'ij xapon rutzijol rik'in ri Noemí ri chiri' pa Moab, chi ri Jehová xujoyowaj ruwech ri rutinamit Israel y kan xrelesaj yan ri wayjal pa ruwi'. Roma ri' rija' kan jari' xuben chi nitzolej pa ruwach'ulew Judá y nel-el chiri' pa Moab yerachibilaj-el ri e ka'i' rali'.

Wuj Richin ri Rut 1:6 ပူးပေါင်းရင်းမြစ်များ

Wuj Richin Bix Chire ri Dios 132:15

Xajikiba' chi xtawurtisaj k'a ronojel ri k'o chupan re tinamit re', xabij chi konojel xtaya' kiway.

Wuj Richin Bix Chire ri Dios 111:5

Konojel k'a ri nikiya' ruq'ij rija', kan yerutzuq k'a. Ri jikibel-tzij ri rubanon, kan jantape' k'o chuk'u'x.

Ex 4:31

Ri israelita xkinimaj k'a. Y toq xkak'axaj chi ri Jehová yeruk'uxla'aj y xutz'et ri kitijoj-poqonal, rije' kan xkiqasaj-qa-ki' k'a pan ulew y xkiya' ruq'ij ri Jehová.

Ex 3:16

Kabiyin k'a y toq xkatapon, ke'amolo' ri nima'q taq achi'a' chikikojol ri awinaq y tabij chike: Ri Jehová ri ki-Dios ri qati't-qamama', ri Abraham, ri Isaac y ri Jacob, xuk'ut-ri' chinuwech y xubij chuwe chi rija' kan nutz'et k'a ronojel ri ruk'ayewal ri niban chiwe wawe' pan Egipto y roma ri' xpe chi'ito'ik.

San Lucas 19:44

Xtikiqasaj k'a pan ulew ri itinamit junan iwik'in rix. Chire ri itinamit man jun k'a jay, ni man jun tz'aq ri xtipa'e' kan. Roma kan man nitzu' ta chi ri Dios xoqaqa yan iwik'in, richin yixrukol, xcha'.

San Lucas 1:68

Kan nimalej ruq'ij ri ajaw Dios qichin roj ri oj judío, roma yojrunataj-pe roj ri oj rutinamit, y yojrukol.

San Mateo 6:11

Tabana' utzil taya' chuqa' ri qaway ri nik'atzin chiqe ronojel q'ij.

Wuj Richin ri Jeremías 29:10

Yin kan ninjikiba' nutzij chi toq xtitz'aqet ri oxk'al lajuj juna' ri kixk'oje' chiri' pa Babilonia, yin xtinben utzil chiwe richin xkixtzolin-pe wawe' chupan ri iruwach'ulew.

Wuj Richin ri Isaías 55:10

Ri job y ri sutz' yeqaqa-pe chikaj richin nokiya'aj ri ulew y nikiben richin ri tiko'n chi yebos-pe y yewachin, richin k'o chik jun bey rija'tz ri xtikon-qa, y kan xkerutzuq ri ruwinaq. Y chirij ri' ri ya' nitzolin chik jun bey chikaj.

Wuj Richin ri Sofonías 2:7

Ri tinamit ri' xtok kichin ri aj-Judá ri xkekolotej kan. Y chiri' rije' kan xkekikot k'a. Ri pa taq chi'aq'a' xkek'oje' kan pa kachoch ri winaqi' aj-Ascalón, y chiri' k'a xkewer-wi. Man jun xtinaqo kichin, roma ri Jehová ri qa-Dios xkeruchajij. Rija' kan xkerurtisaj y xkeruya-q'anej pa jotol.

Wuj Richin Bix Chire ri Dios 146:7

Ri Jehová kan nuben ri ruchojmilal kik'in ri yetz'ilox. y kan nuya' kiway ri yewayjan. Kan yerukol k'a ri ek'o pa ximonri'il.

Wuj Richin Bix Chire ri Dios 145:15

Jehová, konojel kan at kitzuliben richin ye'atzuq, roma rat kan naya' k'a ri kiway pa ruq'ijul.

1 Sam 2:21

Y ri Jehová xuya' k'a q'ij chi ri Ana xek'oje' chik más ral y roma ri' xyawej chik y xek'oje' chik e oxi' ral alaboni' y e ka'i' xtani' y ri ti Samuel ruchapon ruk'iyinen pa rusamaj ri Jehová.

Wuj Richin ri Rutikeribel 50:25

Xujikiba-rutzij ri José chikiwech ri e rijatzul kan ri Israel y xubij chike: Kan qitzij na wi chi ri Dios xtipe richin yixruto' y yixruk'uaj-el y toq xtibanatej re', tik'uaj-el ri nubaqil, xcha' chike.

Wuj Richin ri Rutikeribel 48:15

Y k'ari' xrurtisaj ri José rik'in re ch'abel re': Chuwech k'a ri Dios, ri achoq chuwech ri xebiyin-wi ri numama' Abraham y ri nata' Isaac, y ri Dios ri in chajiyon-pe yin, kan ja ri chupan pe ri q'ij toq xinalex, k'a re q'ij wakami,

Wuj Richin ri Rutikeribel 28:20

Y ri Jacob kan xuben k'a ri xubij: Wi rat Dios xkabe wik'in y xkinachajij chupan ri nuk'aslen y wi xtaya' nuway richin yiwa' y xtaya' nutziaq richin ninkusaj,

Wuj Richin ri Rutikeribel 21:1

Ri Jehová kan janila k'a jebel xuben rik'in ri Sara y kan xuben-wi achi'el ri rusujun kan chire.

1 Pedro 2:12

Roma ri' kan tik'uaj jun k'aslen utz, y choj chikikojol ri winaqi' ri man ketaman ta ruwech ri Dios. Richin chi stape' nikimol-pe tzij chiwij chi man utz ta ri ik'aslen, toq xtapon ri q'ij chi ri Dios nuq'et-tzij ri winaqi' ri' xtikiya' ruq'ij-ruk'ojlen ri Dios roma ri utzilej ibanobal rix.

1 Timoteo 6:8

Roma ri' qojkikot k'a xa rik'in k'o ri qaway y ri qatziaq.

Wuj Richin Bix Chire ri Dios 147:14

Ja rija' ri niya'on ri uxlanen chupan ri iruwach'ulew. Rija' nuya' pa ruk'iyal ri trigo richin yixnoj jebel.

Wuj Richin Etamabel-Tzij 30:8

Ri nurayibel, ja ri man taya' q'ij chi yenq'ol ri winaqi' y man ta nintz'uk-tzij; y chuqa' man taya' meba'il ni beyomel chuwe, xaxe taya' ri nuway ri nik'atzin chuwe.

Wuj Richin ri Rut 1:5

jari' toq ri Mahlón y ri Quilión xeken-el, kan chi e ka'i' k'a xeken-el y keri' ri Noemí kan ruyon k'a xk'oje' kan; e maneq chik ri e ka'i' ral y maneq chik ri rachijil chuqa'.

Wuj Richin ri Rut 1:7

Rija' xuchop k'a el bey y xel-el ri akuchi xk'oje-wi, e rachibilan-el ri e ka'i' rali' richin chi yetzolin pa ruwach'ulew Judá.

Wuj Richin Bix Chire ri Dios 102:14

Roma ri asamajela' kan janila nikajo' ri atinamit, stape' wulatejineq kan.

Joel 2:19

Y xtubij k'a: Xtinya' k'a pe i-trigo, i-vino y ri aceite. Rik'in re' jebel xkixwa' y xkixbeyomer. Kan man jun bey chik xtinya' q'ij richin ri ch'aqa' chik winaqi' richin ri ruwach'ulew xkixkiyojobej ta.