Wuj Richin ri Josúe 2:5 - Kaqchiquel Bible

⁵ jak'a toq niq'equmer yan pe y nitz'apex yan kan ruchi' ri tinamit, ri achi'a' ri' xe'el-el y man wetaman ta akuchi xebe-wi, ke'itzeqelibej k'a chi'anin richin xkebe'iq'i', xcha'.

Wuj Richin ri Josúe 2:5 ပူးပေါင်းရင်းမြစ်များ

Apocalipsis 21:25

Ri chiri', kan man jun bey k'a xketz'ape' ta ri ruchi' ri tinamit, roma man jun bey xtiq'equmer richin nokoq'a-qa.

Ez 47:12

Y chi e ka'i' ruchi' ri raqen-ya' ri' xkebek'iy-pe jalajoj kiwech che'. Y ri che' ri' kan xkewachin y e tijel ri ruwech. Ri kixaq man jun bey xketzaq-el y jantape' yewachin. Ik'-ik' yechaq'aj kiwech ri che' ri', roma ri niya'an richin ja ri ya' ri nel-pe pa rachoch ri Dios. Y ri ruwech kan richin yetij y ri kixaq ri che' ri' kan xtik'atzin richin aq'om, xcha' ri achin ri'.

Wuj Richin ri Jeremías 50:20

Yin Jehová ri yibin. Y chupan ri q'ij ri', wi jun wineq nukanoj richin nubij ri imak, man xtril ta, roma yin xkenkuy ri juba' ri xekanej kan.

Wuj Richin ri Isaías 60:11

Ri okibel richin ri tinamit kan jantape' k'a xkejaqe'. Kan man xtitz'apex ta chi paq'ij chi chaq'a', richin chi yetikir nikik'en-pe beyomel kichin ch'aqa' chik tzobaj winaqi' richin ri ruwach'ulew. Y ri ki-rey rije' xkek'amer-pe roma rije' xech'akatej,

Wuj Richin ri Nehemías 13:19

Y xbanatej k'a toq ri q'ij niqaqa yan qa y ri rumujal napon yan akuchi k'o-wi ri ruchi' ri tinamit Jerusalem, jari' toq nitiker-qa ri q'ij richin uxlanen. Jari' toq xinbij chike ri chajinela' chi titz'apex ri ruchi' ri tz'aq, y xinbij chi man nijaq ta, k'a toq xtik'o na ri q'ij richin uxlanen. Y xenya' pa taq ruchi' ri tz'aq jujun chike ri nusamajela' aj-labal richin chi man jun ejqa'n nikusex-apo chupan ri q'ij ri'.

Wuj Richin ri Josúe 2:7

Y ri achi'a' xebekikanoj ri nachanela' y toq e eleneq chik el ri yekanon kichin jari' toq xtz'apex kan ruchi' ri tinamit. Y rije' xebe, xekikanoj chijun ri bey ri nibe pa raqen-ya' Jordán, y xe'apon k'a chuchi' ri raqen-ya' y xekikanoj chiri' y man xekil ta.

Wuj Richin ri Josúe 2:4

Jak'a ri Rahab xa xerewaj ri achi'a', y xubij-el chike ri yekanon kichin: Qitzij na wi chi ek'o achi'a' xek'oje-el pa wachoch, jak'a man xinwetamaj ta akuchi na kepe-wi,

Wuj Richin ri Josúe 2:6

Rija' keri' xubij chike, jak'a xa man keri' ta, xa e rujotoban-q'anej pa ruwi' ri rachoch y xerewaj chukojol ri raqen lino ri e rusa'on pa ruwi' ri jay.

1 Sam 19:14

Y toq xe'apon ri rusamajela' ri Saúl richin nibekik'ama-pe ri David, ri Mical xubij chike chi rija' janila yawa'.