Wuj Richin ri Josúe 7:9 - Kaqchiquel Bible

⁹ Roma ri aj-Canaán y konojel ri ek'o chuwech re ruwach'ulew xtikak'axaj re xbanatej; xtikisutij-qij, y kan xqojkik'is k'a jumul chuwech re ruwach'ulew. ¿Achike k'a xtaben wakami richin nanimirisaj ri utzilej atzijol?, xcha'.

Wuj Richin ri Josúe 7:9 ပူးပေါင်းရင်းမြစ်များ

Ex 32:12

Man taya' q'ij richin xkebech'on-pe ri aj-Egipto y xtibekibij-pe: Ri Jehová xerelesaj-el ri israelita wawe', xaxe richin chi xerukamisaj ri pa taq juyu'. Xaxe richin chi xeruk'is-el chuwech re ruwach'ulew, xkecha'. Roma ri', tabana' utzil ajaw, xa taqasaj ruwi' ri awoyowal y tajoyowaj k'a ruwech ri atinamit.

Wuj Richin Bix Chire ri Dios 83:4

Xkich'ob k'a chi yeyakatej chiqij roj israelita, richin yojkik'is; kan nikajo' k'a nikiyoj jumul ri rubi' re qaruwach'ulew.

San Juan 12:28

K'ari' rija' xch'on rik'in ri Dios y xubij: Nata', kan tabana' k'a chi niq'alajin ta ri aq'ij-ak'ojlen, xcha'. Kan jari' k'a toq ri Dios xch'on-pe chila' chikaj y xubij: Kan nubanon chik k'a keri'. Y xtinben chik k'a jun bey, chi kan niq'alajin-wi ri nuq'ij-nuk'ojlen, xcha'.

Joel 2:17

Chuqa' ke'oq' ri sacerdote ri rusamajela' ri Jehová. Ke'oq' chukojol ri okibel richin ri rachoch ri Dios y ri porobel. Y tikibij: Jehová takuyu' janila qamak ri oj atinamit; man taya' q'ij richin ri ch'aqa' chik winaqi' yojkiyojobej, ni man taya' q'ij chi rije' yek'oje' pa qawi'. Man taya' q'ij chike richin nikibij: ¿Akuchi-k'o-wi ri ki-Dios?

Ez 20:9

Xinwajo' ta xinben kere', jak'a xa man xinben ta, richin man niqasex ta nuq'ij chikikojol ri ch'aqa' chik tzobaj winaqi', roma xinya' nutzij richin xenwelesaj-pe pan Egipto.

Deut 9:28

Wi man keri' ta, ri aj-Egipto xtikibij chi rat man yatikir ta naya' chiqe ri ruwach'ulew ri asujun chiqe, o xa roma kan yojawetzelaj, roma ri' xojawelesaj-pe chiri' xaxe richin yojak'is kan re wawe' pa tz'iran ruwach'ulew.

Wuj Richin ri Q'axanri'il 14:13

Jak'a ri Moisés xubij chire ri Jehová: Rat xa kan rik'in k'a ri nimalej awuchuq'a' xawelesaj-pe re tinamit chiri' pan Egipto y toq rije' xtikak'axaj k'a ri nawajo' naben rik'in ri atinamit, xtikelesaj k'a rutzijol.

Wuj Richin ri Josúe 7:8

¡Ajaw! ¿Achike chik k'a xtinbij, roma ri achi'a' richin ri e rijatzul kan ri Israel xa xe'animej chikiwech ri etzelanel qichin?

Wuj Richin ri Josúe 7:10

Y ri Jehová xubij chire ri Josué: Kayakatej. ¿Achike roma aqasan-awi' pan ulew?

1 Sam 12:22

Ri Jehová kan man xtumalij ta kan ri rutinamit, roma ri nimalej rubi'; roma kan xrajo' richin xojok rutinamit rija'.

Wuj Richin Bix Chire ri Dios 48:10

Kan achi'el k'a ri utzilej atzijol, keri' ri ruya'ik aq'ij chuwech chijun re ruwach'ulew. Ri awijkiq'a' xaxe ri ruchojmilal ri nuben.

Wuj Richin Bix Chire ri Dios 79:9

Nimalej Dios ri at qakolotajik roj. Tabana' utzil qojato' roma ri ruk'ojlemal ri abi'. Qojakolo' y takuyu' ri qamak roma ri nimalej abi'.

Wuj Richin Bix Chire ri Dios 83:5

Kan jun k'a kiwech kibanon chire re ch'obonik re'. Kan xkiyala' k'a kitzij chi yeyakatej chawij.

Wuj Richin Bix Chire ri Dios 115:1

Man chiqe ta k'a roj Jehová ri ruwaq'ijaj, xa kan awichin rat, roma ri awajowabal ri man k'isel ta, y roma man yojamalij ta kan.

Wuj Richin ri Miqueas 7:10

Rix ri ix etzelanel qichin kan xtitz'et ri xtibanatej. Kan xkixk'ixbitej k'a janila, rix ri xixtze'en chiqij, ri kan nibila' chiqe chi akuchi k'o-wi ri Jehová ri qa-Dios. Wakami k'a xtiqatz'et ri xtiberuk'uluwachij ri iruwach'ulew. Rix kan xkixbexolq'otix achi'el ri ch'abeq ri k'o pa taq bey.