Wuj Richin ri Josúe 2:1 - Kaqchiquel Bible

¹ Toq ri tinamit Israel k'a ek'o na chiri' pa k'echelaj Sitim, ri Josué ri ruk'ajol kan ri Nun, xeruteq-el ka'i' achi'a' pan ewel richin yebe chupan ri ruwach'ulew Canaán richin nibeketamaj kan jebel ri tinamit rubini'an Jericó. Y ri achi'a' xebe k'a y xe'ok pa rachoch jun ixoq itzel ruk'aslen rubini'an Rahab y chiri' xkiq'axaj-wi ri aq'a'.

Wuj Richin ri Josúe 2:1 ပူးပေါင်းရင်းမြစ်များ

Hebreos 11:31

Chuqa' ri Rahab ri ixoq itzel ruk'aslen, kan xukuquba' ruk'u'x rik'in ri Dios. Roma ri' man xken ta kik'in ri ruwinaq toq xtzaq ri rutinamit, roma xeruk'ul ri nachanela' judío chi utzil.

Santiago 2:25

Y keri' chuqa' ri Rahab, ri ixoq itzel ruk'aslen; rija' xuben ri xubij ri rukuqubabel-k'u'x chire, y xerewaj ri ka'i' achi'a' judío ri xbekinik'oj ri ruwach'ulew. Kan xeruteq k'a el pa jun chik bey richin man jun xkik'uluwachij. Y roma ri' man jun rumak xk'ulun chuwech ri Dios.

San Mateo 1:5

Y ri Salmón y ri Rahab xkalk'ualaj ri Booz, ri Booz y ri Rut xkalk'ualaj ri Obed, y ri Obed xralk'ualaj ri Isaí.

Wuj Richin ri Q'axanri'il 25:1

Y rokik ri tinamit Israel k'o-qa ri chiri' pa ruwach'ulew Sitim, ri achi'a' xkichop k'a yemakun kik'in ri ixoqi' aj-Moab,

Efesios 5:5

Y rix iwetaman chik chi ri achi'a' y ri ixoqi' ri nikikanola-ki' richin yemakun, ri yebanon ri ch'aqa' chik etzelal y ri yerayin-apo ri k'o rik'in jun chik, kan junan rik'in ri nikiya' ta kiq'ij dios ri xa man e qitzij ta; konojel rije' kan man xke'apon ta pa rajawaren ri Cristo y ri Dios.

San Mateo 10:16

Wakami yin yixinteq-el, achi'el taq karne'l ri yixbeqaqa chikikojol ri winaqi' ri e achi'el utiwa'. Jak'a rix xa kan kixok k'a nowineq achi'el nuben ri kumetz. Kan man tich'upu ik'u'x. Xa tibana' achi'el jun paloma ri kan man jun etzelal ri k'o ta rik'in.

Wuj Richin ri Josúe 3:1

Y ri jun chik q'ij ri Josué xyakatej nimaq'a' yan, rija' y konojel ri ruwinaq y xekiyek-el ri taq kachoch, xe'el-el chiri' pa Sitim y xe'apon pa taq'aj chuchi' ri raqen-ya' Jordán y xek'oje' na el juba' chiri'.

Wuj Richin ri Q'axanri'il 13:2

Ke'ataqa-el achi'a' k'a pa ruwach'ulew Canaán, ri ruwach'ulew ri ninya' chike ri e rijatzul kan ri Israel. Tibekinik'oj k'a kan ri achike rubanik ri ruwach'ulew. Chikijujunal ri tzobaj tikiya' k'a jun chike ri aj-raqen pa ruwi' ri kitzobaj y jari' ri ke'ataqa-el.

Wuj Kichin ri To'onela' 18:17

K'ari' ri wo'o' achi'a' ri xbeketamaj kan ri ruwach'ulew, xe'ok-apo pa rachoch ri Micaías, y xbekik'ama-pe ri wachibel toch'on, ri efod, ri kokoj taq wachibel y ri wachibel ri banon rik'in saqipueq ya'erisan pa q'aq', rokik ri sacerdote k'o chiri' chuchi' ri jay kik'in ri e 600 achi'a' ri kik'uan ri kikamisabal.

Wuj Kichin ri To'onela' 18:2

Y ri rijatzul ri Dan xekiteq-el e wo'o' achi'a' ri maneq xibinri'il chikiwech, ri e aj-Sorá y Estaol, richin nibeketamaj kan jebel ri ruwach'ulew; y kan keri' k'a xkiben. Xebe ri chuwi' taq juyu' richin ri Efraín, y xe'apon k'a chunaqaj ri rachoch ri Micaías, y chiri' xkik'owisaj-wi ri aq'a'.

Wuj Richin ri Josúe 5:10

Y rije' xkinimaq'ijuj ri q'ij toq ri Jehová xuya' ri Solbelri'il. Y re nimaq'ij re' xkiben chupan ri q'ij kajlajuj richin ri ik' ri', toq xqaq'ij-qa, ri chiri' pa Guilgal ri k'o pa taq'aj chuwech-apo ri tinamit Jericó.

Wuj Richin ri Q'axanri'il 33:49

Pa ruk'isibel xebek'oje' chuchi' ri raqen-ya' Jordán nitiker-el rik'in ri ruwach'ulew Bet-jesimot, napon k'a pa taq'aj Abel-sitim chiri' pa Moab.

Wuj Richin ri Josúe 21:31

Helcat y ri Rehob: Ja kaji' tinamit re' rik'in ri kisoq'olbal.

Wuj Kichin ri To'onela' 18:14

K'ari' ri wo'o' achi'a' ri xbeketamaj kan ri ruwach'ulew Lais y xkibij chike ri kiwinaq: Chupan re jay re' k'o jun efod, chuqa' kokoj taq wachibel, jun wachibel toch'on ri ya'on saqipueq chirij y jun chik banon rik'in saqipueq ya'erisan pa q'aq'. Wakami k'a tich'obo' achike niqaben rik'in ronojel re', xecha'.

Wuj Richin ri Josúe 1:18

Y xabachike k'a ri xtiyakatej chirij ri apixa' y man xtuben ta ri xtabij rat chire, kan xtiken k'a. Xaxe k'a niqajo' chi tatija' aq'ij y man tik'oje' xibinri'il chawech, xecha' rije'.

Wuj Richin ri Josúe 2:2

Y k'o k'a jun xya'on rutzijol chire ri rey richin ri Jericó y xubij chire: Wakami ek'o achi'a' e rijatzul kan ri Israel ri xe'oqaqa-el wawe' richin chi nokinachaj kan re qaruwach'ulew, xcha'.

Wuj Richin ri Miqueas 6:5

Nutinamit yin, toqaqa chi'ik'u'x ri xrajo' ta xuben chiwe ri Balac ri rey richin Moab, y ri xubij ri Balaam ri ruk'ajol ri Beor. Chuqa' toqaqa chi'ik'u'x ri xinben iwik'in toq xixq'ax-pe pa Sitim y xixapon pa Guilgal, richin niya' rejqalen ri ch'akonik ri xinya' chiwe yin, xcha' ri Jehová.

Wuj Richin ri Rutikeribel 42:9

K'ari', rija' xoqaqa k'a chuk'u'x ri rachik' ri e rubanalon chikij rije', y rija' xubij k'a chike: Rix xa ix nachanela', xa ix peteneq xaxe richin no'itz'eta' kan achike rubanon ri qaruwach'ulew, wi k'o ruchuq'a' o maneq, xcha'.

Wuj Richin ri Rutikeribel 42:16

Tibe k'a jun chiwe rix richin niberuk'ama' ri ichaq' y ri ch'aqa' chik xkixtz'ape' kan pa cárcel y rik'in ri' xtinwetamaj yin wi kan qitzij ri nibij chuwe. Y wi xa xitz'uk-tzij chinuwech, ninjikiba-nutzij chuwech ri rey chi rix xa kan ix nachanela-wi, xcha'.

Wuj Richin ri Q'axanri'il 13:1

Ri Jehová xch'on rik'in ri Moisés y xubij chire:

Wuj Kichin ri To'onela' 1:23

Pa nabey, rije' xekiteq k'a el nachanela' pa tinamit Betel, re tinamit re' ojer kan rubini'an Luz.