Wuj Richin ri Josúe 8:4 - Kaqchiquel Bible

⁴ Kere' k'a xubij-el chike: Tiwak'axaj, xtiya' k'a jun pikbel ri chirij-el ri tinamit. Man yixjel ta k'a el nej chire ri tinamit, tinaba' k'a iwi' y kan k'ula' k'a xkixtzu'un-wi.

Wuj Richin ri Josúe 8:4 ပူးပေါင်းရင်းမြစ်များ

Wuj Kichin ri To'onela' 20:29

Y chupan ri aq'a' ri', jujun chike ri israelita xekiyala' pikbel chuchi' ri Guibeá.

Hechos 23:21

Jak'a rat man tanimaj ri', roma ek'o más e kawineq achi'a' ri xkeq'eleben richin ri Pablo ri pa bey, y ri achi'a' ri' kan kibin k'a chi man xkewa-xke'uk'ya' ta, k'a jampe' xketikir xtikikamisaj, y chi ja ta ri Dios ri xtiya'on ruk'ayewal pa kiwi', wi xtikiq'ej kitzij. Wakami xaxe chik k'a koyoben ri achike xtabij-el rat, xcha' ri ala'.

Wuj Richin ri Molojri'il 9:16

Roma ri' yin ninbij: Ja ri na'oj ri más utz ke chuwech ri uchuq'a'. Jak'a ri na'oj ri k'o rik'in jun wineq ri xa man jun k'o rik'in, man jun bey niq'alajirisex ta. Y chuqa' ri wineq kan man nikajo' ta nikak'axaj ruch'abel jun wineq ri keri' rubanik.

Wuj Richin ri Molojri'il 7:19

Ri na'oj ri k'o rik'in jun wineq aj-na'oj kan nuya' janila ruchuq'a', jun uchuq'a' más nim ke chuwech ri kuchuq'a' lajuj q'atoy taq tzij pa jun tinamit.

1 Sam 15:5

K'ari' ri Saúl y ri achi'a' xenaqajub-apo chunaqaj ri ruk'u'x ri ruwach'ulew kichin ri amalecita, y xkewala-ki' kojol taq siwan, y xekiyala' pikbel pa kibey ri e etzelanel kichin.

1 Sam 15:2

Kere' rubin ri Jehová k'iytisanel richin ronojel: Yin xtinya' tijoj-poqonal pa kiwi' ri amalecita, roma ojer kan xkipaba-ki' chikiwech ri iwati't-imama' toq xe'el-pe pan Egipto.

Wuj Kichin ri To'onela' 20:36

Jari' toq ri aj-Benjamín xkinabej chi xa xech'akatej yan. Ri israelita ri e animajineq-el chikiwech ri aj-Benjamín kan kikuquban kik'u'x kik'in ri kewan kan ki' chunaqaj ri Guibeá.

Wuj Kichin ri To'onela' 20:33

K'ari' ri israelita xkichop chik el binen y xe'apon k'a pa Baal-tamar, y xkinuk'-ki' richin nikiben oyowal chiri'. Chuqa' ri kewan-ki' chunaqaj ri Guibeá xeyakatej-q'anej,

Wuj Kichin ri To'onela' 9:25

Y ri aj-Siquem xekiyala' achi'a' pa taq juyu' richin chi ye'eleq'an kan kik'in ri winaqi' ri yeq'ax-el chupan ri bey ri napon pa Siquem; richin chi nikiya' pa k'ayew ri Abimélec. Y re' kan xbetzijox k'a chire rija'.

Wuj Richin ri Josúe 8:16

Konojel ri achi'a' ri ek'o chiri' pa tinamit Ai xkimol-ki' richin xekitzeqelibej-el konojel ri achi'a' ri e rachibilan ri Josué; y keri' xban chike richin xe'elesex-el chupan ri kitinamit.

Wuj Richin ri Josúe 8:3

Keri' ri Josué y ri aj-labal xkinaba-ki' richin nibekibana' oyowal rik'in ri tinamit Ai. Ri Josué xerucha' k'a el e 30,000 achi'a' ri kan janila e utz richin oyowal, jare' k'a xeruteq-el ri chi'aq'a' ri'.

2 Rey 7:12

Y ri rey xyakatej k'a q'anej ri aq'a' ri', y xubij chike ri aj-raqen pa kiwi' ri aj-labal: Yin xtinq'alajirisaj chiwe ri achike nikajo' nikiben ri aj-Siria chiqe; Rije' ketaman chi yojnum; y roma ri' xe'el-el chiri' ri akuchi ek'o-wi-qa, y xbekewaj-ki' pa juyu'. Y xkibij-qa chi toq oj eleneq chik el chupan ri tinamit, xqojkichop keri' oj k'es, y xke'ok-pe chupan ri tinamit, xcha' ri rey.

2 Crón 13:13

Y ri Jeroboam rubin k'a chike jun tzobaj chike ri ruwinaq chi tibekisutij-pe-ki' chikij ri aj-Judá y chaqk'ate' kekichapa' chi oyowal, rokik ri ch'aqa' chik ruwinaq yek'oje' chikiwech ri aj-Judá.

Wuj Kichin ri To'onela' 9:32

Wakami k'a re aq'a' re' katel-pe rat y ri aj-labal ri ek'o awik'in, y tiwewaj-iwi' pa taq juyu'.