Wuj Richin ri Josúe 7:6 - Kaqchiquel Bible

⁶ K'ari' ri Josué y ri e tata'al kichin ri e rijatzul kan ri Israel xkiretz ri kitziaq chikij y xkijopij ulew pa kijolon, retal richin yebison. K'ari' xkiqasaj-ki' k'a pan ulew chuwech ri káxa richin ri rujikibel-tzij ri Jehová; keri' xkiben k'a toq xqaqa na ri q'ij. K'ari' xeyakatej-q'anej.

Wuj Richin ri Josúe 7:6 ပူးပေါင်းရင်းမြစ်များ

Wuj Richin ri Rutikeribel 37:29

Y ri Rubén toq xtzolin-pe akuchi beneq-wi y xbe akuchi k'o-wi ri jul, xutz'et chi xa maneq chik ri José chiri', xpe bis rik'in y roma ri' xuretz ri rutziaq chirij.

Wuj Richin ri Rutikeribel 37:34

K'ari' rija' xuretz ri rutziaq chirij, xukusaj ri tzieq ri richin bis y janila k'iy q'ij xubisoj ri rukamik ri ruk'ajol.

Wuj Richin ri K'uxla'anik 2:10

Ri rijita'q taq achi'a' richin ri tinamit xetz'uye' k'a pa poqolaj, y kan man jun chik k'a nikibij. Xkiya' k'a poqolaj pa kijolon, y xkikusaj qirix taq tzieq. Keri' chuqa' ri xtani' kan xkiqasaj-ki' k'a pan ulew.

2 Sam 13:31

K'ari' ri David xyakatej-q'anej, y roma ri rubis xuretz ri rutziaq chirij, y xuqasaj-ri' k'a pan ulew. Y chuqa' konojel ri rusamajela' ri ek'o-apo rik'in keri' xkiben.

Wuj Richin ri Q'axanri'il 14:6

Y ri Josué ri ruk'ajol ri Nun y ri Caleb ri ruk'ajol ri Jefuné, xkiretz k'a ri kitziaq chikij roma bis.

Apocalipsis 18:19

Xkiyala' ulew pa kijolon, ye'oq' y yebison janila, y rik'in uchuq'a' nikibij: Toq'ex ruwech ri Babilonia. Kan rik'in ri rubeyomel rija' xebeyomer kan konojel rajaw ri nima-barco. Y xa pa jun ti ramaj xk'is ronojel, xecha'.

Hechos 14:14

Jak'a toq ri Bernabé y ri Pablo xkinabej ri nikich'ob ri winaqi', rije' xpe bis pa kánima, y roma ri' xkiretzela' ri kitziaq ri kikusan. Kan jari' k'a toq xe'ok rik'in uchuq'a' chikikojol ri winaqi', y nikibila' k'a chike:

Wuj Richin ri Achin Job 2:12

Toq rije' ye'apon yan k'a apo rik'in, kan man niketamaj ta chik ruwech roma ri ruk'uluwachin. Jari' toq xkoq'ej ruwech rik'in raqoj-chi'ij, y chikijujunal rije' xkiretz ri kitziaq chikij y xkijopij ulew chikaj y pa kiwi'.

Wuj Richin ri Achin Job 1:20

Kan jari' toq ri Job xuretz ri rutziaq chirij roma bis, y xujuk'uk'ej-el ri rusumal-ruwi', y xuxuk-xumej-ri' richin xuya' ruq'ij ri Dios roma ri xuk'uluwachij,

Ester 4:1

Toq xunabej ri Mardoqueo ri xbanatej, xuretz ri rutziaq chirij, retal richin nibison y xukusaj-el jun rutziaq qiriqoj, y xuya-el chaj pa rujolon, y xuchop nibiyajilan kojol jay chiri' chupan ri tinamit, y nisik'in rik'in janila q'axo'n.

2 Sam 12:16

K'ari' ri David xmewayin y xuk'utuj chire ri Dios chi man ta niken ri ak'ual. Y ri pa taq chaq'a' toq nitzolej pa rachoch, kan pan ulew k'a nikotz'e-wi kan.

2 Sam 1:12

Y rije' xebison, xe'oq' y xemewayin chijun ri q'ij ri' k'a toq xokoq'a' na qa, roma ri rukamik ri Saúl y ri Jonatán y roma konojel ri aj-labal israelita y ri ch'aqa' chik kiwinaq ri xekamisex chi espada.

1 Sam 4:12

K'o k'a jun achin rijatzul kan ri Benjamín ri xtikir xanimej-el pan oyowal y xbe pa Siló y rutzeron-el ri rutziaq chirij y ruya'on-el poqolaj pa rujolon richin chi xuk'ut chi janila nibison.

Wuj Kichin ri To'onela' 21:2

Chirij ri oyowal ri xbanatej, ri israelita xkimol k'a ki' chiri' akuchi k'o-wi ri rachoch ri Jehová y xek'oje' chiri' chuwech k'a toq xok na ri aq'a', y kan janila k'a xe'oq' y xkibij:

Wuj Kichin ri To'onela' 20:26

Y roma ri' konojel ri aj-labal israelita y konojel ri winaqi' xebe chik jun bey pa rachoch ri Jehová, y xetz'uye' y xe'oq' chuwech, y man xewa' ta ri jun q'ij ri' k'a toq xok na ri aq'a'; y xkisuj kamelabel ri niporox chijun y chuqa' xkisuj sipanik richin nikiq'alajirisaj chi junan kiwech rik'in rija'.

Wuj Kichin ri To'onela' 20:23

roma rije' kan xejote' k'a q'anej pa rachoch ri Jehová ri jun q'ij kan y chijun q'ij xe'oq' chuwech k'a toq xok na pe ri aq'a'. Rije' xkik'utuj k'a chire ri Jehová wi utz yebe chik jun bey richin nibekibana' oyowal kik'in ri aj-Benjamín, ri e kach'alal. Y ri Jehová kan xubij k'a chi utz yeyakatej chik el chikij.

Wuj Richin ri Q'axanri'il 16:45

Kixel-el chikikojol re winaqi' re kimolon-ki' wawe', roma yin kan ja re wakami yan xkenk'is jumul, xcha' ri Dios chire. Jak'a rije' kan kexukuk k'a xeqaqa pan ulew chuwech ri Jehová.

Wuj Richin ri Q'axanri'il 16:22

Jak'a ri Moisés y ri Aarón, kexukuk xeqaqa pan ulew chuwech ri Jehová richin yech'on rik'in y xkibij chire: Qa-Dios roj, rat ri at rajaw ri qak'aslen qonojel, ¿kan pa kiwi' kami konojel ri awinaq israelita nawelesaj-wi ri awoyowal, toq xa jun ok chike ri achi'a' ri xmakun chawech?, xecha'.

Wuj Richin ri Josúe 7:7

K'ari' ri Josué xubij: ¡Ajaw Jehová! ¿Achike roma xak'owisaj-pe re tinamit re' chupan ri raqen-ya' Jordán? ¿Xaxe kami richin yojajech chike ri amorreo richin yojkik'is? K'ate' ta xojk'oje' ta kan ri juk'an-apo chire ri raqen-ya' Jordán.

2 Sam 1:11

Toq ri David xrak'axaj chi keri' xbanatej, xuretz ri rutziaq chirij roma bis, y chuqa' keri' xkiben konojel achi'a' ri ek'o-apo rik'in.

2 Rey 22:11

Y toq ri Josías xrak'axaj ri nubij ri wuj richin ri pixa', xuretz ri rutziaq chirij roma bis.

2 Crón 34:19

Y toq ri rey xrak'axaj ri nubij ri pixa', jari' toq xuretz ri rutziaq chirij,

Wuj Richin ri Achin Job 42:6

Y roma kan xatintz'et re wakami, kan yik'ix roma ronojel ri nubin chawij y ninwetzelaj-wi'. Roma ri' ninqasaj-wi' chawech k'a chupan re poqolaj y re chaj, xcha'.

Wuj Kichin ri To'onela' 11:35

Y toq rija' xutz'et ri rumi'al, kan xuretz ri rutziaq chirij y xubij: ¡Numi'al yin, kan qitzij chi wakami xinaya' pa k'ayew! Kan ja chik k'a rat ri xatel-pe richin naya' re q'axo'n re' chuwe, roma yin kan k'o nusujun chire ri Jehová y man yitikir ta chik nintzolij-wi' chuwij, xcha'.

2 Sam 1:2

Y pa rox q'ij chi tapon ri David pa Siclag, xapon k'a jun ala' ri peteneq ri akuchi xek'oje-wi ri aj-labal ri xek'oje' rik'in ri Saúl. Y re ala' re' kan tzeretzik k'a rutziaq peteneq, y ruya'on-pe ulew pa rujolon, retal richin nibison. Toq rija' xapon rik'in ri David, kan xuqasaj-ri' chuwech richin xuya' ruq'ij.

2 Sam 13:19

K'ari' ri Tamar xuretz-el ri rutziaq ri', y xujopij-el chaj pa rujolon, Y k'ari' xuya-el ri ruq'a' chupalej y noq' xbe.

Wuj Richin ri Esdras 10:1

Rokik ri Esdras nich'on rik'in ri Dios, nubij ronojel ri kimak y kan noq' xukul chiri' chuwech ri rachoch ri Dios, ri janila chi ruwinaq kan xkimol-apo-ki' chiri': Chi achi'a', chi ixoqi' y chi ak'uala'. Y rije' chuqa' kan xe'oq' roma bis.

Wuj Richin ri Nehemías 9:1

Y xkimol k'a ki' konojel ri nuwinaq, y chijun q'ij man jun kiway xkitej, xkikusaj kitziaq richin bis, y xkiya' poqolaj pa kijolon richin xkik'ut chi janila yebison. Y re' xbanatej chupan ri q'ij juwineq kaji' richin ri ik' wuqu'.

Ester 4:3

Y toq ri rutzijol ri' xapon chupan chijun ri ruwach'ulew, jari' toq janila xebison ri winaqi' judío. Xemewayin k'a y xesik'in chi oq'ej. Xkikusala' qiriqoj taq tzieq y xekotz'e' pa chaj.