Wuj Richin ri Josúe 2:18 - Kaqchiquel Bible

¹⁸ Jak'a toq xqojok chupan re ruwach'ulew re', rat xtaxim re kolo' keq chuchi' ri ventana akuchi xqojaqasaj-wi roj y xke'amol chupan ri awachoch, ri ate-atata' y konojel ri awach'alal y ri e rach'alal ri atata'.

Wuj Richin ri Josúe 2:18 ပူးပေါင်းရင်းမြစ်များ

Wuj Richin ri Josúe 6:23

Y ri nachanela' xe'ok-apo y xbekelesaj-pe ri Rahab, chuqa' ri rutata', ri rute', ri ruxibal y konojel ri ek'o rik'in; xekelesaj-pe chupan ri tinamit y xebeya'ox kan k'a chirij-el ri akuchi ek'o-wi-qa ri e rijatzul ri Israel.

Wuj Richin ri Josúe 2:21

K'ari' ri Rahab xubij: Keri' k'a xtibanatej achi'el ri xibij, xcha'. K'ari' chi'anin k'a xerujech-el y jari' xeqaqa-el y xebe. Y ri kolo' keq xxime' kan chiri' pa ventana richin retal.

Hebreos 9:19

Roma toq ri Moisés rubin chik chike ri winaqi' ronojel ri nubij chupan ri pixa' chi k'o chi nikiben, xberuk'ama-pe kikik'el alaji' taq wákix y tzuntzun, xolon rik'in ya'. Y rik'in rusumal karne'l ri kaqarisan rik'in aq'om y juboraj q'ayis hisopo, xuchikaj pa ruwi' ri wuj ri ruk'uan ri pixa' y pa kiwi' konojel ri winaqi'.

Hechos 10:33

Roma ri' kan jari' xinteq akanoxik, y matiox k'a chi kan xape. Y kan chuwech wi k'a ri Dios ojk'o-wi qonojel re qamolon-qi' wawe', y niqajo' k'a niqak'axaj ri xtaq'alajirisaj chiqawech, ri kan ja ri Dios biyon chawe richin taq'alajirisaj rat, xcha' ri Cornelio chire ri Pedro.

Wuj Richin ri Chojmirisabelri'il 14:4

K'ari' xtuteq ruk'amik ka'i' taq aj-xik' chikopi' ri kan e ch'ajch'oj, y chuqa' juba' tiox-che', kaqkoj k'an, y juba' q'ayis hisopo.

2 Timoteo 1:16

Ri ajaw xtujoyowaj ta kiwech ri e aj pa rachoch ri Onesíforo, roma rija' man xk'ix ta xiberutz'eta' pa cárcel. Xa k'iy bey xberuya' kan kikoten pa wánima.

Hechos 11:14

Y ja rija' k'a ri xtibin chawe achike rubanik xtaben, richin keri' yakolotej rat y ri e aj pan awachoch, xuche'ex kan roma ri ángel.

Hechos 10:27

Ri Pedro y ri Cornelio yetzijon k'a, xe'ok-apo pa jay. Jari' toq ri Pedro xutz'et chi e k'iy winaqi' ri kimolon-ki' ri chiri'.

San Lucas 19:9

Jari' toq ri Jesús xubij chike ri winaqi': Ri kolotajik xoqaqa chupan re jay re', roma ri Zaqueo chuqa' jun riy-rumam kan ri Abraham.

Wuj Richin ri Q'axanri'il 19:6

Rokik nik'at ri chikop ri', ri Eleazar niberuk'ama-pe tiox-che', ri q'ayis hisopo, y tzieq keq nitzu'un, ri banon rik'in rusumal karne'l y nuya' pa ruwi' ri chikop ri'.

Wuj Richin ri Q'axanri'il 4:8

K'ari' nikiya' chik el jun keq tzieq y xaxe ri' nikitz'apej-el rik'in jun sale'y ri jebejoj rubanik. K'ari' nikiju-el ri che' pa taq ruxikin richin chi utz nuk'uex.

Wuj Richin ri Rutikeribel 12:2

Y xkebek'oje' awijatzul y rik'in jun chike rije' xtinben jun nimalej tzobaj winaqi'. Xkatinwurtisaj y xtinben chawe chi xkatok jun nimalej achin chuwech re ruwach'ulew. Y keri' xkatok jun urtisanik chike ch'aqa' chik.

Wuj Richin ri Rutikeribel 7:1

K'ari' ri Jehová xubij chire ri Noé: Rat, ri awixjayil, ri e ak'ajol, ri e awali' kixok chupan ri nima-barco; roma xa kan xaxe rat ri choj ri abanobal chinuwech yin chikikojol re sol winaqi' re ek'o wakami.

Ester 8:6

Y wakami, ¿achike xtinben yin richin xtinkoch' ronojel ri ruk'ayewal ri xtipe chikij ri nuwinaq, roma xkek'is k'a konojel rije'?, xcha'.

Wuj Richin ri Nimalej Bix 4:3

Ri ti achi' kan keq-keq achi'el ri betz' keq. Y toq yach'on, kan jebel ok niq'alajin. Ri apalej kan keq yeq'alajin-pe chupan ri a-velo, kan achi'el nik'ajta'q taq granada.

Ex 12:13

Ri kik' jari' ri retal richin ri jay ri akuchi ixk'o-wi rix, y xtintz'et k'a yin ri kik' y choj k'a xkiq'ax-el pan iwi' y kan man xtok ta k'a iwik'in rix ri nima-ruk'ayewal richin kamik, toq yin xkenkamisaj ri nabey taq al alaboni' wawe' pan Egipto.

Wuj Richin ri Josúe 6:25

Y ri Josué xukol ruk'aslen ri Rahab, jun ixoq itzel ruk'aslen, chuqa' ri rute-rutata' y konojel ri ek'o pa rachoch re ixoq re'; y xk'ase' chikikojol ri e rijatzul ri Israel k'a re wakami, roma xukol kik'aslen ri e ka'i' nachanela' ri e taqon richin xbeketamaj kan jebel ri tinamit Jericó.