Wuj Richin ri Josúe 3:7 - Kaqchiquel Bible

⁷ K'ari' ri Jehová xubij chire ri Josué: Chupan k'a re q'ij re', xtinchop ninnimirisaj aq'ij chikiwech konojel ri awinaq, richin chi niq'ax chikiwech chi achi'el xik'oje' rik'in ri Moisés, kan keri' chuqa' xkik'oje' awik'in rat.

Wuj Richin ri Josúe 3:7 ပူးပေါင်းရင်းမြစ်များ

Wuj Richin ri Josúe 4:14

Chupan k'a ri q'ij ri', ri Jehová xunimirisaj ruq'ij ri Josué chikiwech konojel ri ruwinaq, kan xkiya' k'a rejqalen y xkinimaj k'a rutzij ri Josué ronojel q'ij chire ri ruk'aslen, achi'el xkiben rik'in ri Moisés.

Wuj Richin ri Josúe 1:5

Man jun k'a xtitikir chawij chupan ronojel q'ij chire ri ak'aslen, achi'el xik'oje' rik'in ri Moisés, kan keri' chuqa' xkik'oje' awik'in rat, man xkatinya' ta kan y man xkatinmalij ta kan.

1 Crón 29:25

Y ri Jehová kan janila k'a xunimirisaj ri rey Salomón chikiwech konojel ri winaqi' richin ri ruwach'ulew Israel. Ri q'atbel-tzij ri xuya' ri Dios chire ri Salomón kan k'o janila ruq'ij, man jun achoq chire ta ruya'on-wi achi'el ri xuya' chire ri Salomón.

Wuj Richin Bix Chire ri Dios 18:35

Ja rija' ri niya'on ri ch'akonik chuwe. Rija' kan yirutemej, y kan yiruto' richin yibe pa jotol.

Wuj Richin ri Josúe 1:17

Roj chuqa' xkatqanimaj, achi'el xqanimaj rutzij ri Moisés pa ruwi' ronojel. Xaxe niqajo' chi ri Jehová ri qa-Dios kan ta xtik'oje' awik'in, achi'el xk'oje' rik'in ri Moisés.

Wuj Richin ri Achin Job 7:17

Nimalej Jehová: ¿Achike ta k'a wejqalen yin ri xa in jun achin, richin yinaquqa-pe? ¿In achike ta k'a yin richin yinak'uxla'aj-pe?

2 Crón 1:1

Ri Salomón, ri ruk'ajol kan ri David, xjikibex k'a chupan ri ruq'atbal-tzij y ri Jehová Dios kan k'o-wi rik'in y kan janila k'a xunimirisaj ruq'ij.

San Juan 17:1

Toq ri Jesús rubin chik k'a kan ronojel re' chike, rija' xtzu'un k'a chikaj richin xch'on rik'in ri Dios, y xubij: Nata' kan jare' k'a xoqaqa ri hora. Wakami kan tabana' k'a chuwe yin ri ak'ajol chi niq'alajin ri nuq'ij-nuk'ojlen; richin keri', yin kan jari' k'a chuqa' xtinben awik'in rat, chi kan xtiq'alajin ri aq'ij-ak'ojlen.

Filipenses 1:20

Kan nurayibel wi k'a chi ninya' ruq'ij ri Cristo, nik'oje' ta wuchuq'a' richin nik'is ri rusamaj y man ta yik'ixbitej roma man nink'is ta y rik'in ri' ninya' ruq'ij ri Cristo, rik'in ri nuk'aslen o rik'in ri nukamik.

Wuj Richin ri Josúe 3:6

Chuqa' xch'on kik'in ri e sacerdote y xubij: Titelej-el ri káxa richin ri jikibel-tzij y kixik'o-el chuwech ri tinamit, xcha'. Y rije' kan xe'ik'o-el chikiwech ri winaqi'.

Wuj Richin ri Josúe 3:8

Rat kan kere' k'a xtabij chike ri e sacerdote ri e uk'uayon ri káxa richin ri nujikibel-tzij: Toq xkixapon chuchi' ri raqen-ya' xkixok chupan y xkixpa'e' chiri', xkacha' chike, xcha' ri Jehová.

Wuj Richin ri Josúe 1:9

Tawak'axaj k'a ri ninbij chawe: Tatija' k'a aq'ij y kow k'a kak'oje', man taxibij-awi', ni man timayamo-qa ri awánima roma yin Jehová ri a-Dios kan xkik'oje' awik'in xabakuchi xkabe-wi, xcha' ri Dios chire ri Josué.