Wuj Richin ri Josúe 3:1 - Kaqchiquel Bible

¹ Y ri jun chik q'ij ri Josué xyakatej nimaq'a' yan, rija' y konojel ri ruwinaq y xekiyek-el ri taq kachoch, xe'el-el chiri' pa Sitim y xe'apon pa taq'aj chuchi' ri raqen-ya' Jordán y xek'oje' na el juba' chiri'.

Wuj Richin ri Josúe 3:1 ပူးပေါင်းရင်းမြစ်များ

Wuj Richin ri Josúe 2:1

Toq ri tinamit Israel k'a ek'o na chiri' pa k'echelaj Sitim, ri Josué ri ruk'ajol kan ri Nun, xeruteq-el ka'i' achi'a' pan ewel richin yebe chupan ri ruwach'ulew Canaán richin nibeketamaj kan jebel ri tinamit rubini'an Jericó. Y ri achi'a' xebe k'a y xe'ok pa rachoch jun ixoq itzel ruk'aslen rubini'an Rahab y chiri' xkiq'axaj-wi ri aq'a'.

Marcos 1:35

Ri ruka'n q'ij toq k'a man jani tiseqer-pe, ri Jesús xyakatej-el y xbe akuchi kan man jun k'o, y chiri' xch'on-wi rik'in ri Dios.

Wuj Richin ri Miqueas 6:5

Nutinamit yin, toqaqa chi'ik'u'x ri xrajo' ta xuben chiwe ri Balac ri rey richin Moab, y ri xubij ri Balaam ri ruk'ajol ri Beor. Chuqa' toqaqa chi'ik'u'x ri xinben iwik'in toq xixq'ax-pe pa Sitim y xixapon pa Guilgal, richin niya' rejqalen ri ch'akonik ri xinya' chiwe yin, xcha' ri Jehová.

Wuj Richin ri Jeremías 26:5

Chuqa' tinimaj ri kich'abel ri e q'alajirisey nuch'abel ri e nuya'on chi'ikojol, stape' k'a re wakami rix man iniman ta kitzij rije'.

Wuj Richin ri Jeremías 25:3

Kan ja chupan ri juna' oxlajuj richin ri ruq'atbal-tzij kan ri Josías ruk'ajol ri Amón, k'a chupan re q'ij re', juwineq oxi' yan k'a juna' ri ruchapon-pe ri nich'on ri Jehová wik'in. Yin kan in ch'owineq k'a pe iwik'in, jak'a rix xa man iya'on ta ixikin chire ri nuch'abel.

Wuj Richin ri Jeremías 7:13

Stape' k'iy bey nubin chiwe chi rix xa jantape' yixmakun, rix kan man iwajowan ta iniman nutzij y kan ja ri pa rutikeribel kan keri' ibanon.

Wuj Richin Bix Chire ri Dios 119:60

Yin kan ninwajo' k'a ninnimaj atzij, y man ninwoyobej ta na richin ninben.

Wuj Richin ri Q'axanri'il 25:1

Y rokik ri tinamit Israel k'o-qa ri chiri' pa ruwach'ulew Sitim, ri achi'a' xkichop k'a yemakun kik'in ri ixoqi' aj-Moab,

Wuj Richin ri Rutikeribel 22:3

Y pa ruka'n q'ij ri Abraham xyakatej nimaq'a' yan, xuchojmirisaj ri rubur, y xuch'er-el ri si' richin nuporoj ri kamelabel. Y xberuk'ama-pe ri Isaac, ri ruk'ajol y chuqa' e ka'i' chike ri rusamajela' ri e yuqul pa samaj rik'in. K'ari' xkichop-el bey akuchi xbix-wi-el chire roma ri Dios.

Wuj Richin ri Rutikeribel 21:14

Y nimaq'a' yan ri ruka'n q'ij ri Abraham xyakatej, xberuk'ama-pe kaxlan-wey, y jun tz'um nojineq rik'in ya' y xuya-el chuwi-rutele'n ri Agar, y chuqa' xujech-el ri ala' chire richin tel-el. K'ari' rije' xkichop-el bey y xebe-kela' xebe-kela' xkiben chupan ri tz'iran ruwach'ulew richin Beerseba.

Wuj Richin ri Josúe 6:12

Y ri Josué xuben k'a chike chi xeyakatej nimaq'a' yan. Y ri sacerdote xkik'uaj k'a el ri káxa richin ri Jehová.

Wuj Richin ri Josúe 6:15

Pa ruwuq q'ij, xeyakatej nimaq'a' yan toq k'a q'equ'm na juba', y xkisutij-rij ri tinamit achi'el ri kibanon-pe ri ch'aqa' chik q'ij; xaxe k'a ri q'ij ri' xkisutij-rij ri tinamit wuqu' mul.

Wuj Richin ri Josúe 7:16

Toq ri Josué xyakatej nimaq'a' yan kan xuben chi xejel-pe ri e rijatzul ri Israel achi'el ri kitzobaj, y ri Jehová xuk'ut ri tzobaj richin ri Judá.

Wuj Richin ri Josúe 8:10

Y xyakatej k'a nimaq'a' yan ri Josué y xerumol ri achi'a' ri'. K'ari' xjote' k'a el rija' y e rachibilan-el ri e aj-raqen. Y rije' xe'el-el pa nabey chikiwech ri achi'a' richin nibekibana' oyowal rik'in ri tinamit Ai.

Wuj Kichin ri To'onela' 20:19

Xeyakatej k'a el nimaq'a' yan ri israelita y xbekipabala' ri taq kachoch chunaqaj ri Guibeá,

1 Sam 17:20

Ri ruka'n q'ij, ri David nimaq'a' yan xyakatej y xeruya' kan ri rukarne'l pa ruq'a' jun chik achin. Xbe rik'in ri taqikil achi'el xubij-el ri rutata' chire. Xapon k'a akuchi ek'o-wi-qa ri aj-labal, y jari' toq ri achi'a' nikinuk'-ki' richin yebe pan oyowal, y janila k'a yesik'in.