Wuj Richin ri Josúe 5:6 - Kaqchiquel Bible

⁶ Konojel k'a ri rijatzul kan ri Israel xebiyin pa tz'iran ruwach'ulew kawineq juna' y kan konojel ri aj-labal ri eleneq-pe pan Egipto xek'is k'a, roma man xkitaqej ta ri ruch'abel ri Jehová. Y roma ri' ri Jehová xuya' rutzij chike chi man nikitz'et ta ri ruwach'ulew ri ruya'on rutzij chire chi nuya' chike ri kite-kitata'; ri ruwach'ulew ri akuchi niwachin-wi ronojel ruwech tiko'n.

Wuj Richin ri Josúe 5:6 ပူးပေါင်းရင်းမြစ်များ

Wuj Richin ri Q'axanri'il 14:23

Y roma ri' kan konojel k'a rije' man xtibekitz'eta' ta ri ruwach'ulew ri', ri kan nuya'on nutzij chi ninya' chike ri ite-itata'. Kan man jun k'a chike ri xetzelan wichin, ri xtitz'eton ta ri ruwach'ulew ri'.

Deut 2:14

Kan xaxe k'a toq xojel-pe pa Cadés-barnea, k'a ri q'ij toq xqaq'axaj ri ti ch'uti'n raqen-ya' Zéred, q'axineq-pe juwineq waqxaqlajuj juna'. Y roma ri' konojel ri achi'a' ri e qawinaq ri k'o chik kijuna' richin yebe pa labal toq xojel-pe pan Egipto xa xek'is yan kan, achi'el ri ya'on-tzij ri rubanon ri Jehová.

Hebreos 3:11

Roma ri' chupan ri woyowal xinya' nutzij, y xinbij chi rije' man xke'ok ta chupan ri ruwach'ulew richin uxlanen, nicha'.

Deut 2:7

Ri Jehová ri qa-Dios kan ruya'on k'a urtisanik pa ruwi' ronojel ri qabanon-pe; y kan oj ruchajin k'a pe chupan re jun nimalej tz'iran ruwach'ulew re'. Kan chupan k'a chi kawineq juna' k'o-pe qik'in y man jun ri man ta xuya' chiqe.

Deut 1:3

Y chupan k'a ri kawineq juna' richin ke'el-pe ri israelita pan Egipto, chupan ri nabey q'ij chire ri ik' julajuj, jari' toq ri Moisés xch'on kik'in ri ruwinaq y xukamuluj ronojel achi'el ri rubin ri Jehová richin nikiben.

Ex 3:8

Roma ri' xiqaqa-pe richin chi yetotej-el pa kiq'a' ri aj-Egipto, y yenwelesaj-el chupan ri ruwach'ulew ri', y yenk'uaj chupan jun utzilej ruwach'ulew y nim, ri akuchi niwachin-wi ronojel ruwech tiko'n, ri akuchi k'o-wi ri kiruwach'ulew ri winaqi' cananeo, ri heteo, ri amorreo, ri ferezeo, ri heveo y ri jebuseo.

Ez 20:15

Chuqa' chiri' pa tz'iran ruwach'ulew xinjikiba' k'a chike chi man xtinya' ta chike ri ruwach'ulew ri nuya'on chik chike, ri kan más jebel chikiwech ri ch'aqa' chik ri akuchi niwachin ronojel ruwech tiko'n.

Wuj Richin ri Jeremías 2:2

Kabiyin pa tinamit Jerusalem y tabij chike ri winaqi' chi ja ch'abel re' ri ninbij yin chike: Noqaqa k'a chinuk'u'x chi ri pa rutikeribel, ri ite-itata' kan kiniman-wi nutzij, achi'el nuben jun ixjayilonel ri k'a juba' tik'ule', ri janila nrajo' ri rachijil. Ri ite-itata' kan xinkitzeqelibej pa tz'iran ruwach'ulew.

Deut 8:4

Chupan ri kawineq juna' man xtziaqir ta ri qatziaq chiqij, y man xesipoj ta ri qaqen roma ri binen.

Ez 20:6

Ri q'ij ri' kan xinya' k'a ri nuq'a' pa kiwi' y xinya' nutzij chike chi yin yenwelesaj-pe chiri' y yenk'uaj chupan jun ruwach'ulew ri kan kichin rije' ri akuchi niwachin ronojel ruwech tiko'n, jun ruwach'ulew ri kan jebel chikiwech konojel.

Ex 3:17

Xubij k'a chi yixrelesaj-el chupan ri tijoj-poqonal, y yixruk'uaj k'a chupan ri ruwach'ulew ri wakami k'o pa kiq'a' ri winaqi' aj-Canaán, ri heteo, ri amorreo, ri ferezeo, ri heveo, y ri jebuseo, ruwach'ulew akuchi niwachin-wi ronojel ruwech tiko'n, kere' xubij chuwe, xkacha' chike.

Joel 3:18

Chupan apo ri q'ij ri', ri uva kan xtiwachin kojol q'ayis, y ri kokoj y nima'q taq awej xkeyuq'ux kojol taq juyu', y xtikiya' jebelej leche. Ri taq siwan ri ek'o pa Judá kan xke'ok ch'uti'n raqen ya'. Y chuchi' ri wachoch xtalex-el jun raqen-ya' ri napon k'a pa taq'aj richin Sitim.

Wuj Richin ri Q'axanri'il 26:63

Ri Moisés y ri sacerdote Eleazar, xekajlaj k'a konojel ri e rijatzul kan Israel ri chiri' pa taq'aj richin ri ruwach'ulew Moab, chunaqaj ri raqen-ya' Jordán, chuwech-apo ri Jericó.

Wuj Richin ri Josúe 5:5

roma ri achi'a' ri xe'el-pe pan Egipto kan konojel k'a e qupin-pe richin ri ketal. Jak'a ri xe'alex toq e beneq pa bey ri chiri' pa tz'iran ruwach'ulew toq e eleneq chik pe pan Egipto man e qupin ta richin ri retal.

Wuj Richin ri Josúe 5:7

Wakami jak'a ri alk'ualaxela' ri xek'oje' kan pa kik'exel ri kite-kitata', ja rije' ri xequpix richin ri ketal, roma man jani tiya'ox ri etal ri' chike.

Wuj Richin Bix Chire ri Dios 107:4

Pa rutikeribel jujun chike rije' kan e sachineq k'a pa tz'iran ruwach'ulew. Kan man nikil ta k'a kibey y kiyon rije' xek'oje' chiri'. Kan man jun k'a tinamit nikil chiri' richin ta xek'ase' chupan.

Wuj Richin ri Josúe 1:6

Kow k'a kak'oje' y man taxibij-awi', roma ja rat xkajachon ri ulew chike ri awinaq, ri ulew ri xtikichinaj kan, ri xinya' nutzij chire chi kan chike ri ite-itata' ninya-wi.

Wuj Richin ri Josúe 24:7

Jak'a toq ri ite-itata' xech'on wik'in yin Jehová, yin xinya' jun q'equ'm chikikojol rije' y ri aj-Egipto, y xinben chike ri aj-Egipto richin xerumuq ri palou ri'. Rix kan xiwetamaj k'a ronojel ri xinben pan Egipto. Y rix kan xiq'axaj k'a k'iy juna' pa tz'iran ruwach'ulew.