Wuj Richin ri Josúe 18:3 - Kaqchiquel Bible

³ K'ari' ri Josué xubij chike: ¿Achike iwoyoben rix richin niwichinaj ri ruwach'ulew ri xa jachon chik chiwe roma ri Jehová ri qa-Dios y ri ki-Dios chuqa' ri qati't-qamama'?

Wuj Richin ri Josúe 18:3 ပူးပေါင်းရင်းမြစ်များ

Wuj Richin Etamabel-Tzij 13:4

Ri wineq janila q'or xaxe choj nurayij y man jun nuben, roma ri' man jun nril pa ruk'aslen; jak'a ri wineq ri kan k'o nurayij y kan kow nisamej, nibe pa jotol.

Wuj Kichin ri To'onela' 18:9

Jo' qojyakatej chikij, roma roj xqabenik'oj yan kan jebel ri ruwach'ulew, y kan xqatz'et kan chi kan janila jebel. Y rix ¿Achike roma kan man jun niben? Man tiq'oraj yixbe richin yojbe'ok chupan ri ruwach'ulew ri xtok qichin.

San Mateo 20:6

Y ri pa ro' hora chire ri tiqaq'ij, rija' xel chik el jun bey, y xeberila' k'a pe ch'aqa' chik samajela'. Y xubij chike: ¿Achike k'a roma ixk'o wawe' jun q'ij y man jun niben?, xcha' chike.

Wuj Richin Etamabel-Tzij 15:19

Ri bey richin ri ruk'aslen ri wineq q'or, xa nojineq chi k'ix nutzu' rija'; jak'a ri rubey ruk'aslen ri wineq choj ruk'aslen, man jun achike ta ruk'ayewal.

Wuj Richin Etamabel-Tzij 10:4

Ri kan man yeruya' ta ri ruq'a-raqen pa samaj, xa meba'il nuk'en-pe chire; jak'a ri ruq'a-raqen ri samajel, kan nikik'en-pe beyomel chire.

Wuj Richin ri Sofonías 3:16

Toq xtapon k'a ri q'ij ri' xtubij chiqe roj aj-Jerusalem chi man tiqaxibij-qi', y man qojmayamo-qa.

San Juan 6:27

Kan kixsamej k'a, jak'a man richin ta chi nich'ek ri wey ri xa nik'is. Xa kan kixsamej richin nich'ek ri wey ri nuya' ik'aslen ri man k'isel ta, wey ri xtinya' chiwe, yin ri xiqaqa-pe achi'el wineq chi'ikojol. Y ja yin ri xiruteq-pe ri nata' Dios, richin ninben re samaj re', xcha'.

Wuj Richin ri Molojri'il 9:10

Y ronojel k'a ri natz'et richin chi niban, kan tabana' k'a, roma chupan ri jul ri akuchi xkabemuq-wi kan, xa maneq chik samaj, maneq chik ch'obonik, maneq chik retamaxik más etamabel, ni retamaxik na'oj.

Wuj Richin ri Josúe 18:2

Y k'a ek'o na kan e wuqu' tzobaj chike rije' ri man jani tijach ri kulew ri k'o chi nikichinaj kan.

Wuj Richin ri Josúe 18:4

Ke'icha' k'a e oxi' achi'a' chikikojol ri jujun tzobaj richin yenteq-el, y xkebe k'a richin nibekinik'oj ri ruwach'ulew ri achike rubanik. K'ari' xketzolej-pe richin nikitzijoj chuwe; k'ari' xtinjech chiwech richin xtiwichinaj kan.

Wuj Richin ri Josúe 1:6

Kow k'a kak'oje' y man taxibij-awi', roma ja rat xkajachon ri ulew chike ri awinaq, ri ulew ri xtikichinaj kan, ri xinya' nutzij chire chi kan chike ri ite-itata' ninya-wi.

Wuj Richin ri Josúe 13:1

Toq ri Josué kan janila chik ri'j, jari' toq ri Jehová xubij chire: Rat kan janila chik k'iy ajuna', y kan k'a k'o k'iy ruwach'ulew ri k'o richin ye'ich'ek richin nok iwichin.