Wuj Richin ri Rut 1:20 - Kaqchiquel Bible

²⁰ Jak'a rija' xubij chike: Man tibij chik Noemí chuwe; más utz nibij Mará chuwe,*f1* roma ja bi'aj re' ri más ruk'amon chuwe yin, roma ri Dios ri k'o ronojel uchuq'a' pa ruq'a', xuya' jun k'ayilej k'aslen chuwe.

Wuj Richin ri Rut 1:20 ပူးပေါင်းရင်းမြစ်များ

Wuj Richin ri Rutikeribel 17:1

Ri Abram k'o jumuch' belejlajuj rujuna' toq xuk'ut chik ri' jun bey ri Jehová chuwech, y xubij chire: Ja yin ri in Dios ri k'o Ronojel Uchuq'a' Pa Nuq'a'.*f14* Tak'uaj ri nubey y tabana' ri utz.

Wuj Richin ri Rutikeribel 43:14

Y kan ja ta k'a ri Dios ri k'o ronojel uchuq'a' pa ruq'a' xtich'on pa ránima ri achin ri', richin nrelesaj-pe ri iwach'alal Simeón y man ta k'a xtuk'en kan re Benjamín. Y wi man jun chik walk'ual xtik'oje' kan, keri' k'ari', man jun xtinben, xcha' ri Jacob.

Wuj Richin ri Achin Job 11:7

¿Yatikir kami nawetamaj rat ri achike ri qitzij rubanik ri Dios? ¿Yatikir kami rat yatapon rik'in ri ach'obonik k'a akuchi napon-wi ri ruchi' ri retamabal ri Dios, ri k'o ronojel uchuq'a' pa ruq'a'?

Wuj Richin ri Achin Job 19:6

Rix xa kan man iwetaman ta k'a chi ja ri Dios ri banayon kere' chuwe, xa kan ja rija' ri xya'on ri pikbel richin chi yin xiqaqa chupan.

Wuj Richin ri Achin Job 5:17

Jebel ruwa-ruq'ij ri wineq ri nijich'ex roma ri Dios; roma ri', rat Job, kan tak'ulu' ri tijoj-poqonal ri nuya' ri Dios chawe, ri Dios ri k'o ronojel uchuq'a' pa ruq'a'.

Wuj Richin ri Achin Job 6:4

Kan in sokotajineq k'a roma ri ch'ab ri e richin ri Dios ri k'o ronojel uchuq'a' pa ruq'a'. Ri nuk'aslen kan nuk'ul k'a ri kamisanel aq'om ri ek'o-pe chikitza'n ri ch'ab ri'. Kan ronojel k'a ri xibinri'il ri nuya' ri Dios kan kisutin-wij.

Wuj Richin ri Achin Job 9:18

Kan k'ayew ri rubanon chuwe, kan man yiruya' ta kan juba'. Rija' nuben chuwe chi ruyon q'axo'n ri ninq'axaj.

Wuj Richin Bix Chire ri Dios 73:14

Roma xa kan jantape' ninwil q'axo'n, kan ronojel k'a q'ij nink'ul ruk'ayewal.

Wuj Richin Bix Chire ri Dios 88:15

Kan ja yan ri pa nuk'ajolil in k'ayewatajineq-pe y kan in apowineq chuwi' kamik, janila k'a k'iy mul abanon chuwe chi nintej poqon y wakami man ninkoch' ta chik.

Ex 15:23

Y toq xe'apon k'a akuchi k'o-wi ya', kan man xetikir ta xkiqum, roma ri ya' ri' xa k'ey-k'ey; roma ri' xkibij Mará*f5* chire ri chiri'.

Ex 6:3

Jak'a yin ri' ri xink'ut-wi' chuwech ri Abraham, ri Isaac y ri Jacob, y xink'ut-wi' chikiwech achi'el RI DIOS RI NITIKIR NUBEN RONOJEL; y man jun bey xketamaj ta nuwech rik'in ri nubi' Jehová.

Wuj Richin ri Isaías 38:13

Ri chi'aq'a' kan xisik'in roma rukiy ri yabil. Yin xinna' achi'el xa ta jun koj nupaq'aq'ej ri nubaqil. Q'ij q'ij xk'is-qa ri wuchuq'a' richin ta xiken.

Hebreos 12:11

Kan qitzij wi chi toq ojk'o pa tijoj-poqonal, stape' richin yojtijox, xa man nuya' ta kikoten chiqe, xa oq'ej nuk'en-pe chiqe. Jak'a chirij ri' kan k'o-wi ri uxlanen nuk'en-pe y nuben más choj chire ri nik'ulu richin.

Apocalipsis 1:8

Ja yin ri rutikeribel y ri ruk'isibel, nicha' ri qajaw ri k'o ronojel uchuq'a' pa ruq'a', ri kan k'o-pe pa rutikeribel, k'o chuqa' re wakami y kan xtipe chik.

Apocalipsis 21:22

Jak'a kan man jun jay ri akuchi niya'ox-wi ruq'ij ri Dios ri xintz'et ta, roma ri ajaw Dios ri kan k'o ronojel uchuq'a' pa ruq'a' y ri Karne'l, kan jantape' ek'o ri chiri'.