Wuj Richin ri Josúe 8:2 - Kaqchiquel Bible

² Rix xtiya' k'a pikbel chirij ri tinamit. Y xtiben chike ri winaqi' richin ri tinamit Ai y chire ri ru-rey achi'el xiben rik'in ri tinamit Jericó y chire ri ru-rey. Xaxe k'a re wakami xtimej-pe ri k'o rejqalen chuwi-kiq'a' y ri kawej, ronojel k'a re' xke'ok iwichin rix, xcha'.

Wuj Richin ri Josúe 8:2 ပူးပေါင်းရင်းမြစ်များ

Deut 20:14

Y xaxe ri ixoqi', ri ak'uala' y ri kawej y ronojel ruwech ri k'o chupan ri tinamit ri', xtok iwichin y kan xtik'atzin k'a chiwe ronojel ri xtiberuya' ri Jehová ri qa-Dios chiwe ri kichin kan ri e etzelanel iwichin.

Wuj Richin Etamabel-Tzij 13:22

Ri wineq ri kan utz, kan k'o k'a ri nuya' kan richin nikichinaj kan ri e riy-rumam; jak'a ri beyomel ri nuya' kan ri wineq aj-mak, kan niyake' kan, richin chi ja ri choj kik'aslen ri ye'ichinan.

2 Crón 20:22

Y toq ri bixanela' xkichop-q'anej bixanik rik'in janila kikoten, jari' toq ri Jehová xusech kik'u'x ri e etzelanel kichin y xech'akatej. Xuben k'a chike ri aj-Amón, ri aj-Moab y ri muenita chi xa kiyon rije' xkikamisala-qa ki' chikiwech.

Wuj Richin ri Josúe 6:21

Y ronojel ri xkil chupan ri tinamit ri', xekikamisaj rik'in espada; chi achi'a', chi ixoqi', chi ak'uala' y ri taq rijita'q, chuqa' ri bóyix, ri kokoj taq awej y konojel ri bur.

Wuj Richin ri Jeremías 51:12

K'o chi nikiyek-q'anej ri retal richin nikiwulaj ri tz'aq richin ri tinamit Babilonia. K'o chi yekiya' más achi'a' richin yechajin jebel, y k'o chi yekiyala' pikbel, roma ri Jehová k'o runojin chi nuben y ri runojin pa kiwi' ri winaqi' aj-Babilonia, kan xtuben k'a.

Wuj Richin ri Jeremías 17:11

Ri wineq ri numol rubeyomel ri xa man pa ruchojmilal ta ri nuben, xa achi'el jun saqkorowach ri nijupe' pa ruwi' ri saqmolo' ri man richin ta rija'. Y toq pa nik'aj chire ri ruk'aslen ri wineq ri', xa nuya' kan ronojel y pa taq ruk'isibel xa nibeq'alajin-pe chi rija' jun nakanik, xcha' ri Dios.

Wuj Richin Etamabel-Tzij 28:20

Jun achin ri kan nuben ri nrajo' ri Dios, kan xtiq'ej k'a pe urtisanik pa ruwi', jak'a ri wineq ri anineq nibeyomer-q'anej, kan xtipe k'a itzel ch'obonik chirij.

Wuj Richin Bix Chire ri Dios 39:6

Kan qitzij na wi chi ri nuk'aslen xa kan chi'anin niq'ax achi'el jun mach'ach'il. Ri nukosik xa kan man jun rejqalen. Xinmol janila chi beyomel, jak'a man wetaman ta ri achike xtichinan kan.

2 Crón 13:13

Y ri Jeroboam rubin k'a chike jun tzobaj chike ri ruwinaq chi tibekisutij-pe-ki' chikij ri aj-Judá y chaqk'ate' kekichapa' chi oyowal, rokik ri ch'aqa' chik ruwinaq yek'oje' chikiwech ri aj-Judá.

Wuj Richin ri Josúe 10:28

Y keri' chuqa' chupan k'a ri q'ij ri' ri Josué y ri achi'a' xkich'ek ri tinamit Maquedá, y xekikamisaj rik'in espada, keri' chuqa' xkikamisaj ri rey, y xekik'is k'a konojel ri winaqi' ri ek'o chupan ri tinamit ri'; y kan man jun k'a xkiya' kan, y xkiben chire ri rey achi'el xkiben chire ri rey richin ri Jericó.

Wuj Richin ri Josúe 10:1

Chupan ri q'ij ri' ri Adonisédec ri amorreo, rey richin ri Jerusalem, xrak'axaj yan chi ri Josué xuchop yan ri tinamit Ai y kan xuk'is, y kan xuben rik'in ri tinamit ri' y ri ru-rey achi'el xuben rik'in ri tinamit Jericó y ri ru-rey. Y chuqa' xrak'axaj chi ri aj-Gabaón xjunamatej yan kiwech kik'in ri israelita y ek'o chik chikikojol.

Wuj Richin ri Josúe 8:24

Y toq ri achi'a' aj-Israel xekikamisaj yan konojel ri achi'a' aj-Ai ri e beneq pa taq'aj ri pa tz'iran ruwach'ulew ri akuchi e kitzeqeliben-el, y kan konojel xeken yan rik'in espada, jari' toq xetzolin chupan ri tinamit Ai y xekikamisaj konojel ri winaqi' ri ek'o chiri'.

Wuj Richin ri Josúe 8:19

Y toq ri e okineq pikbel xkitz'et re', chi'anin k'a xeyakatej ri akuchi ek'o-wi, y junanin k'a xebe y xe'ok chupan ri tinamit. Keri' xkichop ri tinamit y chi'anin xkiya' ruq'aq'al.

Wuj Richin ri Josúe 8:14

Toq ri rey richin ri Ai y ri ruwinaq xkitz'et ronojel re', jari' toq xeyakatej nimaq'a' yan richin xkiteleche'ej-ki'; k'ari' xebe chikik'ulik ri e rijatzul kan ri Israel, richin nibekichapa' oyowal pa ruchojmilal ri taq'aj richin ri raqen-ya' Jordán, y kan man ketaman ta chi ya'on pikbel chirij ri tinamit.

Wuj Richin ri Josúe 8:12

Xerucha' k'a 5,000 achi'a' y xeruya' richin pikbel pa qajbel-q'ij chire ri Ai, pa ruchojmilal ri tinamit Betel.

Wuj Richin ri Josúe 8:9

K'ari' ri Josué xeruteq-el, y rije' xebe k'a ri akuchi k'o chi nikiben-wi ri pikbel chukojol ri tinamit Ai y ri tinamit Betel, pa qajbel-q'ij chire ri Ai. Ri Josué xk'oje' k'a ri akuchi ek'o-wi-qa, chikikojol ri ch'aqa' chik ruwinaq chupan ri aq'a' ri'.

Wuj Richin ri Josúe 8:7

Y jari' toq rix xkixyakatej-pe chire ri pikbel, y xkixok k'a chupan ri tinamit, roma ri Jehová ri qa-Dios xtujech chiqe.

Deut 3:2

K'ari' ri Jehová xubij chuwe: Man tixibij-iwi' chikiwech, roma xa xinjech yan pan iq'a' ri rey, ri e aj-labal, y chijun ri ruwach'ulew. Tibana' k'a achi'el xiben chire ri Sihón rey kichin ri amorreo, ri xek'oje' pan Hesbón, xcha' chuwe.

Wuj Richin ri Josúe 8:3

Keri' ri Josué y ri aj-labal xkinaba-ki' richin nibekibana' oyowal rik'in ri tinamit Ai. Ri Josué xerucha' k'a el e 30,000 achi'a' ri kan janila e utz richin oyowal, jare' k'a xeruteq-el ri chi'aq'a' ri'.

Wuj Richin ri Josúe 8:8

Y toq ichapon chik ri tinamit, xtiya' ruq'aq'al. Xtiben k'a achi'el ri xubij ri Jehová. Tiwak'axaj chi kan keri' xinbij chiwe, xcha'.

Deut 2:35

Xa kan xaxe k'a ri awej y ronojel ri k'o rejqalen ri xok kan qichin roj chike ri tinamit ri xeqach'ek.

Wuj Richin ri Josúe 9:3

Jak'a ri winaqi' ri ek'o pa tinamit Gabaón, toq xkak'axaj ri xkiben ri Josué y ri achi'a' chike ri aj-Jericó y ri aj-Ai,

Wuj Richin ri Josúe 11:14

Y ri Josué y ri achi'a' xok kichin ronojel ri ek'o chupan ri tinamit ri xekich'ek, y chuqa' ronojel ri awej ri xekil chupan ri tinamit ri'; jak'a konojel ri winaqi' xekikamisaj chi espada, y kan man jun xk'ase' kan chike,