Wuj Richin ri Josúe 5:1 - Kaqchiquel Bible

¹ Konojel ri rey kichin ri amorreo ri ek'o re juk'an-pe chire ri ruchi' ri raqen-ya' Jordán pa qajbel-q'ij y konojel ri rey kichin ri aj-Canaán ri ek'o chunaqaj ri palou, toq xkak'axaj chi ri Jehová xuben chire ri ya' richin ri Jordán chi xpa'e' y xumol-ri' chikiwech ri e rijatzul kan ri Israel y xkiq'axaj, jari' toq xmayamo-qa ri kánima y man xk'oje' ta chik uchuq'a' kik'in rije' chikiwech ri e rijatzul kan ri Israel.

Wuj Richin ri Josúe 5:1 ပူးပေါင်းရင်းမြစ်များ

Wuj Richin ri Q'axanri'il 13:29

Y ri keri' pa xokon chire ri Canaán, chiri' ek'o-wi ri amalecita; y ri chuwi' taq juyu', chiri' ek'o-wi ri winaqi' hitita, ri jebuseo y ri amorreo; y chunaqaj ri palou, chiri' ek'o-wi ri winaqi' cananeo y rije' chuqa' kiq'atapun ronojel ri ruwach'ulew k'a chuchi' ri raqen-ya' Jordán, xecha'.

1 Rey 10:5

Toq xutz'et ri jebelej taq q'utun, ri kachoch ri e aj-samaj ri ek'o rik'in, ri jebelej kina'oj y ri kitziaqul ri ye'ilin richin, ri e pajoy y ri e jachoy vino, y ri kamelabel ri xeporox ri chiri' pa rachoch ri Jehová; jari' toq janila xumey,

Apocalipsis 18:10

Jak'a roma nikixibij-ki' chuwech ri ruk'ayewal ri qajineq pa ruwi', kan k'a nej k'a xtikitzu-pe y xtikibij: Toq'ex ruwech ri Babilonia; jun tinamit ri k'o ruchuq'a' richin xk'oje' pa kiwi' konojel. Toq'ex ruwech roma xa pa jun ti ramaj xk'is pa ruq'a' ri ruk'ayewal ri xqaqa-pe pa ruwi', xkecha'.

Am 2:9

Ri amorreo kan janila e nima'q kipalen; kan e nima'q achi'el ri tiox-che'. Rije' kan janila kuchuq'a'; kan e kow achi'el ri tuq. Man rik'in ri' yin xenwelesaj-el pa kiruwach'ulew. Kan xenk'is k'a jumul achi'el nik'is jun che'; ri nitiker-pe pa rutum y k'a pa ruxe-qa.

Dn 5:6

kan jari' k'a toq xjalatej-qa ri ruwech roma xibinri'il y xuchop nibaybot chijun ri ruch'akul, kan xk'is k'a ri ruchuq'a' y man xtikir ta chik xpa'e'.

Ez 21:7

Y wi ta xtikik'utuj chawe chi achike roma yatoq', rat xtabij chike chi roma k'o jun ri xtibebanatej. Y toq xtoqaqa xtuben k'a chire chijun ri ruwach'ulew chi ri winaqi' xtikimalij kik'u'x y xtik'is k'a kuchuq'a' y konojel xkebaybot roma xibinri'il. Kan xtapon yan k'a ri ramaj richin xtibebanatej re', xcha'.

Ez 16:3

Y jare' k'a ri rutzijol ri ninya' yin Jehová chike: Pa nabey rat Jerusalem, xa pa ruwach'ulew Canaán xatz'ukutej-pe. Y ri atata' jun amorreo y ri ate' jun hitita.

Wuj Richin Bix Chire ri Dios 135:11

Xukamisaj k'a ri Sehón rey kichin ri winaqi' amorreo, ri Og rey richin ri ruwach'ulew Basán, y konojel k'a ri rey ri xek'oje' chupan ri ruwach'ulew Canaán.

Wuj Richin ri Esdras 9:1

Toq k'achojineq chik k'a ronojel re', ri tata'al xepe wik'in y xkibij chuwe: Ri e sacerdote, ri e levita y ri ch'aqa' chik qawinaq man kich'aron ta k'a ki' kik'in ri winaqi' aj-Canaán, ri hitita, ri ferezeo, ri jebuseo, ri amonita, ri moabita, ri egipcio y ri winaqi' amorreo. Y chuqa' kan nikiben ri itzel kibanobal rije'.

2 Sam 21:2

Ri gabaonita man e israelita ta. Xa jun tinamit ri xek'oje' kan chike ri amorreo, ri achoq ik'in xkiya' kitzij ri israelita richin man yekikamisaj ta. Jak'a ri Saúl xa xuchop kikamisaxik, roma man nrajo' ta chi ri winaqi' ri' yek'oje' chikikojol ri israelita. Roma ri' ri rey David xeroyoj ri gabaonita, richin xch'on kik'in.

1 Sam 25:37

Chupan ri nimaq'a' ri' toq xq'ax yan ri ruchuq'a' ri q'abarik chuwech ri Nabal, k'ari' toq ri Abigail xutzijoj-apo chire ri rachijil ronojel ri xbanatej. Y jari' toq ri Nabal kan xmayamo-qa ri ránima y xpe jun sikirinen chire ri ruch'akul, xk'oje' kan achi'el jun abej.

Wuj Kichin ri To'onela' 11:23

Ri Jehová ri qa-Dios, xrelesaj k'a kan ri kiruwach'ulew ri winaqi' amorreo richin xujech pa qaq'a' roj. Y wakami rat kan nawajo' nawelesaj chik kan chiqe richin nok kan awichin.

Wuj Kichin ri To'onela' 4:2

Xa roma ri' toq ri Jehová xerujech pa ruq'a' ri Jabín rey richin Canaán, ri niq'aton-tzij pa tinamit Hasor; y ri aj-raqen kichin ri aj-labal ja ri Sísara, y rija' aj pa Haróset-goím.

Wuj Kichin ri To'onela' 3:3

Ja winaqi' re' ri man xech'akatej ta kan: Ri e wo'o' tata'al kichin ri tinamit Filistea y chuqa' konojel ri winaqi' cananeo, ri sidonio y ri heveo ri ek'o kela' chuwi' taq juyu' rubini'an Líbano, nitiker-el pa juyu' rubini'an Baal-hermón y napon k'a pa tinamit Hamat.

Wuj Kichin ri To'onela' 1:1

Chirij ri rukamik ri Josué, ri e rijatzul kan ri Israel xkik'ulubej ri Jehová y xkik'utuj k'a chire achike xkeyakatej-el nabey richin nibekibana' oyowal kik'in ri aj-Canaán.

Wuj Richin ri Josúe 24:15

Wi man niqa' ta chiwech nisamajij ri Jehová, kan ticha' k'a wakami ri achike ri nisamajij; wi ja ri dios ri xkisamajij ri qate-qatata' toq xek'oje' ri juk'an chik chire ri raqen-ya' Éufrates, o ja ri ki-dios ri amorreo ri akuchi ixk'o-wi wakami. Jak'a yin y ri e aj pa wachoch kan ja k'a ri Jehová ri xtiqasamajij, xcha'.

Wuj Richin ri Josúe 17:18

Kan xtok k'a iwichin ri taq'aj ri', stape' che' k'o chuwech. Rix xtijosq'ij k'a ruwech ri ulew ri', y xtiq'atapuj k'a ronojel ri akuchi xtapon-wi ri k'ulba't. Stape' janila kuchuq'a' ri aj-Canaán y kan k'o ki-carruaje e tz'apen-kij rik'in ch'ich', rix kan xkixtikir xke'iwelesaj-pe, xcha'.

Wuj Richin ri Josúe 17:12

Jak'a ri rijatzul ri Manasés man xetikir ta xekelesaj-el ri aj-Canaán, roma ri winaqi' ri' kan xkipaba-ki' chikiwech y man xe'el ta el chiri', xa xek'oje-qa chikikojol rije'.

Ex 23:28

Y yin kan xtinteq k'a pe jun nimalej xibinri'il chikij richin xke'animej k'a el chiwech ri winaqi' heveo, ri heteo y ri cananeo.

Wuj Richin ri Rutikeribel 48:22

Y chawe rat xtinya-wi kan ri ruwach'ulew ri xinmej kan pa kiq'a' ri amorreo toq xench'ek rik'in nu-espada y rik'in ri nuch'ab. Kan más k'a k'iy ulew ri xtak'ul kan rat chikiwech ri awach'alal, xcha'.

Wuj Richin ri Rutikeribel 12:6

ri Abram kan xbe-kela' xbe-kela' ri xuben chupan chijun ruwach'ulew y k'ari' xapon k'a pa Siquem ri akuchi k'o-wi jun li'aj paten-che', chiri' pa Moré. Y chupan ri ruq'ijul ri' k'a ek'o na ri rijatzul ri Canaán chiri'.

Wuj Richin ri Isaías 41:5

Konojel winaqi' ri ek'o pa taq'aj ruwach'ulew kan xkitz'et ronojel ri wululen, y roma ri' kan janila kixibin-ki'. Konojel ri ch'aqa' chik winaqi' kan kixibin-ki', roma ri e etzelanel kichin xkimol-ki' y kan yenaqajub yan pe.

Wuj Richin ri Josúe 3:16

ri ya' ri xulan-pe xpa'e' y xumol kan ri', y ri akuchi xumol kan ri' ri ya' ri', kan janila nej chike rije' y chunaqaj ri tinamit rubini'an Adam ri k'o chunaqaj ri jun chik tinamit rubini'an Saretán, ri ya' ri beneq pa xulan xapon k'a chupan ri Tzayi-Choy y ri winaqi' xeq'ax-apo pa chaqi'j pa ruchojmilal ri tinamit Jericó.

Wuj Richin ri Josúe 3:17

Ri sacerdote ri e uk'uayon-el ri káxa kan pa chaqi'j k'a xek'oje-wi, y jun xek'oje-wi chiri' pa nik'aj chire ri rubey ri ya', rokik xeq'ax-el konojel ri winaqi', keri' ri tinamit Israel xeq'ax-el pa chaqi'j.