Wuj Richin ri Josúe 1:4 - Kaqchiquel Bible

⁴ Ri iruwach'ulew nitiker-pe chuchi' ri tz'iran ruwach'ulew ri k'o pa xokon y napon k'a chuchi' ri juyu' Líbano ri k'o pa xaman, y nuchop chik pe chuchi' ri nimalej raqen-ya' Éufrates ri k'o pa relebel-q'ij y chijun kiruwach'ulew ri e rijatzul kan ri Het y napon k'a chuchi' ri palou akuchi niqaqa-wi ri q'ij; ja ronojel re' ri ruchi' ri ruwach'ulew ri xtok iwichin.

Wuj Richin ri Josúe 1:4 ပူးပေါင်းရင်းမြစ်များ

Ex 23:31

Yin kan ninya' yan k'a chiwe ri k'ulba't richin re ruwach'ulew re ninya' chiwe. Nuchop-el rik'in re Kaqa-Palou, nijote-el ronojel ri ruchi' ri palou, nitzale' k'a akuchi k'o-wi ri raqen-ya' Éufrates y k'ari' nitzale' pa rajxokon chupan ri tz'iran ruwach'ulew y nik'ulun k'a akuchi k'o-wi ri Kaqa-Palou. Konojel k'a winaqi' richin re ruwach'ulew re' xkenjech pan iq'a' y rix xke'iwelesaj k'a el chupan ri kiruwach'ulew.

Deut 11:24

Ronojel ri ruwach'ulew ri akuchi xkixq'ax-wi jari' xtok iwichin, nitiker-pe pa xokon chire ri tz'iran ruwach'ulew y napon k'a pa Líbano, y nitiker-pe pa relebel-q'ij chire ri raqen-ya' Éufrates y napon k'a chuchi' ri palou.

Deut 3:25

Roma ri' nink'utuj jun nimalej utzil chawe richin chi naya' ta q'ij chuwe richin yiq'ax la juk'an chik chire ri raqen-ya' Jordán, roma yin ninwajo' nintz'et ri utzilej ruwach'ulew, y nintz'et ta ri jebelej taq juyu' richin ri Líbano, keri' xinbij.

Deut 1:7

Kixk'olon k'a el y tichapa' chik k'a el bey y kixbiyin pa li'an ruwi' taq juyu' pa kiruwach'ulew ri winaqi' amorreo y ri winaqi' ri ek'o chikinaqaj. Chuqa' pa ruwach'ulew Arabá y ri ruwa taq juyu' y chupan ri taq'aj ri k'o kojol juyu', pa Négueb, y ri ruwach'ulew ri ek'o chuchi' ri palou y k'a rik'in ri kiruwach'ulew ri cananeo, ri Líbano y k'a rik'in ri raqen-ya' Éufrates.

1 Crón 18:3

Ri David xuch'ek chuqa' ri rey Hadad-ézer richin ri ruwach'ulew Sobá, ri k'o pa xaman chunaqaj ri tinamit Hamat. Re' xbanatej toq ri Hadad-ézer beneq richin yeberuch'aka' ri ruwach'ulew ri k'o chuchi' ri raqen-ya' Éufrates.

1 Crón 5:9

Ri ruk'ulba't napon pa relebel-q'ij y k'a pa tz'iran ruwach'ulew ri k'o-pe chuwech ri raqen-ya' Éufrates, roma xk'iyer k'a ri kawej chiri' pa ruwach'ulew Galaad.

Apocalipsis 9:14

y xubij k'a chire ri ángel ri': Ke'asolo' ri kaji' ángel ri e ximil kan chuchi' ri nimalej raqen-ya' Éufrates, xcha'.

1 Rey 4:21

Ri ruwach'ulew ri k'o pa ruq'a' ri rey Salomón nitiker k'a pe pa relebel-q'ij chuchi' ri raqen-ya' Éufrates y napon k'a pa qajbel-q'ij rik'in ri kiruwach'ulew ri aj-Filistea, y ri pa xokon, k'a rik'in ri ruwach'ulew Egipto. Y konojel ri winaqi' richin re ruwach'ulew re' kan xkiya' kan ri k'o chi nikitoj chire ri Salomón, y chuqa' kan xkilij rija' chijun ruk'aslen.

Wuj Richin ri Esdras 4:20

Y kan xek'oje' rey pa Jerusalem, ri kan janila kiq'ij, ri xek'oje' pa ruwi' ri ruwach'ulew ri k'o pa qajbel-q'ij chire ri raqen-ya' Éufrates. Y chike k'a rije' xtoj-wi ri méro ri kan k'o chi nitoj chire ri rey: Ri nitoj roma ulew, ri jay y ri nitoj roma ri k'ayij.

1 Rey 10:29

Toq rije' nikiloq' jun carruaje ri nipe pan Egipto, nikiloq'-pe chi 600 raqen saqipueq, y jun kiej nikiloq'-pe chi 150 raqen saqipueq. Y re' yekiteq chik el richin yekik'ayij chike ri rey hitita y ri aj-Siria.