Wuj Richin ri Josúe 17:4 - Kaqchiquel Bible

⁴ Re ixoqi' re' xe'apon chikiwech ri sacerdote Eleazar, ri Josué y ri e tata'al richin ri tinamit. Y xkibij chike: Ri Jehová rubin kan chire ri rusamajel Moisés richin roj k'o chuqa' chi yojichinan kan chikikojol ri rach'alal ri qatata', xecha'. K'ari' ri Josué xuya' kan ri kulew richin xkichinaj kan junan kik'in ri kich'utitata'. Rije' xkik'ul k'a kan ri kulew achi'el rubin ri Jehová.

Wuj Richin ri Josúe 17:4 ပူးပေါင်းရင်းမြစ်များ

Gálatas 3:28

Junan k'a rubanik richin xa jun xqaben rik'in ri Cristo, stape' judío, o man judío ta, stape' ximil pa samaj, o totajineq, stape' achin o ixoq.

Wuj Richin ri Josúe 14:1

Jare' ri ruwach'ulew ri xkichinaj kan ri israelita pa Canaán. Y ri xejachon ja ri sacerdote Eleazar, ri Josué ruk'ajol kan ri Nun, y ri e tata'al richin ri tzobaj kichin ri winaqi' israelita.

Wuj Richin ri Josúe 17:5

Ri e wo'o' rumi'al ri Selofhad xya'ox kan kulew richin xe'ichinan kan chikikojol ri e ch'aqa' chik rijatzul ri Manasés, y roma ri' ri tzobaj richin ri Manasés xkichinaj kan lajuj kulew chiri' pa Canaán. Y chuqa' ri ch'aqa' chik rijatzul kan ri Manasés xkichinaj ri ruwach'ulew Galaad y ri Basán, ri k'o juk'an-apo chire ri raqen-ya' Jordán.

Wuj Richin ri Q'axanri'il 27:1

Y k'o k'a jun achin rubini'an Selofhad, ri ruk'ajol kan ri Héfer, ri rumam kan ri Galaad, ruxikin rumam kan ri Maquir y rijatzul kan ri Manasés y ri José. Y ri e rumi'al kan kibini'an Mahlá, Noá, Hoglá, Milcá y ri Tirsá.

Wuj Richin ri Q'axanri'il 27:4

Y roma ri' man ruk'amon ta chi niyojtej ri rubi' ri qatata' chikikojol ri rach'alal, xaxe roma man xk'oje' ta jun ruk'ajol. Wakami k'a niqajo' chi ja roj ri yojichinan kan ri ulew chikikojol ri e rach'alal kan ri qatata', xecha'.

Wuj Richin ri Q'axanri'il 36:10

Achi'el ri xubij ri Jehová Dios chire ri Moisés, kan keri' xkiben ri e rumi'al kan ri Selofhad.

Wuj Richin ri Josúe 21:1

Ri aj-raqen richin ri tzobaj richin ri Leví xebe pa tinamit Siló richin xebech'on kik'in ri sacerdote Eleazar, ri Josué y ri e tata'al kichin ri e kablajuj tzobaj.