Wuj Richin ri Josúe 8:8 - Kaqchiquel Bible

⁸ Y toq ichapon chik ri tinamit, xtiya' ruq'aq'al. Xtiben k'a achi'el ri xubij ri Jehová. Tiwak'axaj chi kan keri' xinbij chiwe, xcha'.

Wuj Richin ri Josúe 8:8 ပူးပေါင်းရင်းမြစ်များ

2 Sam 13:28

Y ri Absalón xubij chike ri e rusamajela' chi toq xtikitz'et chi ri ránima ri Amnón kan nikikot roma ri vino; y toq rija' xtubij chi tikikamisaj, kan jari' xtikikamisaj, y man tikixibij-ki', roma ja rija' ri xbin. Y xubij chuqa' chi tikitija' kiq'ij richin nikiben, y man tikixibij-ki'.

Wuj Richin ri Josúe 1:16

K'ari' ri aj-raqen kichin ri e ka'i' tzobaj rik'in nik'aj xkibij chire ri Josué: Roj kan xtiqaben ronojel ri xtabij chiqe y xqojbe xabakuchi xqojateq-wi-el rat.

Wuj Richin ri Josúe 1:9

Tawak'axaj k'a ri ninbij chawe: Tatija' k'a aq'ij y kow k'a kak'oje', man taxibij-awi', ni man timayamo-qa ri awánima roma yin Jehová ri a-Dios kan xkik'oje' awik'in xabakuchi xkabe-wi, xcha' ri Dios chire ri Josué.

Wuj Kichin ri To'onela' 4:6

K'o k'a jun q'ij ri Débora xuteq royoxik ri Barac, ri ruk'ajol ri Abinóam ri aj-Quedes, ri k'o pa ruwach'ulew richin ri Neftalí, y toq xapon k'a, ri Débora xubij chire: Ri Jehová, ri qa-Dios, kere' ri nubij chawe: Kabiyin y kebe'amolo-pe e 10,000 achi'a' chikikojol ri tzobaj richin ri Neftalí y ri Zabulón, y timolo-iwi' chiri' chuwa taq juyu' ri rubini'an Tabor,

Wuj Richin ri Josúe 8:28

K'ari' xkiya' ruq'aq'al ri tinamit richin xk'is jumul; y kan xtole' kan, k'a re wakami.

Wuj Richin ri Josúe 6:24

Ri aj-labal xkiya' k'a ruq'aq'al ri tinamit y ronojel ri ek'o chupan. Y ri achi'a' xkik'en k'a pe ronojel ri saqipueq, ri q'anapueq y ri samajibel ri e banon rik'in q'eqapueq y q'enq'oj-pueq, y xekiyek kan chupan ri beyomel ri k'o pa rachoch ri Jehová.

Deut 20:16

Jak'a ri winaqi' richin ri tinamit ri ek'o chupan ri ruwach'ulew ri xtuya' ri Jehová ri qa-Dios chiwe richin niwichinaj, kan ye'ikamisaj konojel y man jun nik'asba' kan.

Wuj Richin ri Josúe 8:2

Rix xtiya' k'a pikbel chirij ri tinamit. Y xtiben chike ri winaqi' richin ri tinamit Ai y chire ri ru-rey achi'el xiben rik'in ri tinamit Jericó y chire ri ru-rey. Xaxe k'a re wakami xtimej-pe ri k'o rejqalen chuwi-kiq'a' y ri kawej, ronojel k'a re' xke'ok iwichin rix, xcha'.

Wuj Richin ri Josúe 8:7

Y jari' toq rix xkixyakatej-pe chire ri pikbel, y xkixok k'a chupan ri tinamit, roma ri Jehová ri qa-Dios xtujech chiqe.

Wuj Richin ri Josúe 8:9

K'ari' ri Josué xeruteq-el, y rije' xebe k'a ri akuchi k'o chi nikiben-wi ri pikbel chukojol ri tinamit Ai y ri tinamit Betel, pa qajbel-q'ij chire ri Ai. Ri Josué xk'oje' k'a ri akuchi ek'o-wi-qa, chikikojol ri ch'aqa' chik ruwinaq chupan ri aq'a' ri'.

Wuj Richin ri Josúe 8:22

Y ri ch'aqa' chik achi'a' aj-Israel xebe'el-pe chupan ri tinamit ri' richin xebekik'ulu'. Keri' toq ri aj-Ai xek'oje' pa kinik'ajal ri e rijatzul kan ri Israel; ri ch'aqa' chikij y ri ch'aqa' chikiwech. Xekikamisaj k'a konojel ri aj-Ai y man jun xk'ase' kan y man jun xanimej.

Wuj Richin ri Josúe 8:13

Kere' ruchojmilal xuben kik'in ri achi'a': Ri aj-labal xek'oje' pa xaman chire ri tinamit, y ri xechajin ri pikbel xek'oje' pa qajbel-q'ij chire ri tinamit. Y ri Josué xuq'axaj ri aq'a' ri' pa runik'ajal ri taq'aj kojol juyu'.