Wuj Richin ri Rut 1:2 - Kaqchiquel Bible

² Re achin re' rubini'an Elimélec, ri rixjayil rubini'an Noemí y ri e ka'i' ruk'ajol kibini'an Mahlón y Quilión. Rije' e riy-rumam kan ri achin ri xubini'aj Efrata, ri xtz'ukun kan ri tinamit Belén. Rije' xebek'oje' k'a pa ruwach'ulew Moab y xkibanala-qa kachoch chiri'.

Wuj Richin ri Rut 1:2 ပူးပေါင်းရင်းမြစ်များ

Wuj Richin ri Rutikeribel 35:19

Y keri' k'a toq ri Raquel xken y xkimuq kan ri chiri' toq kichapon-el bey pan Efrata, ri wakami jari' ri tinamit rubini'an Belén.

Wuj Richin ri Miqueas 5:2

Jak'a xtipe pe jun q'atoy-tzij pa tinamit Belén ri chuqa' nibix Efrata chire. Stape' ri tinamit ri' maneq rejqalen chikiwech konojel ri tinamit richin Judá, kan kik'in rije' xtel-wi-pe re q'atoy-tzij re'. Y rija' kan samajineq-wi-pe pa nabey.

1 Sam 17:21

Ri aj-Israel ek'o pa cholaj richin nikichop oyowal, y chuqa' keri' kibanon ri aj-Filistea, y nikitzu' k'a ki'.

1 Sam 1:1

Chupan ri ruwach'ulew Israel, k'o k'a jun achin rubini'an Elcaná, aj-Ramá, chiri' chuwa taq juyu' richin ri Efraín. Ri Elcaná ruk'ajol ri Jeroham, rumam ri Elihú y ruxikin-rumam ri Tohu. Y ri Tohu ruk'ajol kan ri Suf aj-Efraín.

Wuj Kichin ri To'onela' 3:30

Kere' k'a xbanatej toq ri israelita xech'akon chikij ri aj-Moab; chirij re' xk'oje' k'a uxlanen kik'in, jumuch' juna'.

Wuj Kichin ri To'onela' 17:7

Pa tinamit Belén richin ri tzobaj Judá, k'o jun ala' levita ri k'o qa juba' chiri'.

Wuj Richin ri Rut 1:3

Xk'uluwachitej k'a, chi ri Elimélec ri rachijil ri Noemí xa xken-el toq ek'o chiri', y ri Noemí xmalkanej kan y xek'oje' kan chuwech rija' ri e ka'i' ral alaboni'.

Wuj Richin ri Rut 1:5

jari' toq ri Mahlón y ri Quilión xeken-el, kan chi e ka'i' k'a xeken-el y keri' ri Noemí kan ruyon k'a xk'oje' kan; e maneq chik ri e ka'i' ral y maneq chik ri rachijil chuqa'.

Wuj Richin ri Rut 2:1

Chiri' pa Belén k'o k'a jun achin ri rach'alal kan ri ánima Elimélec, ri rachijil ri Noemí. Re achin re' rubini'an Booz, rija' jun nimalej beyom y kan k'o ruq'ij.

Wuj Richin ri Rut 4:9

Y jari' toq ri Booz xubij chike ri rijita'q taq achi'a' ri k'o kiq'ij y chike ri winaqi' ri ek'o chiri': Rix xitz'et re xbanatej re wakami, chi yin ninloq' kan ronojel chire ri Noemí, ronojel ri kichinan kan ri Elimélec, ri Quilión y ri Mahlón.

1 Sam 17:12

Ri Isaí aj-Belén richin Judá, kan janila k'a ri'j chik toq niq'aton-tzij ri rey Saúl, y rija' ek'o e waqxaqi' ruk'ajol, y jun chike rije' ja ri David.