Wuj Richin ri Josúe 1:9 - Kaqchiquel Bible

⁹ Tawak'axaj k'a ri ninbij chawe: Tatija' k'a aq'ij y kow k'a kak'oje', man taxibij-awi', ni man timayamo-qa ri awánima roma yin Jehová ri a-Dios kan xkik'oje' awik'in xabakuchi xkabe-wi, xcha' ri Dios chire ri Josué.

Wuj Richin ri Josúe 1:9 ပူးပေါင်းရင်းမြစ်များ

Wuj Richin ri Rutikeribel 28:15

Jare' ink'o awik'in y xabakuchi xkabe-wi in beneq awik'in, y xkatink'en chik pe jun bey chupan re ruwach'ulew re', man xkatinya' ta kan, k'a toq xtinben awik'in ri xinbij chawe, xcha' ri Dios chire.

Deut 20:1

Toq rix xkixbe pa labal kik'in ri etzelanel iwichin, y kan xke'itz'et chi ek'o janila kikiej y ki-carruaje e richin labal y kan janila e k'iy ri aj-labal más ke chiwech rix, man tixibij-iwi' chikiwech, roma rix man iyon ta ixk'o, kan k'o ri Jehová ri qa-Dios iwik'in, ri xojelesan-pe pan Egipto.

Wuj Richin Bix Chire ri Dios 46:7

Ri Jehová k'iytisanel richin ronojel jari' ri k'o qik'in roj. Ri nito'on qichin roj kan ja ri ru-Dios kan ri Jacob.

Wuj Richin ri Isaías 43:1

Jak'a re wakami kere' nubij ri Jehová ri k'iytisanel kichin ri e rijatzul kan ri Jacob: Yin xibanon iwichin rix israelita. Y roma ri' man tixibij-iwi' roma kan ja yin ri xikolon iwichin. Yin kan xixinwoyoj rik'in ri ibi', y roma ri' xixok wichin yin.

Wuj Richin ri Isaías 43:5

Man tixibij-iwi'; roma yin kan ink'o-wi iwik'in. Pa relebel-q'ij kan xkenk'en-pe ri iwijatzul, y ri pa qajbel-q'ij kan konojel xtinmol kichi'.

Wuj Kichin ri To'onela' 6:14

Y ri Jehová xpa'e' k'a ri akuchi nitzu'un-wi ri Gedeón y xubij chire: Wakami rik'in k'a ri awuchuq'a' ri k'o, takusaj k'a y kabiyin richin ye'akol ri awinaq pa kiq'a' ri aj-Madián. Ja yin k'a ri yitaqon-el awichin, xcha' ri Jehová chire.

2 Sam 13:28

Y ri Absalón xubij chike ri e rusamajela' chi toq xtikitz'et chi ri ránima ri Amnón kan nikikot roma ri vino; y toq rija' xtubij chi tikikamisaj, kan jari' xtikikamisaj, y man tikixibij-ki', roma ja rija' ri xbin. Y xubij chuqa' chi tikitija' kiq'ij richin nikiben, y man tikixibij-ki'.

Hechos 4:19

Jak'a ri Pedro y ri Juan xech'on-apo, y xkibij chike: Tibij k'a chiqe: ¿Achike ta kami nubij ri Dios, xa ta ja ri nibij rix ri niqaben, y man niqaben ri nubij rija'?

Deut 31:28

Wakami k'a, ke'imolo-pe re wawe' chinuwech yin ri achi'a' ri k'o kiq'ij ri ek'o chupan konojel ri tzobaj, y chuqa' ri samajela' ri e richin ri tinamit, richin keri' kan xtinq'alajirisaj k'a chuqa' chike rije' re ch'abel re'. Y ri kaj y ri ruwach'ulew kan xtikitz'et k'a ronojel re'.

Deut 1:21

Tiwetamaj k'a chi ri Jehová ri qa-Dios nujech ri ruwach'ulew chiqe, kixbiyin k'a q'anej y tichapa' y kan tibana' iwichin chire, kan achi'el ri rubin ri Jehová chike ri qati't-qamama'. Man k'a tixibij-iwi' y man kixmayamo-qa, xicha' chiwe.

Wuj Richin ri Josúe 1:10

K'ari' ri Josué xeruteq-el ri achi'a' ri e aj-raqen richin ri tinamit y xubij-el chike:

Wuj Richin ri Josúe 1:17

Roj chuqa' xkatqanimaj, achi'el xqanimaj rutzij ri Moisés pa ruwi' ronojel. Xaxe niqajo' chi ri Jehová ri qa-Dios kan ta xtik'oje' awik'in, achi'el xk'oje' rik'in ri Moisés.

Wuj Richin ri Josúe 8:1

Ri Jehová xubij chire ri Josué: Man taxibij-awi' ni man kamayamo-qa. Ke'ak'uaj konojel ri aj-labal y kixjote-el richin nichop ri tinamit Ai. Wakami yin xtinjech k'a chawe ri rey, ri ruwinaq, ri rutinamit y ronojel ri kulew.

Wuj Richin ri Josúe 10:8

Y ri Jehová xubij chire ri Josué: Man tik'en kikiy rije', roma yin xenjech yan pan iq'a'. Man jun chike rije' ri xtitikir ta xtupaba' ri' chiwech, xcha'.

2 Crón 15:7

Wakami k'a, rix kan kow k'a kixk'oje'; man kixmayamo-qa, roma ri ibanobal ri ibanon-pe kan k'o rajel-ruk'exel nuk'en-pe, xcha' ri Azarías.

Wuj Richin ri Isaías 41:10

Roma ri' man tixibij-iwi' roma yin kan ink'o iwik'in. Man timalij ik'u'x, roma ja yin ri in i-Dios. Kan xtinya' iwuchuq'a'; y chuqa' kan xkixinto'. Chuqa' kan xtinya' ri nimalej nuq'a' pan iwi'.

Wuj Richin ri Rutikeribel 39:2

Jak'a ri Jehová kan xuto-wi ri José y ronojel k'a ri nuben, kan utz k'a nel chuwech. Y rija' nisamej k'a pa rachoch ri rajaw ri k'o chiri' pan Egipto.

Wuj Richin ri Rutikeribel 39:3

Y ri rajaw kan xunabej chi ri Jehová kan k'o-wi rik'in ri José, roma ronojel ri nuben rija', ri Dios kan nuben chire chi kan utz nel chuwech.

Deut 31:23

K'ari' ri Jehová xuya' ri ruchojmilal chire ri Josué, y xubij chire: Kan kow k'a kak'oje' y tatija' aq'ij, roma ja rat k'a ri xkatukusan-apo kichin ri awinaq chupan ri ruwach'ulew ri kan nuya'on chik nutzij chi kan ninya' chike; y yin kan xkik'oje' k'a awik'in rat, xcha' ri Jehová chire.

Wuj Richin ri Josúe 1:18

Y xabachike k'a ri xtiyakatej chirij ri apixa' y man xtuben ta ri xtabij rat chire, kan xtiken k'a. Xaxe k'a niqajo' chi tatija' aq'ij y man tik'oje' xibinri'il chawech, xecha' rije'.

Wuj Richin ri Josúe 3:7

K'ari' ri Jehová xubij chire ri Josué: Chupan k'a re q'ij re', xtinchop ninnimirisaj aq'ij chikiwech konojel ri awinaq, richin chi niq'ax chikiwech chi achi'el xik'oje' rik'in ri Moisés, kan keri' chuqa' xkik'oje' awik'in rat.

Wuj Richin ri Josúe 6:27

Ri Jehová kan xk'oje' rik'in ri Josué y ronojel ri xuben kan xel k'a rutzijol chuwech chijun ruwach'ulew.

Wuj Richin ri Josúe 10:25

Y ri Josué xubij chike ri aj-raqen ri': Man tixibij-iwi' ni man timayamo-qa ri iwánima: titija' iq'ij y kow kixk'oje', roma keri' xtuben ri Jehová chike konojel ri e etzelanel qichin ri xtibebana' oyowal kik'in, xcha'.

1 Sam 10:7

Y toq ak'owisan chik ronojel re nima'q taq banobel re', tabana' k'a ronojel ri yatikir naben, roma ri Dios kan k'o awik'in.

1 Crón 28:20

Kan tatija' k'a aq'ij y kof kak'oje', man tamalij ak'u'x y man taxibij-awi' richin naben re samaj re', roma ri Jehová ri qa-Dios kan xtik'oje' awik'in. Rija' man xkaruya' ta kan, y man xkarumalij ta kan.

Wuj Richin ri Isaías 8:12

Toq k'o jun nik'uluwachitej, ri awinaq nikibij chi ja ri e etzelanel awichin yebano. Jak'a rat man tach'ob keri'. Man tak'en rukiy achi'el kik'amon rukiy rije'.

Dn 10:19

Y xubij k'a chuwe: Rat ri kan utz at tz'eton roma ri Dios, man taxibij-awi'. Ja ri uxlanibel-k'u'x tik'oje' awik'in. Tatija' aq'ij y man kamayamo-qa, xcha' chuwe. Rokik najin nich'on wik'in, xk'oje' chik jun bey wuchuq'a', y xinbij chire chi tich'on k'a wik'in, roma kan xuya' yan wuchuq'a'.

Wuj Richin ri Hageo 2:4

Ri Jehová nubij chiwe rix Zorobabel y ri Josué chi tik'oje' iwuchuq'a'. Y rix winaqi' tikuqer ik'u'x y kixsamej, roma rija' kan nik'oje' iwik'in. Ri Jehová ri k'o ronojel uchuq'a' pa ruq'a' rusujun ronojel re'.

Wuj Richin ri Hageo 2:5

Y re' xusuj chuqa' chike ri qati't-qamama', toq xe'el-pe pan Egipto. Ri Dios nubij chuqa' chi rija' kan k'o pan inik'ajal rix. Roma ri' man nixibij-iwi'.