Wuj Richin ri Josúe 13:4 - Kaqchiquel Bible

⁴ ri k'o pa xokon chire ri kiruwach'ulew ri aj-Canaán; nitiker-el rik'in ri tinamit Mehara ri kichin ri aj-Sidón, y napon k'a pa tinamit Afec, ri akuchi k'o-wi ri ruk'ulba't ri ruwach'ulew kichin ri amorreo.

Wuj Richin ri Josúe 13:4 ပူးပေါင်းရင်းမြစ်များ

Wuj Richin ri Josúe 19:30

Umá, Afec, Rehob; ronojel re' e juwineq ka'i' tinamit rik'in kokoj kitinamit.

1 Sam 4:1

Y k'o k'a jun q'ij ri aj-Filistea xbekibana' oyowal kik'in ri israelita y xkimol-ki' chunaqaj ri tinamit Afec. Jak'a ri israelita kimolon-ki' pa tinamit Eben-ézer.

Am 2:10

Jak'a ri kati't-kimama' ri israelita xenwelesaj-pe pan Egipto. Y kawineq k'a juna' xenk'uaj pa tz'iran ruwach'ulew. Yin xinben ronojel re' richin xinya' ri kiruwach'ulew kan ri amorreo chike.

Wuj Richin ri Josúe 11:3

y ri rey ri ek'o pa kiwi' ri winaqi' aj-Canaán ri ek'o pa relebel-q'ij y ri ek'o pa qajbel-q'ij, y chike ri amorreo, ri hitita, ri ferezeo, ri jebuseo ri ek'o chuwa taq juyu' y chike ri heveo ri ek'o chuxe' ri juyu' Hermón chiri' pa ruwach'ulew Mispá.

Wuj Richin ri Josúe 10:40

Ri Josué y ri achi'a' xekich'ek k'a konojel tinamit ri ek'o pa xokon: Ri winaqi' ri ek'o chuwech ri ruwach'ulew ri ek'o chuwa taq juyu', ri ek'o pa xokon chire ri ruwach'ulew, ri ek'o pa taq'aj chuwech ri palou y ri ek'o pa xulan chire ri relebel-q'ij. Y xekikamisaj ri ki-rey y konojel winaqi' ri ek'o chiri', y kan man jun k'a xkiya' kan rik'in ruk'aslen. Kan konojel k'a xekikamisaj, achi'el rubin ri Jehová Dios richin Israel.

1 Rey 20:26

Y toq q'axineq chik k'a jun juna', ri rey Ben-hadad xerumol k'a konojel ri aj-labal aj-Siria ri ek'o rik'in, y k'ari' xbe-el pa tinamit Afec richin niberubana' oyowal kik'in ri aj-Israel.

1 Rey 20:30

Jak'a ri ch'aqa' chik aj-labal aj-Siria xe'animej y xebe k'a pa tinamit Afec. Y ri chiri' xa xbewuluwu-pe chikij ri tz'aq ri rusutin-rij ri tinamit, y xeken k'a ri e 27,000 aj-labal ri kikolon-el ki'. Ri rey Ben-hadad chuqa' xanimej-el y xapon chupan ri tinamit ri', y xok pa jun jay y xberewaj-ri' chiri'.

Ez 16:3

Y jare' k'a ri rutzijol ri ninya' yin Jehová chike: Pa nabey rat Jerusalem, xa pa ruwach'ulew Canaán xatz'ukutej-pe. Y ri atata' jun amorreo y ri ate' jun hitita.