Wuj Richin ri Josúe 9:4 - Kaqchiquel Bible

⁴ jari' toq xkinojij xkikusaj jun nowineq na'oj. Xebe k'a y xkiben chi e taqon-el y xkiya-el chikij ri taq kibur rijlej taq costal y rijlej taq tz'um richin vino, tzeretzeq y k'ojon chik,

Wuj Richin ri Josúe 9:4 ပူးပေါင်းရင်းမြစ်များ

San Lucas 16:8

Toq ri rajaw ri beyomel xrak'axaj ri xuben ri jun itzel samajel ri', xubij chi kan rik'in na'oj xuben ronojel ri'. Achi'el k'a ri achin ri', e keri' ri winaqi' ri k'a kikuquban na kik'u'x rik'in ri ruwach'ulew. Y janila wi e nowineq chikiwech ri kiniman ri Dios y e richin chik ri saqil.

Marcos 2:22

Keri' chuqa' man ruk'amon ta chi niya'ox k'ak'a' vino chupan jun k'ojelibel ri banon rik'in tz'um ri xa tzia'q chik. Roma ri tz'um ri' xa man nikoch'on ta chik y nik'is-el ri vino chupan. Jak'a chupan jun k'ak'a' tz'um, niyake' kan k'ak'a' vino richin man nibojbo' ta, xcha' ri Jesús.

San Mateo 10:16

Wakami yin yixinteq-el, achi'el taq karne'l ri yixbeqaqa chikikojol ri winaqi' ri e achi'el utiwa'. Jak'a rix xa kan kixok k'a nowineq achi'el nuben ri kumetz. Kan man tich'upu ik'u'x. Xa tibana' achi'el jun paloma ri kan man jun etzelal ri k'o ta rik'in.

San Mateo 9:17

Y keri' chuqa' man ruk'amon ta chi niya'ox k'ak'a' vino chupan jun k'ojelibel ri banon rik'in tz'um ri xa tzia'q chik. Roma ri tz'um ri' xa man nikoch'on ta chik y nik'is-el ri vino chupan. Jak'a chupan jun k'ak'a' tz'um niyake' kan k'ak'a' vino richin man nibojbo' ta, xcha' ri Jesús.

Wuj Richin Bix Chire ri Dios 119:83

Stape' yin xa man jun chik yik'atzin-wi, xa in achi'el chik jun tz'um ri xaq-xaq chik rubanon roma yakel kan; jak'a xa kan man numestan ta ri apixa'.

Wuj Richin ri Rutikeribel 34:13

Jak'a ri e ruk'ajol ri Jacob rik'in q'oloj xech'on rik'in ri Siquem y ri rik'in ri Hamor ri rutata'. Keri' xkiben roma ri Siquem xuqasaj ruq'ij ri Dina ri kana'.

Wuj Richin ri Josúe 9:3

Jak'a ri winaqi' ri ek'o pa tinamit Gabaón, toq xkak'axaj ri xkiben ri Josué y ri achi'a' chike ri aj-Jericó y ri aj-Ai,

Wuj Richin ri Josúe 9:5

y chuqa' xkikusaj-el rijlej taq xajab y e kik'ojon chik. Y chuqa' kikusalon-el tzeretzeq taq tzieq. Ri kikaxlan-way ri kik'uan-el richin nikitej pa bey chaqi'j-chaqi'j y pus-pus chik.

Wuj Richin ri Josúe 9:13

Chuqa' re tz'um richin ri qa-vino, k'a e k'ak'a-k'ak'a' na toq xeqanojisaj-pe, y titzu' wakami xa xeretzetej yan. Y re qatziaq y re qaxajab xetziaqir yan roma yalan nej ri bey oj peteneq-wi, xecha' rije'.

Wuj Richin ri Josúe 9:12

Ri q'ij toq xojel pe pa qachoch, re qakaxlan-way re xeqak'en-pe richin niqatej pa bey k'a meq'en na, y titz'eta' wakami xa chaqi'j-chaqi'j y pus-pus chik.