Wuj Richin ri Josúe 11:3 - Kaqchiquel Bible

³ y ri rey ri ek'o pa kiwi' ri winaqi' aj-Canaán ri ek'o pa relebel-q'ij y ri ek'o pa qajbel-q'ij, y chike ri amorreo, ri hitita, ri ferezeo, ri jebuseo ri ek'o chuwa taq juyu' y chike ri heveo ri ek'o chuxe' ri juyu' Hermón chiri' pa ruwach'ulew Mispá.

Wuj Richin ri Josúe 11:3 ပူးပေါင်းရင်းမြစ်များ

Wuj Kichin ri To'onela' 3:3

Ja winaqi' re' ri man xech'akatej ta kan: Ri e wo'o' tata'al kichin ri tinamit Filistea y chuqa' konojel ri winaqi' cananeo, ri sidonio y ri heveo ri ek'o kela' chuwi' taq juyu' rubini'an Líbano, nitiker-el pa juyu' rubini'an Baal-hermón y napon k'a pa tinamit Hamat.

Wuj Richin ri Josúe 18:26

Mispá, Quefirá, Mosá,

Wuj Richin ri Rutikeribel 31:49

Y chuqa' ri chiri' xubini'aj kan Mispá, roma ri Labán xubij: Kan ja ta k'a ri Jehová xtitz'eton qichin toq man xtiqatz'et ta chik qi'.

Wuj Richin ri Josúe 15:63

Ri rijatzul kan ri Judá man xetikir ta xekelesaj-pe ri jebuseo ri ek'o chiri' pa Jerusalem, xa xek'oje-qa chikikojol rije' k'a re wakami.

Wuj Richin ri Josúe 13:11

Y chuqa' xkichinaj kan ri ruwach'ulew Galaad y chijun ri kiruwach'ulew ri guesureo y ri maacateo, chijun ri juyu' Hermón y chijun ri ruwach'ulew richin ri Basán y napon k'a pa tinamit Salcá.

Wuj Richin ri Jeremías 41:14

K'ari' konojel rije' xetzolin chikij y xeq'ax rik'in ri Johanán.

Wuj Richin ri Jeremías 41:3

Keri' chuqa' ri Ismael xerukamisaj kan ri winaqi' ri yewa' rik'in y chuqa' ri aj-labal aj-Babilonia ri e ya'on kan rik'in ri Guedalías ri chiri' pa Mispá.

Wuj Richin ri Jeremías 40:10

Y yin xkik'ase' re wawe' pa Mispá richin yenk'ul-apo ri aj-Babilonia ri xkepe qik'in. Jak'a rix tiwuxu' ri uva y tibana' vino chire. Chuqa' tiwuxu' ruwech taq che' richin yetij y ri aceite. Ke'iyaka' kan jebel pa taq yakonabel y kixk'oje' k'a chiri' pa taq tinamit ri akuchi xkixk'oje-wi, xcha' chike.

Wuj Richin ri Jeremías 40:6

K'ari' yin xipe rik'in ri Guedalías chiri' pa Mispá y xik'oje' k'a kik'in ri winaqi' aj-Judá ri man xe'uk'uex ta el pa Babilonia.

Wuj Richin ri Nimalej Bix 4:8

Toq xtiseqer-q'anej, jari' toq xqojxule-qa pa Líbano, xqojbe-qa k'a pa ruwi' ri juyu' richin Amaná, ri Senir y ri Hermón, k'a akuchi k'o-wi kijul ri koj, y akuchi ek'o-wi ri balma.

Wuj Richin Bix Chire ri Dios 133:3

Chuqa' kan achi'el ri raxq'ab ri niqaqa pa ruwi' ri juyu' Hermón, y pa ruwi' ri juyu' Sión, roma chiri' ri Jehová kan nuteq k'a pe urtisanik y k'aslen richin q'asen.

Wuj Richin Bix Chire ri Dios 89:12

nitiker-pe pa xaman y napon k'a pa xokon. Ri juyu' Tabor y ri Hermón kan yebixan rik'in kikoten richin nikiya' aq'ij.

1 Rey 15:22

Y k'ari' ri rey Asá xerumol konojel ri winaqi' ri ek'o pa rajawaren, y kan man jun ri xya'ox kan chaq keri'. Xerumol k'a richin xkik'uaj-el ronojel ri xk'atzin chire ri Baasá richin xupaba-q'anej ri tz'aq. Konojel ri winaqi' ri' xkeraj-el ri abej y ri che' ri najin chukusaxik ri Baasá. Jari' ri xukusaj ri rey Asá richin xeruben-q'anej tz'aq chikij ri tinamit Mispá y ri Gueba ri k'o pa ruwach'ulew Benjamín.

1 Rey 9:20

Richin xban ronojel re samaj re', xeruya' pa samaj konojel ri winaqi' amorreo, ri heteo, ri ferezeo, ri heveo y ri aj-Jebús. Re winaqi' re' man e rijatzul ta kan ri Israel.

2 Sam 24:16

Ri ángel richin ri Jehová xapon k'a ri akuchi nich'ay-wi ri trigo richin ri achin rubini'an Arauna ri Jebuseo, naqaj chik chire ri tinamit Jerusalem. Y toq xurik' ri ruq'a' richin yeruk'is ri winaqi' ri ek'o chiri', jari' toq ri Jehová xujoyowaj kiwech ri winaqi' ri', y xubij chire ri ángel chi titane' y man yerukamisaj ta chik.

1 Sam 10:17

Chirij k'a ronojel re', ri Samuel xeroyoj ri tinamit richin nikiya' ruq'ij ri Jehová chiri' pa Mispá.

Wuj Kichin ri To'onela' 21:8

Y xkik'utuj k'a chi wi k'o jun tinamit chikikojol ri tzobaj richin Israel ri man xjote' ta q'anej chuwech ri Jehová chiri' pa Mispá toq xban ri nabey molojri'il. Y xkinabej k'a chi ri aj-Jabés richin Galaad man xe'apon ta chupan ri molojri'il ri',

Wuj Kichin ri To'onela' 21:5

y xkibij k'a chikiwech rije': ¿K'o kami tinamit kichin ri tzobaj richin Israel, ri man xepe ta richin ri molojri'il chuwech ri Jehová wawe' pa Mispá?, xecha'. Kere' xkibij roma chupan ri nabey molojri'il kan kiya'on kitzij chi kan xkekamisex ri man xkepe ta chuwech ri Jehová.

Wuj Kichin ri To'onela' 20:1

Jari' k'a xe'el-pe ri achi'a' ri e richin ri ch'aqa' chik tzobaj richin niban jun molojri'il pa tinamit Mispá chuwech ri Jehová. Xkimol k'a ki' y xa jun xkiben, xtiker-pe pa Dan ri k'o pa xaman, k'a pa Beerseba ri k'o pa xokon, y konojel ri achi'a' ri ek'o juk'an chik chire ri raqen-ya' Jordán.

Wuj Kichin ri To'onela' 3:5

Keri' k'a ri israelita xek'oje' chikikojol ri winaqi' cananeo, ri hitita, ri amorreo, ri ferezeo, ri heveo y ri jebuseo.

Wuj Richin ri Josúe 15:38

Dileán, Mispá, Jocteel,

Deut 7:1

Toq ri Jehová Dios xkixrukusaj-apo chupan ri ruwach'ulew, jari' toq kan chiwech xkerelesaj-el wuqu' tinamit ri janila e nima'q y janila kuchuq'a' chiwech rix, jare' ri tinamit: Ri hitita, ri gergeseo, ri amorreo, ri cananeo, ri ferezeo, ri heveo y ri jebuseo.

Deut 4:48

Re ruwach'ulew re' nitiker-el pa tinamit Aroer ri k'o chuchi' ri raqen-ya' Arnón, y napon k'a pa xaman rik'in ri juyu' Sirión ri nibix chuqa' Hermón chire;

Wuj Richin ri Q'axanri'il 13:29

Y ri keri' pa xokon chire ri Canaán, chiri' ek'o-wi ri amalecita; y ri chuwi' taq juyu', chiri' ek'o-wi ri winaqi' hitita, ri jebuseo y ri amorreo; y chunaqaj ri palou, chiri' ek'o-wi ri winaqi' cananeo y rije' chuqa' kiq'atapun ronojel ri ruwach'ulew k'a chuchi' ri raqen-ya' Jordán, xecha'.

Wuj Richin ri Josúe 11:8

Ri Jehová xerujech k'a ri winaqi' ri' pa kiq'a' ri Josué y ri achi'a'; xekich'ek y xekitzeqelibej k'a pa nimalej tinamit Sidón y k'a pa Misrefot-maim y k'a pa taq'aj richin Mispá ri k'o pa relebel-q'ij. Y xekikamisaj kan y man jun k'a xk'ase' kan.

Wuj Richin ri Josúe 11:17

Ri ruwach'ulew ri' nitiker-el pa xokon rik'in ri juyu' Halac ri nijote-el pa Seír, napon k'a pa xaman chire ri Baal-gad ri pa taq'aj richin ri juyu' Líbano, chuxe' ri juyu' Hermón. Xekich'ek k'a ri e ki-rey y xekikamisaj.

Wuj Richin ri Josúe 13:5

Y chuqa' k'a k'o na ri ruwach'ulew kichin ri aj-Guebal, y chijun ri ruwach'ulew Líbano, nitiker-el pa Baal-gad chuxe' ri juyu' Hermón y napon k'a pa relebel-q'ij rik'in ri tinamit Hamat.

2 Sam 24:7

K'ari' xe'apon pa tinamit Tiro, y xekajlaj janipe' aj-labal ek'o ri akuchi ek'o-wi-qa. Chirij ri' xebe chik y xe'apon pa taq kitinamit ri winaqi' hitita y ri cananeo, y xebe pa xokon chire ri Judá k'a pa tinamit Beerseba.

Wuj Richin ri Josúe 3:10

Y chuqa' xubij: Rik'in ri xtitz'et wakami xtiwetamaj chi ri k'aslik Dios kan k'o-wi chiqakojol roj y kan ja rija' xtelesan-el chiqawech ri winaqi' cananeo, ri hitita, ri heveo, ri ferezeo, ri gergeseo, ri amorreo y ri jebuseo.