Wuj Richin ri Josúe 7:3 - Kaqchiquel Bible

³ Y toq xetzolin-el xkibij chire ri Josué: Man ke'ateq-q'anej konojel ri aj-labal, xa rik'in ka'i' o rik'in e 3,000 achi'a' ri yebe richin nikich'ek ri tinamit Ai. Man taben chi yebe-q'anej konojel ri achi'a', roma xa e juba' ok ri ek'o chiri', xecha'.

Wuj Richin ri Josúe 7:3 ပူးပေါင်းရင်းမြစ်များ

Wuj Richin Etamabel-Tzij 13:4

Ri wineq janila q'or xaxe choj nurayij y man jun nuben, roma ri' man jun nril pa ruk'aslen; jak'a ri wineq ri kan k'o nurayij y kan kow nisamej, nibe pa jotol.

Wuj Richin Etamabel-Tzij 21:25

Ri itzel taq rayibel ri ek'o pa ránima ri wineq q'or, jari' ri nikamisan-qa richin, roma xa kan man nuch'ob ta yerukusaj ri ruq'a' richin nisamej.

San Lucas 13:24

Kan titija' k'a iq'ij richin yixok chupan ri latz' ruchi-jay, roma kan janila k'a e k'iy winaqi' ri kan xtikitej kiq'ij richin xke'ok chupan ri jay ri', jak'a man xketikir ta xke'ok.

Hebreos 4:11

Kan tiqatija' k'a qaq'ij richin yojok chupan re uxlanen re' y man tiqaben achi'el xkiben ri winaqi' ojer kan, ri man xkikuquba' ta kik'u'x rik'in ri ruch'abel ri Dios.

Wuj Richin ri Josúe 7:2

Xeri' ri Josué xeruteq-el achi'a' y xe'el-el pa Jericó y xebe k'a pa jun chik tinamit rubini'an Ai ri k'o chunaqaj ri Bet-avén ri k'o pa relebel-q'ij chire ri tinamit Betel y xubij-el chike: Kixbiyin y tibenik'oj kan jebel ri tinamit Ai, xcha'. Rije' xebe k'a y xbekinik'oj ri tinamit.

Wuj Richin ri Josúe 7:4

Y xebe k'a e 3,000 achi'a', y rije' xa xe'animej-pe roma xa xkixibij-pe-ki' chikiwech ri aj-Ai.

2 Pedro 1:10

Y roma ri' wach'alal ri ix oyon y ri ix cha'on roma ri Dios, kan titija' iq'ij chi kan niq'alajin ronojel re' chupan ri ik'aslen, richin keri' man yixtzaq ta.

2 Pedro 1:5

Roma ri' titija' iq'ij richin chi pa ruwi' ri ikuqubabel-k'u'x yixk'iy rik'in jun utzilej k'aslen, y ri etamabel richin ri ruch'abel ri Dios.