Wuj Richin ri Josúe 1:5 - Kaqchiquel Bible

⁵ Man jun k'a xtitikir chawij chupan ronojel q'ij chire ri ak'aslen, achi'el xik'oje' rik'in ri Moisés, kan keri' chuqa' xkik'oje' awik'in rat, man xkatinya' ta kan y man xkatinmalij ta kan.

Wuj Richin ri Josúe 1:5 ပူးပေါင်းရင်းမြစ်များ

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

Wuj Richin ri Josúe 1:9

Tawak'axaj k'a ri ninbij chawe: Tatija' k'a aq'ij y kow k'a kak'oje', man taxibij-awi', ni man timayamo-qa ri awánima roma yin Jehová ri a-Dios kan xkik'oje' awik'in xabakuchi xkabe-wi, xcha' ri Dios chire ri Josué.

Deut 20:4

Roma ri Jehová ri qa-Dios ri k'o iwik'in rix, ja rija' ri xtibebanon oyowal kik'in ri e etzelanel qichin y kan xtuya' ri ch'akonik chiwe, xticha' ri sacerdote.

2 Timoteo 4:17

Ri Dios xa kan xiruto-wi yin. Xuya' wuchuq'a' richin xintzijoj ri ruch'abel ri Dios chike ri winaqi' ri man e judío ta. Y keri' xikolotej-pe chuwech ri kamik.

Wuj Richin Bix Chire ri Dios 46:11

Ri Jehová k'iytisanel richin ronojel, jari' ri k'o qik'in roj. Ri nito'on qichin roj, kan ja ri ru-Dios kan ri Jacob.

Hebreos 13:5

Man tibe iwánima chirij ri méro, xa kan kixkikot rik'in ri k'o iwik'in. Roma ri Dios rubin: Kan beneq-ruwech ink'o iwik'in y man jun bey xkixinmalij kan, nicha'.

Wuj Richin ri Josúe 3:7

K'ari' ri Jehová xubij chire ri Josué: Chupan k'a re q'ij re', xtinchop ninnimirisaj aq'ij chikiwech konojel ri awinaq, richin chi niq'ax chikiwech chi achi'el xik'oje' rik'in ri Moisés, kan keri' chuqa' xkik'oje' awik'in rat.

Ex 3:12

Y ri Dios xubij chire: Kabiyin, roma yin kan xkik'oje' awik'in, y ja retal re' ninya' chawe chi kan ja yin ri yitaqon awichin, chi toq xke'awelesaj-pe pan Egipto, jari' toq rix xkinisamajij pa ruwi' re juyu' re', xcha' ri Dios chire.

Romanos 8:37

Jak'a chupan ronojel ruwech tijoj-poqonal, roj kan yojch'akon-wi chire ronojel roma ri Cristo ri kan yojrajo'.

Wuj Richin ri Josúe 1:17

Roj chuqa' xkatqanimaj, achi'el xqanimaj rutzij ri Moisés pa ruwi' ronojel. Xaxe niqajo' chi ri Jehová ri qa-Dios kan ta xtik'oje' awik'in, achi'el xk'oje' rik'in ri Moisés.

Deut 7:24

Y xkerujech ri ki-rey pan iq'a' y xkek'oje' chuxe' itzij rix, y rix xtiben chike chi ni jun chike rije' xtinatex ri rubi' chuwech re ruwach'ulew. Y man jun chike rije' xtupaba' ta ri' chiwech rix y kan xke'ik'is.

Wuj Richin ri Josúe 6:27

Ri Jehová kan xk'oje' rik'in ri Josué y ronojel ri xuben kan xel k'a rutzijol chuwech chijun ruwach'ulew.

Deut 31:23

K'ari' ri Jehová xuya' ri ruchojmilal chire ri Josué, y xubij chire: Kan kow k'a kak'oje' y tatija' aq'ij, roma ja rat k'a ri xkatukusan-apo kichin ri awinaq chupan ri ruwach'ulew ri kan nuya'on chik nutzij chi kan ninya' chike; y yin kan xkik'oje' k'a awik'in rat, xcha' ri Jehová chire.

Deut 4:31

man xkixrumalij ta kan, ni man xkixruk'is ta el chuwech re ruwach'ulew, ni chuqa' man xtumestaj ta ri jikibel-tzij ri xuben kik'in ri qati't-qamama', roma rija' kan jun Dios joyowanel.

Wuj Richin ri Josúe 10:8

Y ri Jehová xubij chire ri Josué: Man tik'en kikiy rije', roma yin xenjech yan pan iq'a'. Man jun chike rije' ri xtitikir ta xtupaba' ri' chiwech, xcha'.

Wuj Kichin ri To'onela' 2:18

Ri Jehová kan xujoyowala' k'a kiwech ri winaqi' toq rije' xesik'in roma janila k'iy bey xetz'ilox, y roma ri' xeruya' ri to'onela' chikikojol. Y ri Jehová kan xeruto' k'a ri to'onela', y rokik xek'ase-el rije', ri winaqi' kan xekolotej-wi pa kiq'a' ri eleq'oma'.

Wuj Kichin ri To'onela' 6:16

Ri Jehová xubij chire: Yin kan xkik'oje' awik'in, y rat kan xkach'akon chikij ri aj-Madián, achi'el xa ta xaxe rik'in jun achin ri naben-wi oyowal, xcha'.

1 Sam 10:7

Y toq ak'owisan chik ronojel re nima'q taq banobel re', tabana' k'a ronojel ri yatikir naben, roma ri Dios kan k'o awik'in.

1 Rey 1:37

Achi'el xk'oje' ri Jehová awik'in rat, keri' ta chuqa' xtibek'oje' rik'in ri Salomón, y kan xtunimirisaj ta k'a ri rajawaren, y más ta xtinimer chuwech ri awajawaren, rat nu-rey David, xcha'.

1 Rey 6:13

Y kan xkik'ase' k'a chi'ikojol rix nuwinaq Israel chupan re jay re', y kan man xkixinmalij ta kan, xcha'.

1 Rey 8:57

Kan ta xtik'oje' qik'in ri Jehová ri qa-Dios, achi'el xk'oje' kik'in ri qate-qatata' y man ta xqojrumalij ni man ta xqojruya' kan.

1 Rey 11:38

Y wi xtanimaj ronojel ri xtubij chawe, y wi xtatzeqelibej ri rubey y utz xtaben chuwech rija', y wi xtataqej ronojel ri rupixa'; wi keri', ri Jehová kan xtik'oje' awik'in y kan xkerujikiba' k'a ri aj pan awachoch chupan ri q'atbel-tzij achi'el xuben chire ri rijatzul ri David, y xtujech k'a ri tinamit Israel pan aq'a'.

1 Crón 28:20

Kan tatija' k'a aq'ij y kof kak'oje', man tamalij ak'u'x y man taxibij-awi' richin naben re samaj re', roma ri Jehová ri qa-Dios kan xtik'oje' awik'in. Rija' man xkaruya' ta kan, y man xkarumalij ta kan.

Wuj Richin ri Isaías 42:16

Jak'a kan xkenq'axaj pa jun utzilej bey konojel ri e moyi', pa jun bey ri kan man jun bey xketamaj. Kan chikiwech rije' yin xtinben saqil chire ri q'equ'm. Y kan xtintaq'ajuj k'a ri xotoxeq taq bey. Ronojel ri xinbij, kan xtinben.

Wuj Richin ri Jeremías 1:8

Man taxibij-awi' chikiwech ri winaqi' ri', roma yin kan xkik'oje' awik'in richin xkatinchajij, ja yin Jehová ri yibin y ninya' nutzij chawe, xcha'.

Dn 11:16

Ri rey richin Siria kan xtuben k'a ri xtiqa' chuwech rija', y kan man jun k'a ri xtupaba' ta ri' chuwech. Chuqa' xtik'oje' k'a kan chupan ri aruwach'ulew Israel, y kan ronojel k'a xtuk'is rik'in ri ruchuq'a'.

Wuj Richin ri Rutikeribel 39:2

Jak'a ri Jehová kan xuto-wi ri José y ronojel k'a ri nuben, kan utz k'a nel chuwech. Y rija' nisamej k'a pa rachoch ri rajaw ri k'o chiri' pan Egipto.

Deut 20:1

Toq rix xkixbe pa labal kik'in ri etzelanel iwichin, y kan xke'itz'et chi ek'o janila kikiej y ki-carruaje e richin labal y kan janila e k'iy ri aj-labal más ke chiwech rix, man tixibij-iwi' chikiwech, roma rix man iyon ta ixk'o, kan k'o ri Jehová ri qa-Dios iwik'in, ri xojelesan-pe pan Egipto.

Wuj Richin ri Josúe 21:44

Y man jun k'a chike ri etzelanel kichin ri xupaba' ta ri' chikiwech rije', roma ri Jehová kan xerujech pa kiq'a'. Y keri' kan xuya' k'a uxlanenri'il ri chiri' pa kiruwach'ulew, achi'el ri ya'on-tzij ri rubanon kik'in ri kite-kitata'.