Wuj Richin ri Josúe 5:5 - Kaqchiquel Bible

⁵ roma ri achi'a' ri xe'el-pe pan Egipto kan konojel k'a e qupin-pe richin ri ketal. Jak'a ri xe'alex toq e beneq pa bey ri chiri' pa tz'iran ruwach'ulew toq e eleneq chik pe pan Egipto man e qupin ta richin ri retal.

Wuj Richin ri Josúe 5:5 ပူးပေါင်းရင်းမြစ်များ

Gálatas 6:15

Y roj ri jun qabanon rik'in ri Cristo Jesús, man jun k'a nuben wi oj qupin richin jun retal o man oj qupin ta. Ri nik'atzin y kan k'o-wi rejqalen, jak'a ri k'ak'a' qak'aslen.

Gálatas 5:6

Roma ri' roj ri oj richin chik ri Cristo, man jun nuben chiqe wi yojqupix richin ri retal, o man yojqupix ta. Ri nik'atzin, ja ri qakuqubabel-k'u'x rik'in rija', y rik'in ri' niqak'ut ri ajowabel kik'in ri ch'aqa' chik.

1 Corintios 7:19

Roma man jun nuben wi ya'on iwetal o man ya'on ta. Ri nik'atzin ja ri ninimaj ri rupixa' ri Dios.

Romanos 2:26

Jak'a wi k'o ta jun achin man judío ta ri maneq retal, y rija' kan nuben ri nubij ri pixa', chuwech ri Dios nik'ulun chi rija' achi'el xa ta k'o ri etal ri' chire.

San Mateo 12:7

Rix man ta xixtikir xibij chi man utz ta ri yetajin chubanik ri nutijoxela', xa ta kan iwetaman achike nik'ulun-wi chi tzij ri nubij: Ninwajo' chi rix kan ta rik'in ronojel iwánima yiniwajo' y man ja ta ri kamelabel ri nisujula-pe chinuwech, keri' ri tz'ibatel kan.*f18*

Wuj Richin ri Josúe 5:4

Ri Josué xuben chi xequpix ri achi'a' richin ri ketal, roma konojel ri e eleneq-pe pan Egipto, ri aj-labal, xa xeken yan kan pa tz'iran ruwach'ulew,

Wuj Richin ri Josúe 5:6

Konojel k'a ri rijatzul kan ri Israel xebiyin pa tz'iran ruwach'ulew kawineq juna' y kan konojel ri aj-labal ri eleneq-pe pan Egipto xek'is k'a, roma man xkitaqej ta ri ruch'abel ri Jehová. Y roma ri' ri Jehová xuya' rutzij chike chi man nikitz'et ta ri ruwach'ulew ri ruya'on rutzij chire chi nuya' chike ri kite-kitata'; ri ruwach'ulew ri akuchi niwachin-wi ronojel ruwech tiko'n.