Wuj Richin ri Josúe 9:9 - Kaqchiquel Bible

⁹ Rije' xkibij chire: Roj ri oj asamajela' oj peteneq pa jun ruwach'ulew janila nej, roma kela' qak'axan ri nima'q taq rubanobal ri Jehová ri i-Dios: Ri nima'q taq rubanobal ri xuben pan Egipto,

Wuj Richin ri Josúe 9:9 ပူးပေါင်းရင်းမြစ်များ

Wuj Richin ri Josúe 9:24

Y rije' xkibij k'a chire ri Josué: Roj kan xqetamaj k'a chi ri Jehová ri i-Dios xubij chire ri ánima Moisés, ri rusamajel richin nuya' chiwe ronojel re ruwach'ulew re' y chuqa' kan k'o chi xke'ikamisaj konojel ri ek'o chuwech. Roma ri' janila xqaxibij-qi' richin yojikamisaj, y roma ri' roj xqaben kere'.

Deut 20:15

Keri' niben kik'in ri tinamit ri ek'o nej ri man e richin ta ri ruwach'ulew ri xtiwichinaj rix.

Wuj Richin ri Isaías 66:19

Y re' jun retal chike rije'. Y k'ari' kan xkenteq jujun chike ri man xeken ta kik'in ri ch'aqa' chik winaqi' richin ri ruwach'ulew. Kan xkenteq k'a el pa ruwach'ulew Tarsis, Fut, Libia, Lidia, ri akuchi yetikir nikikusaj ri ch'ab; chiri' pa Tubal, Grecia y ri ch'aqa' chik ruwach'ulew ri ek'o nej chuchi' ri palou, ri man jun bey kak'axan ri nubi' yin, ni man jun bey kitz'eton ri nuk'ojlemal richin chi nikiq'alajirisaj ri ruwaq'ijaj ri k'o wik'in. Y ri taqonela' ri' xkebe richin xtikiq'alajirisaj ronojel re'.

Wuj Richin ri Isaías 55:5

Rix kan xke'iwoyoj tzobaj winaqi' kichin ri ruwach'ulew ri man jani iwetaman ta kiwech, y re winaqi' re' kan anineq k'a xkepe woma yin Jehová ri i-Dios, ri in Loq'olej ri xibanon chiwe chi nik'oje' janila iruwaq'ijaj.

Wuj Richin Bix Chire ri Dios 148:13

Konojel re' tikibixaj ri rubi' ri Jehová, roma xa kan xaxe k'a ri rubi' rija' ri ruk'amon chi ninimirisex. Ri ruk'ojlemal rija' kan k'o k'a pa ruwi' ri kaj y ri ruwach'ulew.

Wuj Richin Bix Chire ri Dios 83:18

Tabana' ronojel re' richin niketamaj, chi ri abi' rat, Jehová, y chi kan xaxe rat yaq'aton-tzij pa ruwi' ri ruwach'ulew.

Wuj Richin Bix Chire ri Dios 72:19

¡Kan tinimirisex k'a ri nimalej rubi' jantape'! Kan chijun ta ri ruwach'ulew xtinoj rik'in ri ruk'ojlemal, ¡Kan keri' ta k'a xtibanatej, ja' kan keri'!

Wuj Richin ri Nehemías 9:5

K'ari' ri jun chik tzobaj levita; ri Josué, ri Cadmiel, ri Binuy, ri Hasabnías, ri Serebías, ri Hodías, ri Sebanías y ri Petahías, xech'on kik'in ri winaqi' y xkibij chike: Kixyakatej y tiqaya' ruq'ij ri Jehová ri qa-Dios ri kan k'o-pe y xtik'oje' ri tibe-q'ij tibe-seq, xecha'. Y jari' toq ri winaqi' xkibij chire ri Jehová:

1 Rey 8:41

Y wi k'o ta jun wineq ri man qawinaq ta, y xtrak'axaj k'a pe chirij ri nimalej abi' y ri nimalej awuchuq'a' y roma ri' nel-pe chupan rutinamit ri k'a nej k'o-wi, richin noch'on awik'in y noruya' aq'ij chupan re jay re';

Wuj Richin ri Q'axanri'il 14:15

Jak'a wi rat kan xke'ak'is re tinamit re' pa jun bey, ri winaqi' richin ri ch'aqa' chik ruwach'ulew ri kak'axan jebel chawij rat, xtikibij:

Ex 15:14

Re' kan xtikak'axaj k'a ri winaqi' y kan xkebaybot. Kan man xtikil ta k'a achike xtikiben ri winaqi' aj-Filistea.

Ex 9:16

Jak'a yin kan qitzij ri ninbij chawe chi kan nuya'on-wi ri ak'aslen, richin chi ri nibanatej awik'in, xtuben chi niq'alajin ri wuchuq'a' yin; y keri' kan xtinimirisex k'a ri nubi', chuwech chijun re ruwach'ulew.

Hechos 8:7

Kan e k'iy-wi k'a winaqi' ri e okineq itzel taq espíritu kik'in, ri nrelesala-el. Y ri itzel taq espíritu ri' kan rik'in kuchuq'a' yech'on toq ye'elesex-el. Ek'o k'a chuqa' winaqi' ri e jetz', yebiyin; y ri e sikirineq, xek'achojirisex chuqa' el roma ri Felipe.

Wuj Richin ri Q'axanri'il 20:14

Toq ri Moisés y ri ruwinaq ek'o k'a chiri' pa tinamit Cadés, rija' xeruteq k'a uk'uey rutzijol k'a rik'in ri rey richin ri ruwach'ulew Edom, y kere' k'a ri xuteq-el rubixik chire: Roj ri awach'alal, ri oj rijatzul kan ri Israel, niqabij k'a chawe: Kan awetaman k'a chi roj ronojel ruwech ruk'ayewal ri qaq'axan-pe re xojoqaqa k'a re wawe'.

Wuj Richin ri Josúe 9:10

y ronojel ri xuben kik'in ri e ka'i' rey kichin ri amorreo, ri ek'o juk'an chire ri raqen-ya' Jordán, nel chi tzij: Ri Sihón rey richin ri tinamit Hesbón y ri Og rey pa ruwi' ri ruwach'ulew Basán, y pa ruwi' ri tinamit Astarot.

Wuj Richin ri Josúe 9:16

Y toq xik'o yan oxi' q'ij chi tijunamatej-kiwech kik'in rije', k'ari' xkinabej chi ri achi'a' ri xe'apon kik'in xa e aj chikinaqaj.

Wuj Richin ri Josúe 9:17

Y ri achi'a' e rijatzul ri Israel xe'el k'a el, y pa rox q'ij xe'apon pa kitinamit ri achi'a' ri', y ri kitinamit ja ri Gabaón, Quefirá, Beerot y Quiriat-jearim.

Deut 20:11

Wi ri winaqi' richin ri tinamit ri' xtikajo' ri uxlanibel-k'u'x y nikiya' q'ij richin yixok-apo pa kitinamit; jari' ri xkesamej iwik'in y xke'ok isamajela' y kan xke'iya' pa kowilej taq samaj.

Wuj Richin Bix Chire ri Dios 78:12

Re meyel taq banobel re' kan xuben k'a chikiwech ri ojer qati't-qamama' chupan k'a ri ruwach'ulew Egipto, ri chiri' pa tinamit Soan.