Wuj Richin ri Josúe 3:3 - Kaqchiquel Bible

³ y xkibij chike ri winaqi': Toq xtitz'et chi ri e sacerdote ri e rijatzul kan ri Leví kik'uan-el ri káxa richin ri rujikibel-tzij ri Jehová ri qa-Dios, jari' toq xkixk'olon-el ri akuchi ixk'o-wi-qa y xkixtzeqe-el chikij rije',

Wuj Richin ri Josúe 3:3 ပူးပေါင်းရင်းမြစ်များ

Deut 31:9

Ri Moisés xutz'ibaj k'a re pixa' re' y xujech kan pa kiq'a' ri sacerdote ri e rijatzul kan ri Leví, ri ye'uk'uan ri káxa richin ri rujikibel-tzij ri Jehová, y chike chuqa' konojel ri achi'a' ri k'o kiq'ij.

2 Sam 6:13

Ri e uk'uayon ri káxa xepa'e' k'a waqi' mul chupan chijun ri bey richin chi ri David xusuj kamelabel chuwech ri Jehová. Xerusuj k'a jujun bóyix y jujun karne'l ri jebel e ti'oj.

Wuj Richin ri Josúe 3:8

Rat kan kere' k'a xtabij chike ri e sacerdote ri e uk'uayon ri káxa richin ri nujikibel-tzij: Toq xkixapon chuchi' ri raqen-ya' xkixok chupan y xkixpa'e' chiri', xkacha' chike, xcha' ri Jehová.

Deut 31:25

rija' xubij k'a chike ri levita ri ye'uk'uan ri káxa ri richin ri rujikibel-tzij ri Jehová:

Wuj Richin ri Q'axanri'il 10:33

Y keri' k'a rubanik toq rije' xkiya' kan ri juyu' richin ri Jehová y oxi' k'a q'ij ri xebiyin y kan ja ri káxa ri richin ri rujikibel-tzij ri Jehová ri ik'owineq chikiwech rije' y nuk'utula' k'a chikiwech ri akuchi utz chi ye'uxlan-wi.

Apocalipsis 14:4

Y jare' ri man jun bey xek'oje' ta kik'in ixoqi'. Kan e ch'ajch'oj-wi y kan jantape' kojqan ri Karne'l. Jare' ri nabey ri xekol-pe chikikojol ri winaqi', richin chi ye'ok achi'el nabey sipanik chire ri Dios y ri Karne'l.

San Mateo 16:24

K'ari' xubij k'a chike konojel ri rutijoxela': Wi k'o jun nrajo' nitzeqeliben wichin, tuqasaj-ri', man tupoqonaj-ri' richin nuk'owisaj tijoj-poqonal y kirutzeqelibej.

San Mateo 8:19

Jari' toq jun aj-tz'ib xapon rik'in y xubij chire: Tijonel, yin ninwajo' yatintzeqelibej xabakuchi xkabe-wi, xcha' chire.

2 Sam 6:3

Ri káxa ri' k'o k'a kan pa rachoch ri achin rubini'an Abinadab, ri k'o-el chuwi-juyu'. Xkelesaj-pe chiri' y xkiya-el chupan jun k'ak'a' carruaje. Y ri achin ri' ek'o ka'i' ruk'ajol ri kibini'an Uzá y Ahió. Y ja rije' k'a ri e uk'uayon rubey ri carruaje.

Wuj Richin ri Josúe 6:6

K'ari' ri Josué ri ruk'ajol ri Nun, xeroyoj k'a ri e sacerdote y xubij chike: Xtik'uaj ri káxa ri k'o ri rujikibel-tzij ri Jehová chupan, y ri wuqu' chik sacerdote xtikik'uaj ri xupubel banon rik'in uk'a' richin karne'l y xke'ik'o-el chuwech ri káxa.

Wuj Richin ri Josúe 4:10

Y ri e sacerdote ri e uk'uayon ri káxa xepa'e' chiri', rokik xbanatej ronojel ri rubin kan ri Jehová chire ri Josué chi tubij chike ri winaqi'. Keri' k'a xbanatej; k'ari' konojel ri winaqi' xeq'ax anineq chupan ri raqen-ya'. Y chuqa' xbanatej achi'el rubin kan ri Moisés chire ri Josué.

Wuj Richin ri Josúe 3:6

Chuqa' xch'on kik'in ri e sacerdote y xubij: Titelej-el ri káxa richin ri jikibel-tzij y kixik'o-el chuwech ri tinamit, xcha'. Y rije' kan xe'ik'o-el chikiwech ri winaqi'.

Wuj Richin ri Q'axanri'il 4:15

Y toq ri Aarón y ri e ruk'ajol e k'achojineq chik richin nikipis-rij ronojel ri richin ri wachoch y ronojel ri taq samajibel ri ye'ukusex chuqa' chupan ri wachoch; y toq ri tinamit jari' ek'o chik richin ye'el-el chiri' richin chi yebe juk'an chik, jari' toq yepe ri e rijatzul kan ri Quehat y yekik'uaj-el ronojel ri e pisil chik. Jak'a man jun bey tikichop jun chike ronojel ri samajibel ri', richin keri' man yeken ta. Jare' ri kisamaj ri e rijatzul kan ri Quehat chupan ri wachoch richin molojri'il.

Wuj Richin ri Josúe 3:4

richin chi niwetamaj ri bey ri akuchi xkixbe-wi, roma rix kan man jun bey ix q'axineq chupan re jun bey re'. Jak'a k'o chi nej ri ikojol xtiben kik'in ri e uk'uayon ri káxa, man yixjel ta apo rik'in y 600 jaj ikojol niben rik'in ri káxa, xecha'.

1 Rey 8:3

Y toq xe'apon ri achi'a' ri k'o kiq'ij, jari' toq ri e sacerdote xbekitzeqej-pe ri káxa

Wuj Richin ri Jeremías 33:18

Chuqa' jantape' xtik'oje' jun sacerdote ri rijatzul kan ri Leví, richin ronojel q'ij nusuj sipanik ri niporox chijun, ri sipanik richin jalajoj ruwech ixin y nusuj ch'aqa' chik kamelabel chinuwech, xcha'.