Wuj Richin ri Josúe 7:5 - Kaqchiquel Bible

⁵ Ri aj-Ai xekikamisaj k'a pe e juba' ma e juwineq waqlajuj achi'a' chike ri e rijatzul kan ri Israel y xekitzeqelibej-pe ri ch'aqa' chik toq xe'el-pe chiri' chuchi' ri tinamit y xe'apon k'a akuchi ye'elesex-wi abej; y xech'akatej chupan ri xulan-bey y roma ri' ri e rijatzul kan ri Israel xmayamo-qa ri kánima.

Wuj Richin ri Josúe 7:5 ပူးပေါင်းရင်းမြစ်များ

Wuj Richin ri Josúe 2:11

Toq roj xqak'axaj re' kan xk'is ruchuq'a' ri qánima, y konojel ri achi'a' kan kixibin-ki' iwoma rix, roma ri Jehová ri i-Dios rix, kan jari' ri Dios richin chila' chikaj y richin re ruwach'ulew.

Wuj Richin ri Josúe 2:9

Yin wetaman chi ri Jehová xujech yan re ruwach'ulew re' chiwe, roma ri' ri ikiy rix xoqaqa yan pa qawi' roj, y qonojel ri ojk'o chupan re jun tinamit re' xmayamoyan-qa ri qánima iwoma rix,

Wuj Richin ri Chojmirisabelri'il 26:36

Y ri kik'in ri iwijatzul ri man xkeken ta, ri xkebek'oje' pa kiruwach'ulew ri etzelanel kichin, yin xtinben chike richin xkemayamo-qa. Xtinben k'a chike chi xtikixibij-ki' xaxe roma nitzaq-pe jun ruxaq che' y xke'animej k'a achi'el xa ta k'o e oqotayon rik'in espada y kan xketzaq, stape' man jun e oqotayon.

Wuj Richin ri Nahum 2:10

Man jun chik k'o kan chupan; kan xk'is, kan xmalin y kan xok kan tz'iran. Kan janila xibinri'il k'o chiri'; konojel winaqi' yebaybot, y maneq chik kuchuq'a'. Y janila kikajman roma xibinri'il.

Ez 21:7

Y wi ta xtikik'utuj chawe chi achike roma yatoq', rat xtabij chike chi roma k'o jun ri xtibebanatej. Y toq xtoqaqa xtuben k'a chire chijun ri ruwach'ulew chi ri winaqi' xtikimalij kik'u'x y xtik'is k'a kuchuq'a' y konojel xkebaybot roma xibinri'il. Kan xtapon yan k'a ri ramaj richin xtibebanatej re', xcha'.

Wuj Richin ri Isaías 13:7

Roma ri' konojel ri winaqi' aj chiri' kan xkelawalo-qa; konojel kan xtimayamo-qa ri kánima.

Wuj Richin Bix Chire ri Dios 22:14

Ri wuchuq'a' kan xk'is yan k'a qa, achi'el nik'is ri ya' toq nitix pan ulew. Ronojel k'a ri nubaqil kan xe'el yan pa kik'ojelibal. Kan maneq chik oyobenri'il chuwe yin. Xa xk'is yan qa achi'el nik'is ri cera toq nimeq'e'.

Wuj Richin ri Josúe 5:1

Konojel ri rey kichin ri amorreo ri ek'o re juk'an-pe chire ri ruchi' ri raqen-ya' Jordán pa qajbel-q'ij y konojel ri rey kichin ri aj-Canaán ri ek'o chunaqaj ri palou, toq xkak'axaj chi ri Jehová xuben chire ri ya' richin ri Jordán chi xpa'e' y xumol-ri' chikiwech ri e rijatzul kan ri Israel y xkiq'axaj, jari' toq xmayamo-qa ri kánima y man xk'oje' ta chik uchuq'a' kik'in rije' chikiwech ri e rijatzul kan ri Israel.

Deut 1:44

Jak'a ri winaqi' amorreo ri ek'o chiri' xa xixkik'ul chi oyowal y k'ari' xixkoqotaj-pe, kan e achi'el k'a q'atz'utuj ri xebejopojo-pe chiwij y kan xixkich'ek k'a chiri' pa ruwach'ulew Seír y xixkitzeqelibej k'a pa tinamit Hormá.

Wuj Richin Bix Chire ri Dios 58:7

Kan ta k'a xtaben chike chi xkek'is-qa achi'el nuben ri ya' toq nibiyin-el. Toq nikik'eq ri kokoj taq ch'ab, kan ta k'a xtaq'ej chikiwech.