Wuj Richin ri Rut 1:12 - Kaqchiquel Bible

¹² Kixtzolin kan, kixbiyin kan chi taq iwachoch, roma yin janila chik in ri'j richin chi yik'ule' ta chik jun bey. Y stape' ninbij ta chiwe chi kan k'a banel na richin chi yik'ule' y re wakami tokoq'a', yin yik'oje' ta rik'in achin y kan ja ta ri' yiyawej kan richin chi nik'oje' chik wal.

Wuj Richin ri Rut 1:12 ပူးပေါင်းရင်းမြစ်များ

Wuj Richin ri Rutikeribel 17:17

Ri Abraham xuqasaj chik qa ri' k'a pan ulew, roma ri xubij ri Dios, rija' xtze'en y xubij-qa pa ránima: ¿Ek'o kami k'a achi'a' ri wok'al chik kijuna' ri nik'oje' ta kalk'ual? ¿Y k'o kami jun ixoq achi'el ri Sara ri jumuch' lajuj chik rujuna' ri nalex ta jun ti ral?, xcha-qa.

Wuj Richin ri Rutikeribel 38:11

Y jari' toq ri Judá xubij chire ri rali': Tayonij na chik k'a juba' y kabek'oje' pa rachoch ri atata' rokik nik'iy-q'anej ri nuk'ajol Selá, xcha'. Keri' xubij ri Judá roma rik'in juba' niken chuqa-el ri Selá. Y ri Tamar xbek'oje' k'a pa rachoch ri rutata'.

1 Timoteo 5:9

Kan k'atzinel k'a richin yeto'ox ri malkani' taq ixoqi' ri k'o más oxk'al kijuna', y wi kan utz xkiben kik'in ri kachijilal,

Wuj Richin ri Rut 1:11

Jak'a ri Noemí xubij chike: Kixtzolin kan wal yin. ¿Achike ta k'a roma niwajo' yixbe chuwij? Yin xa man xkek'oje' ta chik wal, richin chi rix ja ta ri' xke'iwoyobej richin yixk'ule' kik'in.

Wuj Richin ri Rut 1:13

¿Kan k'a ye'iwoyobej kami rix richin chi k'a toq yenimer na q'anej, k'ari' yixk'ule' kik'in? ¿Xaxe kami koma rije' nikoch'-qa chi man yixk'ule' ta? Man keri' ta wal yin. Roma ri q'axo'n xa pa nuwi' yin rutaqon-wi-pe ri Jehová y ja yin ri k'o chi yik'owisan, y man ja ta rix, xcha' ri Noemí chike.