Wuj Richin ri Josúe 1:1 - Kaqchiquel Bible

¹ Kere' k'a xbanatej chirij ri rukamik ri Moisés: K'o k'a jun achin rubini'an Josué ruk'ajol kan ri Nun y ri achin ri' ja rija' ri to'onel richin ri Moisés ri rusamajel ri Jehová; y toq kamineq chik el ri Moisés, ri Jehová xubij chire ri Josué:

Wuj Richin ri Josúe 1:1 ပူးပေါင်းရင်းမြစ်များ

Deut 34:9

Y chirij re' ri Josué kan xuk'ul ri espíritu richin na'oj, roma ri Moisés kan ruya'on kan ri ruq'a' pa ruwi'. Keri' ri israelita kan xkinimaj rutzij y xkitaqej ronojel ri rubin kan ri Jehová chire ri Moisés.

Deut 31:23

K'ari' ri Jehová xuya' ri ruchojmilal chire ri Josué, y xubij chire: Kan kow k'a kak'oje' y tatija' aq'ij, roma ja rat k'a ri xkatukusan-apo kichin ri awinaq chupan ri ruwach'ulew ri kan nuya'on chik nutzij chi kan ninya' chike; y yin kan xkik'oje' k'a awik'in rat, xcha' ri Jehová chire.

Deut 31:3

Kan ja rija' ri xtinabeyej-el chiwech richin yixq'ax-apo y kan chiwech k'a rix xkeruk'is-el ri winaqi' ri ek'o chupan ri ruwach'ulew ri', richin xtok iwichin rix. Chuqa' ri Josué xtok uk'uey iwichin richin yixq'ax-apo, achi'el rubin ri Jehová.

Deut 1:38

Chuqa' xubij: Jak'a ri ato'onel Josué, ri xtok-apo chupan ri ruwach'ulew ri' pan ak'exel rat. Tabij chire chi tutija' ruq'ij, roma ja rija' ri xtich'aron ri ruwach'ulew chikiwech ri ch'aqa' chik israelita.

Ex 24:13

Y ri Moisés jari' k'a nibe-el pa ruwi' ri juyu' rachibilan-el ri Josué ri ruto'onel.

Romanos 1:1

Yin Pablo, rusamajel ri Jesucristo. Ri Dios ri xiroyoj richin xinok jun taqon roma ri Cristo, y xiruch'er richin nintzijoj ri utzilej ch'abel ri nik'amon-pe kolotajik,

Hechos 7:45

Ja rachoch ri Dios ri' ri kik'amon-pe ri qati't-qamama' toq xe'ok-pe chupan re ruwach'ulew re', toq e k'amon-pe roma ri Josué. Xek'oje' k'a qa wawe', toq kichapon chik yekich'ek ri winaqi' ri ek'o chupan re ruwach'ulew re'. Kan jak'a ri Dios xto'on kichin. Y ri rachoch ri Dios ri kik'amon-pe toq xe'oqaqa, kan jari' ri k'a k'o na pa ruq'ijul ri David.

Deut 34:5

Y keri' ri Moisés, ri rusamajel ri Jehová, xken pa ruwach'ulew Moab, kan achi'el rubin ri Jehová chire.

2 Rey 3:11

Jak'a ri Josafat xubij: ¿Maneq kami wawe' jun q'alajirisey ruch'abel ri Jehová, richin niqak'ulubej, y ja rija' ri xtiq'axan ri qatzij?, xcha'. Y jun k'a chike ri aj-raqen rik'in ri Joram xubij chi chiri' k'o ri Eliseo, ruk'ajol ri Savat, ri xto'on richin ri Elías.

1 Rey 19:16

Y chuqa' naqasaj aceite pa ruwi' ri jun achin rubini'an Jehú rumam ri Nimsí richin nok kan rey pa ruwi' ri Israel. Y ri jun achin rubini'an Eliseo ruk'ajol ri Safat aj-Abel-meholá, xtaqasaj aceite pa ruwi' richin nok kan q'alajirisey nuch'abel pan ak'exel rat.

Wuj Richin ri Josúe 12:6

Keri' ri Moisés ri rusamajel ri Jehová, y ri tinamit Israel xekich'ek ri e ka'i' rey ri'. Y ri Moisés xujech re ruwach'ulew re' chike ri tzobaj richin ri Rubén, richin ri Gad y ri nik'aj tzobaj richin ri Manasés, richin xok kichin richin q'asen.

Deut 33:1

Toq k'a man jani tijote-el ri Moisés pa ruwi' ri juyu', jari' toq xrurtisaj kan ri tinamit Israel. Y jare' k'a ri urtisanik ri xuya' kan pa kiwi':

Wuj Richin ri Q'axanri'il 13:16

Jare' ri bi'aj kichin ri achi'a' ri xeruteq-el ri Moisés, richin nibekinachaj ri ruwach'ulew; y ri Oseas, ri ruk'ajol ri Nun, xya'ox chik jun rubi' roma ri Moisés y xubini'aj Josué.

Wuj Richin ri Q'axanri'il 13:8

ri Oseas, ri ruk'ajol ri Nun, richin ri tzobaj richin ri Efraín;

Wuj Richin ri Q'axanri'il 12:7

Jak'a rik'in ri nusamajel Moisés, man ninben ta keri', roma rija' kan nuben ronojel ri ninbij chire.

Wuj Richin ri Q'axanri'il 11:28

Y ri Josué ri ruk'ajol ri Nun, kan k'a ala' na k'a toq ruchapon-pe nuto' ri Moisés; y xch'on k'a rik'in y xubij chire: ¡Moisés wajaw yin, ke'aq'ata' ri achi'a' ri' richin chi man nikiben ta chik keri'!, xcha'.

Apocalipsis 1:18

Ja yin ri kan in k'es, kan xiken na wi jak'a re wakami k'o nuk'aslen richin tibe-q'ij tibe-seq. Y k'o chuqa' q'atbel-tzij pa nuq'a' pa ruwi' ri kamik y pa ruwi' ri akuchi ek'o-wi ri kaminaqi'.

Santiago 1:1

Yin Santiago, jun rusamajel ri Dios y ri ajaw Jesucristo, ninben-el re wuj re' chiwe rix ri ix nuwinaq judío ri ix talutajineq chuwech re ruwach'ulew, tik'ulu' k'a re rutzil-iwech re ninteq-el.

Tito 1:1

Yin Pablo, jun rusamajel ri Dios y jun taqon roma ri Jesucristo. Ri Dios xiruteq chikito'ik ri e cha'on roma rija', richin nikikuquba' más kik'u'x rik'in y niketamaj ta jebel ri qitzij, ri yojruk'uaj chupan ri utzilej k'aslen ri nrajo' ri Dios.

San Lucas 16:10

Jun ri kan utz nuben rik'in ri xa maneq rejqalen, kan utz k'a chuqa' xtuben rik'in ri kan janila rejqalen. Jak'a ri xa man choj ta nuben rik'in ri xa maneq más rejqalen, xa keri' chuqa' xtuben rik'in ri kan k'o-wi rejqalen.

Deut 34:12

ni man jun nijunamex ta rik'in roma ri uchuq'a' ri xk'oje' rik'in, y ri nima'q taq banobel ri kan nak'en rukiy ri xuben chuwech chijun ruwach'ulew Israel.

Wuj Richin ri Josúe 1:2

Rat xatz'et chi ri nusamajel Moisés xken-el. Wakami k'a, rat xkayuqen richin ri atinamit Israel, xke'aq'axaj k'a apo chupan ri raqen-ya' rubini'an Jordán, richin chi ninya' ri ulew chiwe rix.

Wuj Richin ri Josúe 1:15

Rix kan xqojito', k'a toq ri Jehová xtuya' na chiqe ri ulew richin xtiqichinaj achi'el ri xuya' yan chiwe rix; y k'ari' xkixtzolin-pe chupan re ruwach'ulew re' re iwichinan kan rix, re ruya'on kan ri Moisés ri rusamajel ri Jehová chiwe, re k'o pe kere' pa relebel-q'ij chire re Jordán, xcha' ri Josué.

Wuj Richin ri Nehemías 8:17

Y qonojel ri xojtzolin-pe pa Babilonia xqaben ri taq qachoch rik'in ruq'a-che', y chiri' xojk'oje-wi. Y kan janila k'a xojkikot roma xqaben rik'in ronojel qak'u'x, roma kan pa ruq'ijul kan ri Josué ruk'ajol ri Nun, ri qawinaq man jun bey kibanon-pe re nimaq'ij re'.