Wuj Richin ri Josúe 22:4 - Kaqchiquel Bible

⁴ Roma rija' wakami xuya' yan uxlanenri'il chiqakojol achi'el ri rusujun chiqe. Wakami k'a kixtzolej pa taq iwachoch chupan ri iruwach'ulew ri ruya'on kan chiwe ri Moisés ri rusamajel ri Jehová. Kixtzolej k'a pan iruwach'ulew ri k'o-apo juk'an chire ri raqen-ya' Jordán.

Wuj Richin ri Josúe 22:4 ပူးပေါင်းရင်းမြစ်များ

Wuj Richin ri Josúe 13:8

Ri tzobaj richin ri Rubén, ri Gad y ri nik'aj chik tzobaj richin ri Manasés, kan kik'ulun chik k'a kan ri kulew pa ruq'a' ri Moisés ri rusamajel ri Jehová. Y ri ruwach'ulew ri' k'o pa relebel-q'ij chire ri raqen-ya' Jordán.

Wuj Richin ri Q'axanri'il 32:18

Man xqojtzolej ta chi taq qachoch, k'a toq ri ch'aqa' chik qach'alal xtikichinaj na kan ri ruwach'ulew ri xtikik'ulumaj kan chikijujunal rije'.

Deut 3:20

Ke'ito' k'a ri qawinaq israelita, k'a toq xtikichinaj na kan ri ruwach'ulew ri xtuya' ri Jehová chike re k'o pe juk'an chire ri raqen-ya' Jordán. Toq ri Jehová xtuya' uxlanen chike achi'el ri xuya' yan chiwe rix, k'ari' xkixtzolej chik pe chupan re ruwach'ulew ri xinya' yan chiwe chi'ijujunal.

Wuj Richin ri Josúe 13:15

Ri Moisés xujech k'a chire ri tzobaj richin ri Rubén, y xuya' chike achi'el ri kajlabal chi kach'alal-ki'.

Deut 29:8

Y xqak'en kan ri kiruwach'ulew y xqaya' chike ri tzobaj richin ri Rubén, richin ri Gad y chike ri nik'aj tzobaj richin ri Manasés richin xkichinaj.

Deut 12:9

Roma wakami man jani kixapon chupan ri ruwach'ulew richin uxlanenri'il, akuchi xtiberuya-wi ri Jehová ri qa-Dios chiwe richin xtiwichinaj.

Hebreos 4:8

Y ri uxlanen ri xusuj chire ri David kan niq'alajin chi man nich'on ta chirij ri uxlanen ri xokila' wawe' ri qati't-qamama' toq e k'amon-pe roma ri Josué.

Ex 33:14

K'ari' ri Jehová xubij chire ri Moisés: Kan xkibe k'a awik'in, richin chi man k'ayew ta xtana' y kan xtik'oje' ri uxlanen awik'in, xcha'.

Wuj Richin ri Josúe 1:15

Rix kan xqojito', k'a toq ri Jehová xtuya' na chiqe ri ulew richin xtiqichinaj achi'el ri xuya' yan chiwe rix; y k'ari' xkixtzolin-pe chupan re ruwach'ulew re' re iwichinan kan rix, re ruya'on kan ri Moisés ri rusamajel ri Jehová chiwe, re k'o pe kere' pa relebel-q'ij chire re Jordán, xcha' ri Josué.

Wuj Richin ri Josúe 22:3

K'a re wakami man e imalin ta kan ri iwach'alal stape' k'iy yan q'ij ibanon-pe, roma kan itaqen-pe ri nubij ri pixa' ri ruya'on ri Jehová ri qa-Dios chiwe.

Wuj Richin ri Josúe 12:6

Keri' ri Moisés ri rusamajel ri Jehová, y ri tinamit Israel xekich'ek ri e ka'i' rey ri'. Y ri Moisés xujech re ruwach'ulew re' chike ri tzobaj richin ri Rubén, richin ri Gad y ri nik'aj tzobaj richin ri Manasés, richin xok kichin richin q'asen.

1 Crón 22:18

Y ri David xubij chike: Ri Jehová ri qa-Dios kan k'o-wi qik'in, y ruya'on uxlanibel-k'u'x xabakuchi, roma rija' kan xerujech yan pa nuq'a' konojel ri winaqi' richin chijun ruwach'ulew. Y re ruwach'ulew re' kan xk'oje' kan chuxe' rutzij ri Jehová y ri rutinamit.