Wuj Richin ri Josúe 8:1 - Kaqchiquel Bible

¹ Ri Jehová xubij chire ri Josué: Man taxibij-awi' ni man kamayamo-qa. Ke'ak'uaj konojel ri aj-labal y kixjote-el richin nichop ri tinamit Ai. Wakami yin xtinjech k'a chawe ri rey, ri ruwinaq, ri rutinamit y ronojel ri kulew.

Wuj Richin ri Josúe 8:1 ပူးပေါင်းရင်းမြစ်များ

Wuj Richin ri Josúe 1:9

Tawak'axaj k'a ri ninbij chawe: Tatija' k'a aq'ij y kow k'a kak'oje', man taxibij-awi', ni man timayamo-qa ri awánima roma yin Jehová ri a-Dios kan xkik'oje' awik'in xabakuchi xkabe-wi, xcha' ri Dios chire ri Josué.

Deut 7:18

Jak'a man tixibij-iwi' chikiwech, xaxe toqaqa chi'ik'u'x ri xuben ri Jehová rik'in ri rey richin Egipto y kik'in ri ruwinaq.

Deut 1:21

Tiwetamaj k'a chi ri Jehová ri qa-Dios nujech ri ruwach'ulew chiqe, kixbiyin k'a q'anej y tichapa' y kan tibana' iwichin chire, kan achi'el ri rubin ri Jehová chike ri qati't-qamama'. Man k'a tixibij-iwi' y man kixmayamo-qa, xicha' chiwe.

Wuj Richin ri Josúe 6:2

Y ri Jehová xubij chire ri Josué: Tawetamaj k'a kan chi ri Jericó xinjech yan pan iq'a', y keri' chuqa' ri rey y chuqa' ri e aj-labal.

Deut 31:8

Kan ja ri Jehová xtinabeyej chawech y kan xtik'oje' awik'in. Kan man xkaruya' ta kan y man xkarumalij ta kan, y roma ri' man taxibij-awi' y man tamalij ak'u'x, xcha' chire.

Wuj Richin ri Isaías 43:2

Toq xkixq'ax chupan ri palou, yin xkik'oje' iwik'in. Toq xkixq'ax chupan raqen taq ya', kan man xkixruk'uaj ta el. Y toq xkixq'ax chupan nimalej taq q'aq', man xkixk'at ta, ni ri ruxaq q'aq' man xkixrumej ta.

San Mateo 8:26

Jak'a ri Jesús xubij chike: ¿Achike roma xik'en rukiy rix? Rix xa ti juba' ok ri kuqubabel-k'u'x ri k'o iwik'in, xcha' chike. K'ari' xbeyakatej-pe y xuch'olij ri kaq'iq' y ri choy, y ronojel xsiliso-qa.

Dn 4:35

Chawech rat, ri winaqi' ri ek'o chuwech re ruwach'ulew xa man jun kejqalen, Rat kan naben achi'el ri niqa' chawech; keri' ri chikaj y keri' chuqa' chuwech re ruwach'ulew. Kan man jun k'a wineq ri nitikir ta niq'aton awichin, Kan man jun ri nik'utun chawe ri achike roma keri' naben. Keri' xinbij chire ri nimalej Dios.

Dn 4:25

Kan xkatelesex k'a el chikikojol ri winaqi' y xkabek'ase' chikikojol ri chikopi' aj pa q'ayis. Kan xtatej k'a ri q'ayis achi'el ri kiwaybal ri wákix. Y xaxe k'a rik'in ri raxq'ab xkatatin-wi. Keri' xkak'oje', k'a toq xtiq'ax na chawech chi kan xaxe wi ri nimalej Dios ri k'o pa ruwi' ri ajawaren richin ri ruwach'ulew y kan nuya' ri ajawaren pa ruq'a' ri achike nrajo' rija'. Y re' xtuk'uaj wuqu' juna'.

Dn 2:21

Ja rat yabanon richin yeq'ax ri ik' y ri juna'. Ja rat yaya'on ri q'atbel-tzij, y rat yatelesan kichin. Ja rat yaya'on na'oj chike ri e aj-na'oj, ri etamabel kan rat k'a yaya'on chike ri etamanela'.

Wuj Richin ri Jeremías 46:27

Jak'a rix ri ix rijatzul kan ri Jacob ri nusamajel, man tixibij-iwi'. Man kixmayamo-qa rix israelita, roma rix y ri iwalk'ual kan xkixinkol ri k'a akuchi ix talutajineq-wi. Stape' k'a nej ixk'o-wi, rix xkixtzolin chik pe y xkixk'ase' rik'in uxlanen jun bey chik. Kan xkixch'uch'u' y man jun chik xtixibin iwichin.

Wuj Richin ri Isaías 12:2

Kan qitzij Dios, ja rat ri qakolonel. Roj kan xtiqakuquba' qak'u'x awik'in y man xtiqaxibij ta qi', roma kan ja rat ri yaya'on ri quchuq'a', y naya' jun bix chiqe. Chuqa' naya' qakolotajik.

Wuj Richin Bix Chire ri Dios 46:11

Ri Jehová k'iytisanel richin ronojel, jari' ri k'o qik'in roj. Ri nito'on qichin roj, kan ja ri ru-Dios kan ri Jacob.

Wuj Richin Bix Chire ri Dios 44:3

Rije', man roma ta ri kikamisabal xe'ok kan chuwech ri ruwach'ulew ri', ni man ja ta ri kuchuq'a' rije' ri xekolo. Kan ja ri awijkiq'a' y ri asaqil rat kik'in rije' ri xbanon chike chi xech'akon, Kere' xaben kik'in roma kan xeqa' chawech.

Wuj Richin Bix Chire ri Dios 27:1

Ja ri Jehová ri saqil y kolotajik chire ri nuk'aslen. ¿Achoq chuwech ta k'a xtinxibij-wi'? Ja ri Jehová nichajin ri nuk'aslen. ¿Achike ta k'a roma xkik'ark'ot-qa?

Wuj Richin ri Josúe 7:9

Roma ri aj-Canaán y konojel ri ek'o chuwech re ruwach'ulew xtikak'axaj re xbanatej; xtikisutij-qij, y kan xqojkik'is k'a jumul chuwech re ruwach'ulew. ¿Achike k'a xtaben wakami richin nanimirisaj ri utzilej atzijol?, xcha'.

Wuj Richin ri Josúe 10:7

Ri Josué xjote' k'a el pa Guilgal kik'in konojel ri aj-labal y konojel ri maneq xibinri'il chikiwech.

Wuj Richin ri Josúe 10:8

Y ri Jehová xubij chire ri Josué: Man tik'en kikiy rije', roma yin xenjech yan pan iq'a'. Man jun chike rije' ri xtitikir ta xtupaba' ri' chiwech, xcha'.

Wuj Richin ri Jeremías 49:3

¡Wakami k'a rix aj-Hesbón xtiwoq'ej ri itinamit Ai, roma xa xtich'akatej! Chuqa' rix ixoqi' aj-Rabá kan xkixoq' k'a. Xtikusaj k'a tzieq richin bis y xtibajila' k'a ruwa-ik'u'x. Xkixanin, achi'el nikiben ri ch'uja' y xtisokola' k'a iwi', roma ri i-dios Milcom xtibe pa ximonri'il, e rachibilan ri e ru-sacerdote y ri e aj-raqen.

Deut 7:21

Man kixmayamo-qa chikiwech rije', roma ri Jehová ri qa-Dios kan k'o chi'ikojol rix, rija' jun Dios nim y kan k'o rukiy, y roma ri' xkebaybot chuwech.

Wuj Richin ri Josúe 2:24

Y rije' xkibij chire ri Josué: Kan qitzij na wi chi ri Jehová xujech yan chijun ri ruwach'ulew Canaán pa qaq'a' y ri winaqi' ri ek'o chupan ri ruwach'ulew ri' kan xpe k'a jun nimalej xibinri'il chike. Y xmayamo' yan qa ri kánima qoma roj, xecha' rije'.