Wuj Richin ri Josúe 1:8 - Kaqchiquel Bible

⁸ Man jun bey k'a katane' chubixik ri pixa' kichin konojel winaqi' ri tz'ibatel kan chupan re wuj re', xa kan chi paq'ij, chi chi'aq'a' taquqa-rij richin nayek pan awánima ri tz'ibatel kan chupan ri wuj, y keri' kan utz k'a xkabe chupan ri abey y ronojel k'a ri xtaben kan utz k'a xtel chawech.

Wuj Richin ri Josúe 1:8 ပူးပေါင်းရင်းမြစ်များ

Wuj Richin Bix Chire ri Dios 119:15

Jantape' k'a xkiququt pa ruwi' ri apixa': Jantape' k'a xtinch'ob rij.

Wuj Richin Bix Chire ri Dios 19:14

Jehová kan ta k'a xtak'awomaj ri ch'abel ri ye'el pa nuchi' y ri ninch'ob pa wánima; xtapon ta chawech rat nimalej Jehová ri at nutobal y nukolonel yin.

Colosenses 3:16

Kan nik'atzin k'a chuqa' chi ri qánima nojineq ta rik'in ri ruch'abel ri Cristo. Kan rik'in ronojel etamabel tiqatijola-qi' chiqachibil-qi'. Y tiqabixaj rubi' ri ajaw roma ri matioxinik ri k'o pa taq qánima.

Wuj Richin Etamabel-Tzij 3:1

Rat walk'ual, man k'a tamestaj ri tijonik ri nuya'on chawe, xa kan tayaka' pan awánima ri nuchilaben chawe chi naben,

Deut 29:9

Kan titaqej k'a ri ruchojmilal y kan tibana' ri achike ri nubij, richin keri' kan ronojel k'a utz xtel chiwech ri xtiben.

San Juan 14:21

Ri kan k'o ri nuch'abel pa ránima y kan yerutaqej ronojel ri pixa' ri yenbij, kan yirajo-wi. Y ri kan najowan wichin yin, kan xtajowex k'a roma ri nata', y yin chuqa' kan xtinwajo' y xtinq'alajirisaj-wi chuwech, xcha'.

San Lucas 11:28

Jak'a ri Jesús xubij: Kan más k'a jebel ruwa-kiq'ij ri ye'ak'axan ri ruch'abel ri Dios y kan nikiben ronojel ri nubij, xcha'.

San Mateo 7:24

Y xabachike k'a wineq ri nak'axan y nuben ri ch'abel ri ninbij, yin xtinjunamaj k'a rik'in jun nowineq achin ri xupaba' jun rachoch pa ruwi' abej.

Wuj Richin Bix Chire ri Dios 119:11

Kan nuyakon k'a pa wánima ri ach'abel, richin chi man yimakun ta chawech.

Wuj Richin Bix Chire ri Dios 119:97

Yin kan janila ninwajo' ri apixa', kan jari' ri ninquqa' rij chijun q'ij.

San Mateo 7:21

Man konojel ta k'a ri winaqi' ri yebin chuwe ¡Wajaw! ¡Wajaw! ri xke'ok chupan ri aj-chikajil ajawaren. Roma xa kan xaxe ri winaqi', ri rik'in ronojel kánima nikiben ri rurayibel ri nata' ri k'o chila' chikaj, ri xke'ok chupan ri ajawaren ri'.

San Juan 13:17

Rix kan xiwetamaj k'a kan ronojel re'. Y kan jebel k'a ruwa-iq'ij wi keri' xtiben.

Wuj Richin ri Josúe 1:7

Xaxe ninnataj chawe chi kow k'a kak'oje' y man taxibij-awi' y kan tataqej k'a ronojel ri pixa' kichin konojel winaqi' ri xuq'et kan ri nusamajel Moisés pan iwi', man k'a tajech'ej kan awi' chire re pixa' re' ni ta pan awijkiq'a' ni ta pan awajxokon richin k'a keri' ronojel ri xtaben kan utz k'a xtel chawech.

Deut 30:14

Man keri' ta, roma ri ch'abel kan naqaj chiqe roj k'o-wi, kan qetaman chik y k'o chik pa taq qánima richin niqataqej.

Deut 5:29

K'ate' ta kere' k'o pa taq kánima ronojel mul, kan nikiya' ta nuq'ij y chuqa' kan nikitaqej ta ronojel ri nupixa', richin keri' rije' y ri kalk'ual kan jantape' ta utz xtel ronojel chikiwech.

Wuj Richin Bix Chire ri Dios 119:99

Yin kan más k'a q'axineq chinuwech, ke chikiwech ri yetijon wichin. Re' kan roma k'a jantape' ninch'ob rij.

Wuj Richin ri Isaías 59:21

Pa ruwi' ronojel re' ri Jehová xubij: Yin kan xtinben jun jikibel-tzij iwik'in, chi ri nu-Espíritu kan man xtel ta chik iwik'in rix, y ri nutijonik ri ik'ulun, kan man xtimestaj ta kan, y ni ta kik'in ri iwijatzul richin tibe-q'ij tibe-seq, xcha'.

Deut 5:32

Roma ri' kan tibana' k'a ronojel ri rubin ri Jehová ri qa-Dios; y man tijel rubanik.

Efesios 4:29

Man tibila' itzel taq tzij. Xaxe k'a ri utz y ri nik'atzin tibij, richin keri' re ch'abel re' nukuquba' kik'u'x ri ek'o pa bis, y k'o utzil nuk'en-pe chike.

San Mateo 12:35

Jun utzilej wineq kan chukojol k'a ri utzilej beyomel ri k'o pa ránima yerelesaj-pe ri yerubij. Jak'a ri wineq ri man utz ta, kan chukojol k'a ri itzel ri k'o pa ránima yerelesaj-pe ri yerubij.

Wuj Richin Bix Chire ri Dios 40:10

Kan man xinya' ta kan re' xaxe ta wichin yin, jak'a xinwelesaj rutzijol chi rat yojakol y man yojamalij ta kan. Man jun bey k'a xinwewaj chikiwech ri winaqi' ri qitzijri'il y ri awajowabal ri man k'isel ta.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

Apocalipsis 22:14

Kan jebel ruwa-kiq'ij ri nich'ajch'ojirisex kik'aslen; richin k'o kiq'a' chire ri ruwech ri che' ri niya'on k'aslen, y richin yetikir ye'ok chupan ri okibel ri e richin ri tinamit.

Wuj Richin ri Rutikeribel 24:63

Toq xqaq'ij yan qa, rija' xbebiyaj juba' pa juyu', jari' toq xerutz'et ri camello e peteneq.

Deut 31:24

Toq ri Moisés xuk'is k'a rutz'ibaxik chuwech jun wuj ronojel ri ch'abel richin ri pixa',

Wuj Richin ri Josúe 8:34

Chiri' ri Josué xuben chi xsik'ix ronojel ri ch'abel richin ri pixa', y chuqa' ri urtisanik y ri etzelanik, achi'el tz'ibatel kan chupan ri wuj richin ri pixa' kichin konojel winaqi'.

Deut 5:1

Ri Moisés xerumol k'a konojel ri ruwinaq e richin ri rutinamit Israel y xuq'alajirisaj k'a chike y xubij: Tiwak'axaj rix nuwinaq, ri pixa' ri ninya' chiwe wakami; kan tiwetamaj k'a jebel y kan tibana' k'a.

Deut 29:8

Y xqak'en kan ri kiruwach'ulew y xqaya' chike ri tzobaj richin ri Rubén, richin ri Gad y chike ri nik'aj tzobaj richin ri Manasés richin xkichinaj.

2 Crón 26:5

Rokik k'es ri Zacarías ri rutijonel, ri Ozías kan xuya' ruq'ij ri Jehová, y roma ri' ri Jehová kan xuben chire chi utz xel chuwech ronojel.