Wuj Richin ri Josúe 7:12 - Kaqchiquel Bible

¹² Roma ri' rix man chik xkixtikir ta xkixch'akon chikij ri e etzelanel iwichin. Xa xkixanimej k'a pe chikiwech rije', roma rix chuqa' ruk'amon richin yixk'is jumul. Yin man xkik'oje' ta chik iwik'in, wi man xtik'is ta el chi'ikojol ri ruk'amon richin nik'is jumul.

Wuj Richin ri Josúe 7:12 ပူးပေါင်းရင်းမြစ်များ

Wuj Richin ri Isaías 59:2

Jak'a ri itzel taq ibanobal ri ye'iben, jari' xbanon chiwe chi xixch'aratej rik'in ri Dios. Y ri imak xbanon richin chi rija' man nitikir ta yixrutz'et, y man yixrak'axaj ta.

Wuj Kichin ri To'onela' 2:14

Roma ri' ri Jehová xpe janila royowal chikij ri e rijatzul kan ri Israel, y xerujech kan pa kiq'a' eleq'oma' ri kan xe'eleq' kik'in. Xerujech kan pa kiq'a' ri e etzelanel kichin ri ek'o chikinaqaj; y rije' man xetikir ta chik xkipaba-ki' chikiwech.

Wuj Richin ri Q'axanri'il 14:45

Jak'a ri amalecita y ri cananeo xebeqaqa-pe chikij ri winaqi' israelita richin xekich'ek. Y e koqotan-pe k'a toq xe'oqaqa k'a chiri' pa tinamit Hormá.

Wuj Richin ri Josúe 6:18

Jak'a rix tichajij-iwi'; y man jun tichop-pe chire ri kan xajan nichop, ri kan banon chire chi nik'is jumul. Man xa roma ri' xtipe ri ruk'ayewal pa qawi' ri akuchi ojk'o-wi-qa y xa xqojk'is chuqa' roj.

Deut 7:26

Roma ri' man jun tik'uaj pan iwachoch ri man niqa' ta chuwech ri Dios, richin chi man yixk'is. Kan tiwetzelaj k'a ronojel re', roma ri Dios rubin kan chi xa nik'is jumul.

Wuj Richin ri Habacuc 1:13

Rat Jehová kan at ch'ajch'oj y man nakoch' ta natz'et ri mak. Chuqa' man nakoch' ta natz'et ri etzelal ri yebanatej. ¿Achike k'a roma xtaya' q'ij chike ri aj-Babilonia richin xtikiben ri etzelal? ¿Achike k'a roma kan man jun xtabij, toq rije' xqojkiya' pa tijoj-poqonal, stape' roj más choj qak'aslen chikiwech rije'?

Os 9:12

Wi k'o ta kalk'ual xkenimer-q'anej, xa kan xkenwelesaj k'a el chikikojol. Kan toq'ex k'a kiwech rije' toq yin xkenmalij kan, nicha' ri Jehová.

Wuj Richin ri Jeremías 23:33

Y ri Jehová xubij chuwe: Wi k'o ta jun wineq richin ri tinamit o jun ri nubij chi rija' jun q'alajirisey nuch'abel o jun sacerdote y nuk'utuj ta chawe: ¿Achike k'a rutzijol ri xuya-pe ri Jehová? Y rat Jeremías xtabij chike: Ja rix ri xixrubij-pe chuwe y kan xkixruya' kan.

Wuj Richin ri Jeremías 6:8

Y rix winaqi' aj-Jerusalem, tichojmirisaj k'a ri ik'aslen, roma wi man xtiben ta, yin kan xtinch'er-el-wi' iwik'in roma janila woyowal. Y kan xtinben chire ri iruwach'ulew chi xtok jun tz'iran, jun tinamit ri kan man jun chik wineq ri xtik'oje' kan chupan.

Wuj Richin Etamabel-Tzij 28:1

Ri wineq itzel xa nixibiyaj y jantape' tzeqeliben nuna', jak'a ri chojmilej wineq, kan achi'el jun koj ri xa man jun xibinri'il chuwech.

Wuj Kichin ri To'onela' 2:4

Toq ri ángel richin ri Jehová xubij ronojel re' chike ri e rijatzul ri Israel, jari' toq xesik'in-q'anej chi oq'ej.

Wuj Richin ri Q'axanri'il 14:39

Y toq ri Moisés xutzijoj ronojel ri ch'abel chike ri winaqi' richin ri tinamit, rije' janila xq'axon ri kánima y janila xebison.

Wuj Kichin ri To'onela' 16:20

Y xubij chire: ¡Sansón, ri aj-Filistea xepe richin yatkichop!, xcha'. Y toq xuna' ruwech, xubij-qa: Wakami xa xkinanimej chik el jun bey achi'el nubanon-pe ronojel mul, xcha-qa. Y kan man retaman ta chi xa malin chik kan roma ri Jehová.

1 Sam 14:38

K'ari' ri Saúl xubij chike ri rijita'q taq achi'a' ri k'o kiq'ij: Kixjel-pe, y titz'eta' ri achike xmakun chuwech ri Dios.

Wuj Richin Bix Chire ri Dios 44:10

Xaben chiqe chi xqatzolij-qi' chiqij chikiwech ri e etzelanel qichin. Xaya' q'ij chi rije' xkik'uaj-el ronojel ri k'o qik'in.

Wuj Richin Bix Chire ri Dios 60:10

¿Man ja ta kami rat Jehová ri xa oj amalin kan, y man at beneq ta chik qik'in toq yojbe pa labal?

Wuj Richin ri Q'axanri'il 14:42

Man kixbe-el ri pa ruwach'ulew ri', roma wi yixbe ri Jehová man nibe ta iwik'in, xa choj yixbech'akatej-pe, koma ri winaqi' ri aj chiri' ri e etzelanel iwichin.

Wuj Richin ri Q'axanri'il 14:43

Roma ri amalecita y chuqa' ri cananeo xa kan xtikipaba-ki' chiwech, richin xtikiben oyowal iwik'in y xkixkikamisaj chi espada. Ri Jehová kan man xtibe ta iwik'in, roma rix xa man xiwajo' ta chik xitzeqelibej rija', xcha'.