Wuj Richin ri Josúe 6:2 - Kaqchiquel Bible

² Y ri Jehová xubij chire ri Josué: Tawetamaj k'a kan chi ri Jericó xinjech yan pan iq'a', y keri' chuqa' ri rey y chuqa' ri e aj-labal.

Wuj Richin ri Josúe 6:2 ပူးပေါင်းရင်းမြစ်များ

Deut 7:24

Y xkerujech ri ki-rey pan iq'a' y xkek'oje' chuxe' itzij rix, y rix xtiben chike chi ni jun chike rije' xtinatex ri rubi' chuwech re ruwach'ulew. Y man jun chike rije' xtupaba' ta ri' chiwech rix y kan xke'ik'is.

Wuj Richin ri Josúe 8:1

Ri Jehová xubij chire ri Josué: Man taxibij-awi' ni man kamayamo-qa. Ke'ak'uaj konojel ri aj-labal y kixjote-el richin nichop ri tinamit Ai. Wakami yin xtinjech k'a chawe ri rey, ri ruwinaq, ri rutinamit y ronojel ri kulew.

Wuj Richin ri Josúe 2:24

Y rije' xkibij chire ri Josué: Kan qitzij na wi chi ri Jehová xujech yan chijun ri ruwach'ulew Canaán pa qaq'a' y ri winaqi' ri ek'o chupan ri ruwach'ulew ri' kan xpe k'a jun nimalej xibinri'il chike. Y xmayamo' yan qa ri kánima qoma roj, xecha' rije'.

Wuj Richin ri Josúe 2:9

Yin wetaman chi ri Jehová xujech yan re ruwach'ulew re' chiwe, roma ri' ri ikiy rix xoqaqa yan pa qawi' roj, y qonojel ri ojk'o chupan re jun tinamit re' xmayamoyan-qa ri qánima iwoma rix,

Wuj Richin ri Nehemías 9:24

Xe'ach'ek ri winaqi' ri ek'o pa Canaán, y kan xe'ajech ri ki-rey pa kiq'a' ri qati't-qamama', richin xkibanala' chike ri xkajo' rije'. Keri' ri qati't-qamama' xkichinaj k'a ri ruwach'ulew Canaán.

Dn 4:17

Re ruk'ayewal re' jare' ri xuq'et kan ri ángel y kere' xtibanatej, richin konojel winaqi' tiketamaj chi kan xaxe wi ri nimalej Dios ri niq'aton-tzij pa kiwi' ri q'atoy taq tzij. Rija' kan nuya' k'a ri ajawaren pa ruq'a' ri achike nrajo' rija', y kan nuben chire jun wineq ri kan man jun ok ruq'ij, chi nok aj-raqen pa ruwi' jun ruwach'ulew, xcha' ri ángel.

Dn 2:21

Ja rat yabanon richin yeq'ax ri ik' y ri juna'. Ja rat yaya'on ri q'atbel-tzij, y rat yatelesan kichin. Ja rat yaya'on na'oj chike ri e aj-na'oj, ri etamabel kan rat k'a yaya'on chike ri etamanela'.

2 Sam 5:19

K'ari' ri David xuk'ulubej ri Jehová richin nretamaj wi ruk'amon niyakatej-el chikij richin niberubana' oyowal kik'in. Y xuk'utuj chuqa' wi yerujech pa ruq'a'. Y ri Jehová xubij chire chi kan xkerujech-wi pa ruq'a'.

Wuj Kichin ri To'onela' 11:24

Wi ta ri a-dios Quemós k'o ta nujech chawe, ¿kan man nok ta kami awichin rat? Keri' ronojel k'a ri xuya' kan ri Jehová ri qa-Dios chiqe jari' ri xok qichin roj.

Wuj Kichin ri To'onela' 11:21

Y ri Jehová ri qa-Dios xujech ri Sihón y konojel ri ruwinaq pa kiq'a' rije', y roma ri' xekich'ek. Keri' toq xok qichin ri ruwach'ulew kichin ri amorreo chupan ri q'ij ri'.

Dn 4:35

Chawech rat, ri winaqi' ri ek'o chuwech re ruwach'ulew xa man jun kejqalen, Rat kan naben achi'el ri niqa' chawech; keri' ri chikaj y keri' chuqa' chuwech re ruwach'ulew. Kan man jun k'a wineq ri nitikir ta niq'aton awichin, Kan man jun ri nik'utun chawe ri achike roma keri' naben. Keri' xinbij chire ri nimalej Dios.

Dn 2:44

Chupan k'a ri q'ij toq ri winaqi' richin chijun ruwach'ulew k'o chik ri q'atbel tzij kik'in, jari' k'a toq ri Dios xtoruya-qa jun q'atbel-tzij ri kan richin rija' ri man jun xtiwulan richin. Ri q'atbel-tzij ri' kan man xtiya'ox ta k'a pa kiq'a' ri winaqi'. Kan xkeruk'is k'a ronojel ri q'atbel taq tzij ri ek'o chuwech ri ruwach'ulew, y ja ri q'atbel-tzij richin rija' ri xtik'oje' jantape'.

Dn 5:18

Ri nimalej Dios kan nim-wi ri ruq'ij, y ojer kan ja k'a rija' ri xya'on chire ri Nabucodonosor ri ajawaren, ri ruwaq'ijaj y ronojel nimirinen.

Wuj Richin ri Josúe 6:1

Jak'a ri tinamit Jericó jebel tz'apen; kan jebel tz'apen richin man jun rijatzul kan ri Israel xtok-apo. Kan man jun k'a nok-apo y ni man jun k'a nel-pe.

Wuj Richin ri Josúe 6:3

Xtisutij k'a rij ri tinamit kik'in konojel ri aj-labal, y waqi' q'ij keri' xtiben xaxe jun bey pa jun q'ij.

Wuj Richin ri Josúe 12:9

Jak'a tinamit re' ri xech'akatej y chuqa' ri ki-rey: Ri Jericó, ri Ai ri k'o chunaqaj ri Betel, ri Jerusalem, ri Hebrón, ri Jarmut, ri Laquis, ri Eglón, ri Guézer, ri Debir, ri Guéder; ri Hormá, ri Arad; ri Libná, ri Adulam, ri Maquedá, ri Betel, ri Tapúah, ri Héfer, ri Afec, ri Sarón, ri Madón, ri Hasor, ri Simron-merón, ri Acsaf, ri Taanac, ri Meguido, ri Quedes, ri Jocneam ri k'o chunaqaj ri juyu' Carmelo, ri Dor ri k'o pa ruwach'ulew Dor, ri Goím ri k'o pa ruwach'ulew Guilgal, y ri Tirsá. Ri kajlabal konojel ri rey y ri kitinamit ri xech'akatej, e juwineq julajuj.

Wuj Richin ri Josúe 20:1

Ri Jehová xch'on rik'in ri Josué y xubij chire: