Wuj Richin ri Josúe 2:12 - Kaqchiquel Bible

¹² Wakami k'a nink'utuj k'a jun nimalej utzil chiwe, richin chi niya' itzij chuwe, pa rubi' ri Jehová ri i-Dios richin achi'el k'a yin xinjoyowaj iwech, keri' chuqa' xtiben pa kiwi' konojel ri aj pa wachoch y kan xtiya' jun retal chuwe chi kan jujik chi xtiben.

Wuj Richin ri Josúe 2:12 ပူးပေါင်းရင်းမြစ်များ

Wuj Richin ri Josúe 2:18

Jak'a toq xqojok chupan re ruwach'ulew re', rat xtaxim re kolo' keq chuchi' ri ventana akuchi xqojaqasaj-wi roj y xke'amol chupan ri awachoch, ri ate-atata' y konojel ri awach'alal y ri e rach'alal ri atata'.

Santiago 2:13

Roma wi man xtijoyowaj ta kiwech ri ch'aqa' chik winaqi', ri Dios man xtujoyowaj ta chuqa' iwech rix chupan ri q'ij toq xtuq'et-tzij. Jak'a wi xtijoyowaj kiwech ri ch'aqa' chik, xkixch'akon, roma ri Dios chuqa' xtujoyowaj iwech rix chupan ri q'ij ri'.

1 Timoteo 5:8

Jak'a nik'atzin chi konojel yekito' ri e kach'alal, y kan más nik'atzin chi yekilij ri kan e aj pa kachoch. Roma ri man nuben ta keri' xa kan achi'el xa ta xumalij kan ri kuqubabel-k'u'x, y xa más itzel ke chikiwech ri winaqi' ri man ketaman ta ruwech ri Dios.

Romanos 1:31

Man niq'axon ta kánima nikiben itzel. Nikiq'ej ri kitzij, man jun joyowanik k'o kik'in.

Marcos 14:44

Ri Judas ri nijacho-el richin ri Jesús kan rubin k'a pe chike ri e peteneq rik'in, ri rubanik richin nuk'ut ri Jesús chikiwech. Rubin k'a pe chike: Ja ri xkijel-apo rik'in richin xtintz'ubaj, jari' ri Jesús. Tichapa', y man tanimej kan chiwech, keri' rubin-pe chike.

Wuj Richin ri Jeremías 12:16

Jak'a rije' ri xek'utu chikiwech ri nuwinaq richin nikiya' kitzij chuwech ri Baal. Jak'a re wakami rije' k'o chi niketamaj kik'in ri nuwinaq richin nikiya' nuq'ij yin y nikiya' kitzij pa nubi' yin. Wi nikiben kere', kan xkejike' chikikojol ri nuwinaq.

Ester 8:6

Y wakami, ¿achike xtinben yin richin xtinkoch' ronojel ri ruk'ayewal ri xtipe chikij ri nuwinaq, roma xkek'is k'a konojel rije'?, xcha'.

2 Crón 36:13

Chuqa' kan xyakatej chirij ri rey Nabucodonosor, ri kan ruya'on rutzij chuwech pa rubi' ri Dios chi nijunamatej-kiwech rik'in. Y kan xunimirisaj-ri' y xukowirisaj ri ránima y kan xupaba-ri' chi kan man nitzolin ta chik rik'in ri Jehová ri Dios richin Israel.

1 Sam 30:15

Y ri David xuk'utuj chire: ¿Yatikir rat yinak'uaj chiri' akuchi ek'o-wi ri achi'a' ri'?, xcha'. Y rija' xubij: Tajikiba-atzij chuwech ri Dios chi wi man yinakamisaj ta ni man yinajech ta pa ruq'a' ri wajaw, yin xkatink'uaj kik'in rije', xcha'.

Wuj Richin ri Josúe 9:15

Ri Josué kan xjunamatej k'a ruwech kik'in y xuya' rutzij chi man yerukamisaj ta. Keri' chuqa' ri e tata'al kan xjunamatej k'a kiwech kik'in ri winaqi' ri' y xkiya' kitzij chi man yekikamisaj ta.

Wuj Richin ri Josúe 2:13

Y xtikol ri kik'aslen ri nte-nata', ri e nuxibal, ri e nunimal, ri e nuchaq' y konojel ri kalk'ual rije', richin xtikolotej ri qak'aslen chuwech ri kamik ri', xcha' ri Rahab.

Ex 12:13

Ri kik' jari' ri retal richin ri jay ri akuchi ixk'o-wi rix, y xtintz'et k'a yin ri kik' y choj k'a xkiq'ax-el pan iwi' y kan man xtok ta k'a iwik'in rix ri nima-ruk'ayewal richin kamik, toq yin xkenkamisaj ri nabey taq al alaboni' wawe' pan Egipto.

Wuj Richin ri Rutikeribel 24:9

K'ari' ri rusamajel xuya-ok ruq'a' chuxe' ri ra' ri rajaw y xujikiba-rutzij richin nuben re jun taqikil re'.

Wuj Richin ri Rutikeribel 24:3

richin chi naya' atzij chuwe yin y chuwech ri Jehová ri Dios, ri rajaw ri kaj, y ri rajaw re ruwach'ulew, richin chi man taya' q'ij chi ri nuk'ajol Isaac nik'ule' ta rik'in jun xten aj wawe' pa Canaán.

Wuj Richin ri Rutikeribel 21:23

Wakami k'a tajikiba' ri atzij chinuwech yin y chuwech ri Dios richin man ta jun xtach'ob chi naben ta chuwe yin, ni ta chike ri walk'ual y ni ta chike ri wiy-mam. Kan ta achi'el ri utzil ri xinben chawe yin, kan ta keri' ri rajel ruk'exel ri naben wik'in yin y kik'in konojel re winaqi' re e richin re ruwach'ulew re', re akuchi xatoqaqa-wi, xcha' ri Abimélec chire ri Abraham.

Wuj Richin ri Rutikeribel 40:14

Kinoqaqa k'a chi'ak'u'x toq xtiq'ajer ri xinbij chawe. Tabana' utzil kach'on rik'in ri rey, richin chi k'o ta jun q'ij yinel-el wawe'. ¡Tajoyowaj k'a nuwech richin xkinel ta el wawe' chupan re jay re'!

Wuj Richin ri Josúe 2:19

Y xabachike k'a ri xtel-el chupan ri awachoch toq najin ri oyowal y xtiken, man qamak ta chik roj; y konojel ri xkek'oje' awik'in chupan ri awachoch, wi xkeken, kan roj xqojejqalen.

Wuj Richin ri Josúe 6:22

Jak'a ri Josué xubij yan chike ri e ka'i' nachanela': Xkixok chupan ri rachoch ri Rahab y xkebe'iwelesaj-pe, chuqa' konojel ri e rach'alal achi'el ri ya'on-tzij ri ibanon kan rik'in, xcha'.

Wuj Kichin ri To'onela' 1:24

Y ri nachanela' xkitz'et k'a chi k'o jun achin ri xel-pe ri chiri' pa tinamit, y roma ri' rije' xkik'utuj k'a chire: Tabij chiqe, ¿k'o kami jun chik okibel richin chi yojok chupan re tinamit re', ri awetaman rat?, y wi xtak'ut chiqawech, roj xtiqajoyowaj k'a awech y man xkatqakamisaj ta, xecha' chire.