Wuj Richin ri Josúe 5:9 - Kaqchiquel Bible

⁹ Y ri Jehová xubij chire ri Josué: Re q'ij re' ninwelesaj k'a pan iwi' ri qasanri'il ri xik'owisaj pan Egipto; roma ri' ri ruwach'ulew ri' xubini'aj Guilgal*f1* k'a re wakami.

Wuj Richin ri Josúe 5:9 ပူးပေါင်းရင်းမြစ်များ

1 Sam 17:26

K'ari' ri David xch'on-apo kik'in ri ek'o chunaqaj y xubij: ¿Achike nuch'ek ri xtich'akon chirij ri aj-Filistea y nrelesaj ri k'ixbilal ri ruya'on pa qawi'? ¿Achike ta k'a re achin re' ri xa man qawinaq ta richin chi nuyek qoyowal roj ri kan oj rutinamit ri k'aslik Dios?, xcha'.

Wuj Richin ri Josúe 4:19

Chupan ri q'ij lajuj richin ri nabey ik', ri winaqi' xkiq'axaj k'a ri raqen-ya' Jordán, y xek'oje-qa chiri' chupan ri jun taq'aj ulew rubini'an Guilgal ri k'o chiri' pa relebel-q'ij chire ri tinamit Jericó.

Wuj Richin ri Rutikeribel 34:14

Y rije' xkibij k'a chike: Man yojtikir ta niqaben keri'. Wi niqaya' ri qana' chire jun achin ri man qupin ta richin ya'on jun retal, ri keri' xa kan k'ixbel chiqe roj.

Wuj Richin ri Chojmirisabelri'il 24:14

Tiwelesaj-el ri chiri' ri akuchi ixk'o-wi-qa ri xyoq'on ri nubi', y konojel k'a ri xe'ak'axan ri xubij k'o chi nikiya' ri kiq'a' pa rujolon ri achin ri xch'ayon, y ri awinaq ri ek'o chiri' xtikik'eq chi abej.

Ez 23:8

Man rik'in ri', kan man ruya'on ta kan ri itzel taq rubanobal kik'in ri aj-Egipto. Man xuya' ta kan ri itzel ruk'aslen y ri itzel banobel. Kan k'a pa ruq'opojil k'a toq janila e k'iy xek'oje' rik'in.

Ez 23:3

Ri e ka'i' ixoqi' re' kan k'a toq e xtani' na xkichop itzel k'aslen ri chiri' pan Egipto. Rije' xkiya' k'a q'ij richin xmal ri ruwa-kik'u'x y chiri' xqasex kiq'ij y xban chike chi man e xtani' ta chik.

Wuj Richin ri Jeremías 9:25

Ri winaqi' aj-Egipto, ri aj-Edom, ri aj-Amón, ri aj-Moab y ri ek'o pa tz'iran ruwach'ulew, konojel rije' k'o ketal chirij ri kich'akul y re etal re' nik'atzin richin nikisamajij ri ki-dios. Jak'a pa taq kánima, maneq re jun etal re'. Noqaqa yan k'a ri q'ij toq xtinya' rutojbalil-mak pa kiwi' konojel rije'. Y rix israelita chuqa' k'o iwetal,*f4* jak'a maneq pa taq iwánima. Y roma ri' junan kik'in rije' xtinya' rutojbalil-mak pan iwi'.

Wuj Richin Bix Chire ri Dios 119:39

Kinajech'ej chuwech ri joyobenik kichin ri e etzelanel wichin, roma ri ruchojmilal ri naya' rat kan jebel-wi.

1 Sam 17:36

Yin ri in asamajel kan nukamisan k'a koj y oso, y kan keri' chuqa' xtinbenbana' chire ri achin aj-Filistea ri xya'on kik'ix ri aj-labal ri e richin ri k'aslik Dios.

1 Sam 14:6

Y ri Jonatán kan kere' k'a rubin chire ri ruto'onel: Jo', qojq'ax-apo kik'in la winaqi' la', ri man ketaman ta ruwech ri Dios. Rik'in juba' ri Jehová xqojruto', roma chuwech rija' man jun k'ayew richin yojch'akon, stape' man oj k'iy ta, xcha'.

Wuj Richin ri Josúe 24:14

Wakami k'a kan tiqasaj-iwi' chuwech ri Jehová y kan xaxe rija' tisamajij rik'in ch'ajch'ojil y tz'aqetri'il; tiwelesaj chi'ikojol ri ch'aqa' chik dios, ri xkisamajij ojer kan ri qate-qatata' ri juk'an chik chire ri raqen-ya' Éufrates y ri chiri' pan Egipto. Kan ja k'a ri Jehová tisamajij.

Wuj Richin ri Josúe 5:8

Y toq xequpix yan konojel ri achi'a' richin jun retal, konojel k'a xekanej-qa chiri' akuchi ek'o-wi-qa, k'a toq xe'utzir na.

1 Sam 7:16

Y ronojel k'a juna' napon chupan re tinamit re': Pa Betel, pa Guilgal y pa Mispá richin nuq'et-tzij pa kiwi'.

2 Sam 19:15

Ri David y ri winaqi' xkichop k'a bey richin yetzolin, y xe'apon chuchi' ri raqen-ya' Jordán. Rokik ri' ri winaqi' aj-Judá xe'apon pa tinamit Guilgal richin xbekik'ulu' y nikito' richin nuq'axaj-pe ri raqen-ya'.

Wuj Richin ri Miqueas 6:5

Nutinamit yin, toqaqa chi'ik'u'x ri xrajo' ta xuben chiwe ri Balac ri rey richin Moab, y ri xubij ri Balaam ri ruk'ajol ri Beor. Chuqa' toqaqa chi'ik'u'x ri xinben iwik'in toq xixq'ax-pe pa Sitim y xixapon pa Guilgal, richin niya' rejqalen ri ch'akonik ri xinya' chiwe yin, xcha' ri Jehová.

Wuj Richin ri Sofonías 2:8

Yin, Jehová, kan xinwak'axaj toq ri aj-Moab xekiyojobej ri israelita. Chuqa' xinwak'axaj toq ri aj-Amón xech'on itzel chikij ri nutinamit, y xkinimirisaj-ki' chi nikik'en kan ri kiruwach'ulew.

Wuj Richin ri Nehemías 12:29

ri Guilgal, ri pa taq juyu' richin ri Gueba y ri Azmávet, roma rije' kibanalon-qa kokoj taq tinamit chuchi-el ri Jerusalem.

Os 4:15

Wi rat Israel yamakun, kan tabana' k'a. Xa rik'in man ta nimakun ri Judá. Israel, man kixbe pa Guilgal, man kixjote-q'anej pa Bet-aven, y man tiya' itzij pan nubi' yin, Jehová.

Am 5:5

Man tikanoj ri tinamit Betel. Man kixbe pa tinamit Guilgal. Chuqa' man kixq'ax-el pa Beerseba, roma ri aj-Guilgal kan xke'uk'uex-el pa ximonri'il. Y ri Betel kan xtiwuluwu' kan.