Wuj Richin ri Jeremías 9:2 - Kaqchiquel Bible

² Jebel ta ri' xa ta k'o akuchi yik'oje-wi chiri' pa tz'iran ruwach'ulew richin chi yibe nej chire ri nutinamit, roma konojel xa man ja ta ri utz xkiben chuwech ri Jehová y xa ja ri ruche'el-kij ri xkiya' kan chuwech, xicha' yin.

Wuj Richin ri Jeremías 9:2 ပူးပေါင်းရင်းမြစ်များ

Wuj Richin ri Jeremías 23:10

Chijun ri ruwach'ulew kan e nojineq rik'in ri e q'alajirisanela' ri', wineq ri kan xaxe ri etzelal ri nikiben. Y koma rije', ri ruwach'ulew kan xchaqi'j-qa y ri soq'olbel ri ek'o pa tz'iran ruwach'ulew chuqa' xechaqi'j-qa. Man rik'in ri' kan man nikiben ta pa ruchojmilal y nikikusaj ri kuchuq'a' man pa ruchojmilal ta.

Os 4:2

Ri Dios nubij: Xa kan ruyon k'a tz'ukuj taq tzij k'o chikikojol, xaxe yekamisan, ye'eleq', nikibanala' ixoqinik y ch'aqa' chik itzel taq banobel. Kan jantape' k'a chi kamik nibanatej chupan ri ruwach'ulew Israel.

Os 7:4

Konojel rije' xa e q'olonela' y man qitzij ta ri nikibij, ri ketzelal kan nik'a'on achi'el ri q'aq' chupan ri horno ri man nik'atzin ta chi nixupux. Keri' nik'oje' ri q'aq', k'a ja toq ri banoy kaxlan-wey nuchop ruchojmirisaxik ri q'or ri k'o chi nukusaj k'a toq nisipoj na pe.

Wuj Richin ri Jeremías 12:6

Roma ri e awach'alal y ri e aj pan awachoch ja jun rije' xatkiq'ol. Ja jun rije' nikireq kichi' richin yech'on itzel chawij. Man takuquba' ak'u'x kik'in, stape' nikibij jebel taq ch'abel chawe, xcha' chuwe.

Wuj Richin ri Jeremías 12:1

Chirij re' xinbij chik chire ri Jehová: Toq yin yisujun chawech, rat beneq ruwech naben pa ruchojmilal. Jak'a yin wakami k'o ninwajo' ri nink'utuj chawe. ¿Achike roma jebel e beneq ri e banoy etzelal? ¿Achike roma man jun nikimey ri xaxe yekiq'ol ch'aqa' chik winaqi'?

Santiago 4:4

Rix ri ichapon chi niya' kan ri Dios, ¿man iwetaman ta k'a chi wi nibe iwánima chirij re ruwach'ulew, niq'alajin chi niwetzelaj ri Dios? Roma ri', rix ri iwojqan re ruwach'ulew, kan niq'alajin k'a chi ix etzelanel richin ri Dios.

Wuj Richin ri Malaquías 2:11

Rix tinamit Judá man xiben ta ri xijikiba' chuwech ri Jehová. Rix aj-Jerusalem xa ruyon itzel ri xiben pan Israel. Rix xa xiben chire chi man ch'ajch'oj ta ri rachoch ri Jehová roma xa xixk'ule' kik'in ixoqi' ri xa man junan ta i-dios kik'in.

Wuj Richin ri Sofonías 3:4

Ri e q'alajirisey nuch'abel xa xkinimirisaj-q'anej-ki', y xa yekiq'ol ri winaqi'. Ri e sacerdote xkiqasaj ruq'ij ri wachoch. y kan xkiq'ej ruwi' ri nupixa', ja yin Jehová ri yibin.

Os 6:7

Jak'a rix xa kan xiben achi'el xuben ri Adán, xa xiq'ej ruwi' ri nujikibel-tzij. Kan janila k'a xixmakun chinuwech yin.

Os 5:7

Kan xemakun k'a chinuwech roma ek'o alk'ualaxela' kik'in ri xa jun chik kitata'. Roma ri' pa jun ik' xkebek'is konojel, rije' y ri kiruwach'ulew.

Wuj Richin ri Jeremías 5:11

Xtinben ronojel re' roma rix aj-Israel y aj-Judá xa xixyakatej chuwij.

Wuj Richin ri Jeremías 13:22

Y wi xtik'utuj-qa achike roma kere' xik'uluwachij y kan xiya' ik'ix roma xixch'anabex y kan xkiqasaj iq'ij rik'in uchuq'a', xa roma ri nimalej taq imak.

Wuj Richin ri Miqueas 6:12

Rix beyoma' rik'in iwuchuq'a' nichop ri niwajo' rix. Rix xaxe tz'ukuj-tzij ri nibij, y kan xaxe k'a ri q'oloj ri niben.

Wuj Richin ri Malaquías 2:14

¿Achike k'a roma ri Jehová man nuk'awomaj ta ri isipanik? Roma rija' kan rutz'eton chi rix xa xiq'ej ruwi' ri jikibel-tzij ri xiben kik'in ri iwixjayilal ri xixk'ule' kik'in toq rix k'a ix alaboni' na. Xibij chi kan xe'ok ta iwachibil richin chijun ik'aslen. Kan chuwech ri Dios xiya' itzij chike chi kan ye'iwajo' richin q'asen.

Wuj Kichin ri To'onela' 2:10

Chuqa' xeken k'a ri sol winaqi' ri xek'ase' toq k'a k'es na ri Josué. Y keri' ri jun chik sol winaqi' ri xek'oje' kan chikij rije' man ketaman ta k'a ruwech ri Jehová, ni ri nima'q taq banobel ri xuben rik'in ri tinamit Israel.

Wuj Richin ri Isaías 59:3

Rix xa xitz'ilobisaj ri iq'a' rik'in kik' kichin winaqi' ri xa man jun kimak. Chuqa' kan itz'ilobisan ri ruwi' taq iq'a' rik'in ri itzel taq ibanobal. Rik'in ri ichi' ye'iben tz'ukun taq tzij, y rik'in ri iwaq' ye'ibij itzel taq ch'abel.

Wuj Richin ri Jeremías 4:22

Ri nuwinaq kan maneq kina'oj, man ketaman ta nuwech. Kan e alk'ualaxela' ri maneq ketamabal y kan man jun niq'ax chikiwech. Kan janila e nowineq richin nikiben etzelal, jak'a man ketaman ta nikiben ri utz.

Wuj Richin ri Jeremías 5:1

Ri Jehová nubij: Kixbiyin pa taq bey richin ri tinamit Jerusalem y titz'eta' jebel. Ke'ikanoj pa taq nima'q ruwech bey y titz'eta' wi k'o jun nuben ronojel pa ruchojmilal, jun ri nrajo' nuben xaxe ri qitzij. Wi rix niwil jun, yin xtinkuy rumak ri itinamit Jerusalem.

Wuj Richin ri Jeremías 5:2

K'o jujun nikijikiba' kitzij pa nubi' yin, jak'a xa nikibananej richin nikijikiba' kitzij, xcha'.