Wuj Richin ri Josúe 7:1 - Kaqchiquel Bible

¹ K'o k'a jun achin rubini'an Acán ruk'ajol ri Carmí, rumam kan ri Zabdí, ruxikin rumam kan ri achin rubini'an Zérah, richin ri tzobaj Judá. Ri Acán man xunimaj ta tzij y xuk'en-pe juba' chire ri kan banon chire richin nik'is jumul. Y roma ri' ri Jehová xyakatej royowal chikij konojel ri e rijatzul kan ri Israel.

Wuj Richin ri Josúe 7:1 ပူးပေါင်းရင်းမြစ်များ

Wuj Richin ri Josúe 22:20

¡Toqaqa k'a chi'ik'u'x ri xuben ri Acán, ruk'ajol ri Zérah toq xuchop-pe ri kan banon chire chi nik'is jumul! Y roma ri' xken y xojk'uluman chuqa' roj ri tinamit Israel. Man xaxe ta rija' xken roma ri itzel rubanobal, ek'o chik ch'aqa' xeken, xecha'.

Wuj Richin ri Molojri'il 9:18

Ri na'oj kan más k'a rejqalen ke chuwech ri jalajoj kiwech kamisabel ri ye'ukusex pa labal. Roma toq man rik'in ta na'oj nibanatej jun banobel, kan nuyoj ronojel ri utz. Xa rik'in jun aj-mak, kan k'iy k'a ri man utz ta nuk'en-pe.

1 Crón 21:7

Jak'a ri Dios chuqa' kan itzel xutz'et ronojel re', y xuteq-pe jun ruk'ayewal pa kiwi' ri winaqi' israelita.

Wuj Richin ri Josúe 22:18

¿Kan ximestaj yan k'a ri xqak'uluwachij richin kan ich'aron-iwi' chuwech ri Jehová? Re wakami, wi rix yixyakatej chirij ri Jehová, ri chua'q-kabij rija' xtiyakatej royowal pa ruwi' ri qatinamit Israel.

Wuj Richin ri Josúe 22:16

Roj oj peteneq pa rubi' ri tinamit richin ri Jehová, y kere' bin-pe chiqe: ¿Achike k'a roma rix xich'er kan iwi' chuwech ri Jehová ri qa-Dios? ¿Y achike k'a roma rix xiben chire chi maneq rejqalen? ¿Y achike k'a roma xipaba-q'anej re jun porobel re' y xixmakun chuwech rija'?

Wuj Richin ri Jonás 1:7

Y ri Jonás kan xbejote' k'a pe kik'in, y konojel xkibila' k'a qa chikiwech chi achike roma nikik'uluwachij re jun ruk'ayewal re yakatajineq pa kiwi'. Y xkibij k'a chi nikisakij richin nikitz'et achoq pa ruwi' xtiqaqa-wi. Y keri' xkiben y xqaqa pa ruwi' ri Jonás.

Wuj Richin ri Esdras 9:6

Y xinbij: ¡Nu-Dios yin! Kan janila in k'ixbitajineq, y chuqa' kan janila xkiqasaj nuq'ij, y man yitikir ta ninyek-q'anej ri nuwech chawech, nu-Dios yin, roma ri itzel taq qabanobal kan janila k'iy y xapon yan k'a chikaj.

2 Crón 24:18

Roma ri' ri winaqi' xkimalij kan ri rachoch ri Jehová ri ki-Dios kan ri kati't-kimama', y xkisamajij k'a ri ruwachibel Asera y ri ch'aqa' chik wachibel. Roma re mak re' ri Dios xpe royowal pa ruwi' ri Judá y ri Jerusalem.

2 Sam 24:1

Chirij ronojel re' ri Jehová xyakatej chik jun bey royowal chikij ri winaqi' israelita, y roma ri' xuya' q'ij chi ri David xtaqchi'ix richin chi xuben jun tz'iban bi'aj chiri' pan Israel y pa Judá.

Dn 9:7

Rat ajaw kan at choj-wi, jak'a roj xa sachineq qak'u'x; keri' ri ek'o pa Jerusalem, y keri' chuqa' ri ch'aqa' chik qawinaq israelita ri ek'o nej naqaj chupan ch'aqa' chik ruwach'ulew, ri akuchi xojataluj-wi rat, roma xqapaba-qi' chawech.

Wuj Richin ri Chojmirisabelri'il 10:6

Y ek'o k'a ka'i' chik ruk'ajol ri Aarón, ri kibini'an Itamar y Eleazar. Ri Moisés xeroyoj k'a rije' y ri Aarón, y xubij k'a chike: Ri qawinaq xkebison kichin ri e ka'i' ri xuben ri Jehová chi xk'is kik'aslen roma ri q'aq'. Jak'a rix man tiben keri': xa kan jantape' k'a tichojmirisaj ri rusumal-iwi', y chuqa' man niretz ta ri itziaq chiwij roma bis. Jak'a wi rix xtik'ut richin yixbison, kan xkixken k'a, y xtiyakatej royowal ri Dios chikij konojel ri qawinaq.

2 Rey 5:24

Y toq xe'apon-q'anej ri akuchi k'o-wi ri kachoch, jari' toq ri Guehazí xuk'en kan ri saqipueq y ri tzieq richin xuyek kan chirachoch. K'ari' xeruteq-el ri samajela' ri'.

Wuj Richin ri Rutikeribel 34:27

Ri ch'aqa' chik ruk'ajol ri Jacob xe'apon k'a akuchi ek'o-wi ri kaminaqi' y xkik'uaj-el ri janipe' ri xkil-el chupan ri tinamit richin xkiben ruk'exel chike roma xkiqasaj ruq'ij ri kana'.

Wuj Richin ri Achin Job 35:8

Jak'a toq rat yamakun, chike ri winaqi' ri e achi'el rat kan itzel nuben, y toq choj ri k'aslen ak'uan, chuqa' chike ri winaqi' ri' kan utz ri nuk'en-pe.