Wuj Richin ri Rut 1:17 - Kaqchiquel Bible

¹⁷ Akuchi k'a xkaken-wi rat, chiri' chuqa' xkiken-wi yin y chiri' xkimuq-wi; kan k'a ja na k'a ri kamik ri xtich'aron qichin. Y wi k'o ta chik jun ri nich'aron qichin y ninq'ej ruwi' ri nutzij, xa kan tiqaqa k'a ruk'ayewal pa nuwi' yin, ri nuya-pe ri Jehová, xcha' ri Rut.

Wuj Richin ri Rut 1:17 ပူးပေါင်းရင်းမြစ်များ

1 Sam 3:17

Y ri Elí xuk'utuj chire: ¿Achike xubij ri Dios chawe? Nink'utuj jun nimalej utzil chawe richin man tawewaj ri achike xbix chawe. Wi rat man xtabij ta chuwe ri xbix chawe, ri Dios kan ta xtuya' k'a ri ruk'ayewal pan awi' rat, xcha' chire.

2 Rey 6:31

Y rija' xubij: Ri Dios kan xtrelesaj k'a ri nujolon, wi yin man xtinwelesaj ta wakami ri rujolon ri Eliseo ri ruk'ajol ri Savat, xcha'.

1 Rey 2:23

Y ri rey Salomón xuya' k'a rutzij pa rubi' ri Jehová y xubij chi ja ri Dios xtiya'on ruk'ayewal pa ruwi' rija' wi man xtukamisaj ta ri Adonías roma ri xuk'utuj.

2 Sam 19:13

Keri' chuqa' tibij chire ri Amasá chi roma rija' kan jun chike ri wach'alal, roma ri' ninya' nutzij chuwech ri Dios chi kan xtinben chire chi ja rija' xtok aj-raqen pa kiwi' ri aj-labal, pa ruk'exel ri Joab, xcha'.

1 Rey 20:10

Y ri Ben-hadad xuteq chik rubixik chire ri rey Acab: Yin xkenk'en k'a pe janila chi achi'a' richin chi nikiwulaj ri atinamit; y kan man jun chik k'a xtik'oje' kan, ni poqolaj richin ta chi nikimoq'ej-el ri achi'a' ri'. Wi yin man xtinben ta keri', ri nu-dios xa kan xtikiya' k'a ruk'ayewal pa nuwi' yin y pa ruwi' ri nutinamit achi'el ri xinwajo' xinben chiwe rix, xcha-el chike.

1 Sam 25:22

Ri Dios kan ta xtuya' nimalej ruk'ayewal pa nuwi' yin, wi ri chua'q toq xtiseqer-q'anej k'a k'es na ri Nabal o jun chike ri achi'a' ri ek'o rik'in rija', xcha-qa.

2 Sam 3:35

Chirij re' ri winaqi' ri' xbekisuju' ruway ri David roma xa xqaq'ij yan. Jak'a ri David xuya' rutzij y xubij chi ri Dios kan xtuya' ta k'a ruk'ayewal pa ruwi' rija' wi k'o xtutej chupan ri q'ij ri'.

Hechos 11:23

Toq ri Bernabé xapon, xutz'et k'a chi ri Dios kan ruya'on-wi k'a ruq'a' pa ruwi' ri kisamaj ri qach'alal. Roma ri' janila xkikot ránima ri Bernabé, y xubij k'a chike konojel chi kan tikuqer kik'u'x rik'in ri ajaw Jesucristo, y chi kan rik'in ronojel kánima kek'oje' rik'in.

1 Rey 19:2

Y kan jari' toq ri Jezabel xuteq-el jun uk'uey rutzijol rik'in ri Elías richin nubij chire: Ri dios e wichin yin kan xtikiya' k'a ruk'ayewal pa nuwi' y kan xkinkikamisaj, wi ke taq wa chua'q man at nukamisan ta, achi'el xaben rat chike ri achi'a' ri xesamajin kichin ri Baal, xcha-el.

2 Sam 3:9

Jak'a re wakami, yin kan ja ta k'a ri Jehová ri xtiya'on-pe ruk'ayewal pa nuwi' wi man xkiq'ax ta rik'in ri David, roma ri Jehová kan rik'in jikibel-tzij rusujun ri q'atbel-tzij pa ruq'a' rija'.

Hechos 20:24

Jak'a man ja ta ri' ri más ninch'ob rij, ni man ja ta chuqa' ri nuk'aslen ri ninch'ob más. Ri más k'a ninch'ob, ja ri samaj ri ruya'on ri ajaw Jesús chuwe, y rik'in ta k'a kikoten ri xtink'is rutzijoxik chike ri winaqi' ri utzilej ch'abel richin kolotajik, ri niq'alajirisan ri rutzil ri Dios.

Wuj Richin ri Rut 1:16

Jak'a ri Rut xubij chire: Man chik tak'utuj utzil chuwe richin chi yatinya' kan y ninch'er kan wi' awik'in. Roma akuchi xkabe-wi rat, chiri' xkibe-wi yin; akuchi xkabek'oje-wi rat, chiri' xkibek'oje-wi yin; ri awinaq, kan ja chuqa' ri' nuwinaq yin; y ri a-Dios, jari' chuqa' nu-Dios yin.

Wuj Richin ri Rut 4:15

Wakami ja rija' k'a ri xtikuquban ak'u'x, y ja rija' chuqa' xtilin awichin toq xkarijix. Y ri awali' qitzij chi janila yarupoqonaj; rija' kan más k'a rejqalen ke chuwech ek'o ta e wuqu' awal alaboni', xecha' chire ri Noemí.

1 Sam 14:44

Y ri Saúl xubij: Kan ja ri Dios xtiya'on rutojbalil-mak pa nuwi' wi rat man xkaken ta, xcha'.

1 Sam 20:13

Jak'a wi ri nata' xa itzel ruch'obonik, kan ja ri Jehová xtiya'on ruk'ayewal pa nuwi' yin wi man xtinbij ta chawe, richin rat yabe rik'in uxlanibel-k'u'x. Y ja ri Jehová xtik'oje' awik'in achi'el xk'oje' rik'in ri nata'.

2 Sam 15:21

Jak'a ri Itai xubij: Ninjikiba' nutzij chawech pa rubi' ri Dios, chi rokik at k'es rat, yin kan xkatintzeqelibej richin k'aslen o kamik. Akuchi xkak'oje-wi rat, chiri' xkik'oje-wi yin, xcha'.

1 Rey 13:31

Toq xbemuq yan kan ri achin richin ri Dios, jari' toq ri ti ri'j achin xch'on kik'in ri ruk'ajol y xubij chike: Toq yin xkiken, xkinimuq junan rik'in rija', y ri nubaqil xtuxlan chuxikin ri rubaqil rija',

Wuj Richin Bix Chire ri Dios 45:10

Tawak'axaj k'a rat xten y taya' axikin chire ri xtinbenbij chawe; wakami man ja ta chik ri nikibij ri e aj pan awachoch y ri awinaq ri nanimaj.