Wuj Richin ri Jeremías 8:9 - Kaqchiquel Bible

⁹ Jak'a rix ri ix aj-na'oj xa xtiqasex iq'ij y kan xkixk'ixbitej. Xa kan xtiben achi'el ri chikopi' ri nikiya-ki' pa jun pikbel. ¿Akuchi kami k'o-wi ri ina'oj roma xa man xik'ul ta chi utzil ri nuch'abel?

Wuj Richin ri Jeremías 8:9 ပူးပေါင်းရင်းမြစ်များ

Wuj Richin ri Jeremías 6:15

Rije' ruk'amon ta richin nik'oje' kik'ix, roma ri itzel taq kibanobal. Jak'a rije' xa maneq kik'ix. Roma ri' toq xtinya' rutojbalil-mak pa kiwi', kan xtikipajk'ij kaqen y xketzaq achi'el ri ch'aqa' chik. Yin Jehová ri yibin.

Wuj Richin ri Achin Job 5:12

Rija' nuyoj ri kinojin nikiben ri itzel taq achi'a', nuben chike chi man jun yetikir nikiben chire ri kich'obon.

Wuj Richin ri Jeremías 6:19

Ninbentaqa' k'a pe jun nimalej ruk'ayewal pa ruwi' re tinamit re' roma ri itzel taq kich'obonik. Man xkinimaj ta ri nuch'abel y xa kan xketzelaj kan ri nupixa'.

Wuj Richin ri Isaías 19:11

Chupan ri q'ij ri' ri e tata'al richin ri tinamit Soan kan xke'ok e nakaneq, roma man xketikir ta chik xtikiya' pixabanik. Konojel ri e rupixabanela' ri rey richin Egipto xa kan man xtik'oje' ta chik kina'oj. Y man xketikir ta chik xtikibij chire ri rey chi rije' e alk'ualaxela' kichin achi'a' aj-na'oj, o e tzeqelibey kichin e ojer taq rey.

Wuj Richin Bix Chire ri Dios 19:7

Ri rupixa' ri Jehová kan tz'aqet y kan nuya' k'ak'a' qak'aslen; ri ruchojmilal ri xuya' ri Jehová, kan richin q'asen y nuben chire ri maneq retamabal chi nok aj-na'oj.

Deut 4:6

Kan tik'oje' chi'ik'u'x y kan tibana', rik'in re' kan xtik'ut chikiwech konojel ri winaqi' chi k'o ina'oj y k'o iwetamabal. Rije' xtikak'axaj k'a ronojel re pixa' re' y xtikibij: Kan qitzij chi re winaqi' re' kan k'o-wi kina'oj y kan jebel niq'ax chikiwech ronojel, kan e jun nimalej ruwach'ulew, xkecha'.

2 Timoteo 3:15

Roma kan k'a at ko'ol toq xawetamaj-pe ri tz'ibatel kan chupan ri loq'olej ruch'abel ri Dios. Y ri ch'abel ri' xuya' ana'oj y xuk'ut chawech chi k'o chi xakuquba' ak'u'x rik'in ri Cristo Jesús richin xakolotej chupan ri amak.

Ez 7:26

Ri wululen kan xtipe y chirij ri' kan xtipe chik jun. Xtipe ruk'ayewal y chirij chik ri' xtipe chik jun. Rix xtikanoj jun q'alajirisey nuch'abel, jak'a man jun xtiwil. Chuqa' man xkek'oje' ta chik sacerdote richin yixkitijoj, ni man xkek'oje' ta chik achi'a' ri k'o kiq'ij richin yixkipixabaj.

Wuj Richin ri Jeremías 49:7

Ri Jehová ri k'o ronojel uchuq'a' pa ruq'a' xuya' chuwe re rutzijol re' pa ruwi' ri ruwach'ulew Edom y xubij chike: Man jun aj-na'oj xtik'oje' chiri' pan iruwach'ulew Temán.*f12* Chuqa' xtik'is ri kinojibal ri etamanela',

Wuj Richin ri Isaías 8:20

Pa ruk'exel ri', rix k'o chi nik'ut ta ri rupixa' ri Dios richin niwetamaj wi niban ta tijonik achi'el nubij ri pixa'. Y wi man keri' ta, ri Dios man ruya'on ta ri saqil kik'in ri winaqi' ri'.

2 Rey 17:15

Xa man xkitaqej ta ri pixa', y chuqa' man xkajo' ta xkitzeqelibej ri jikibel-tzij ri rubanon ri Jehová kik'in ri kite-kitata'. Pa ruk'exel ri' xa xekitzeqelibej dios ri xa man jun kejqalen, y xa kiyon rije' xkiben chi maneq kejqalen. Ri Jehová xubij chike chi kan man nikiben ta ri achi'el ri ch'aqa' chik winaqi' aj-Canaán, jak'a rije' xa xekitzeqelibej ri itzel taq banobel.

Wuj Richin ri Isaías 29:14

Roma ri' yin xtinsech chik ik'u'x jun bey, rix aj-Jerusalem. Xkenben meyel taq banobel ri man jun bey itz'eton. Y ronojel ri na'oj ri k'o kik'in ri aj-na'oj kan xtik'is, y ri etamabel ri k'o kik'in rije' chuqa' xtik'is.

Wuj Richin ri Jeremías 15:6

Rix xinimalij kan y kan ja ri ruche'el-iwij ri xiya' kan chinuwech y roma ri' yin xtinyek ri nuq'a' pan iwi' y xkixink'is. Xikos yan janila richin chaq ninjoyowaj iwech. Yin Jehová ri yibin.

Wuj Richin ri Jeremías 19:7

Re wawe' xtinwulaj-wi ri ich'obonik rix aj-Judá y aj-Jerusalem. Y xtinben chi ri e etzelanel iwichin xkixkich'ek y xkixkikamisaj chi espada. Y chuqa' ri ich'akul kan xtik'atzin richin xtok kiway ri aj-xik' taq chikopi' y ri chikopi' ri ek'o pa k'echelaj.

Am 2:4

Kere' nubij ri Jehová pa kiwi' ri aj-Judá: Ri kimak kan xik'o yan chik ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan xkixowaj ri nutijonik. Kan man xkitaqej ta ri pixa' ri xinya' chike. Xa xbe kik'u'x chikij ch'aqa' chik dios; Xekisamajij ri dios kichin ri kite-kitata'.

Wuj Richin ri Zacarías 13:4

Y xtibek'uluwachitej chi konojel ri e q'alajirisanela' xa kan xkek'ix k'a chi xtikiq'alajirisaj ri xk'utumej chikiwech, y man jun bey chik xtikikusaj sale'y retal chi e q'alajirisanela', y nikitz'uk-tzij chikiwech ri winaqi'.

Wuj Richin ri Achin Job 5:13

Rija' kan nuben k'a chike ri aj-na'oj chi yetzaq chupan ri yekinojij, y ri kinojin richin nikiben xa man nichojmir ta chikiwech.

Wuj Richin ri Isaías 43:27

Ri nabey itata' ri xk'oje' ojer kan, kan xmakun chinuwech. Chuqa' ri e aj-raqen pan iwi' xa xeyakatej chuwij.

Wuj Richin ri Jeremías 2:8

Ri e sacerdote man xkibij ta: ¿Akuchi k'o-wi ri Jehová? Ri yeya'on pixabanik richin ri tinamit man xkiya' ta chik wejqalen. Ri aj-raqen xa xeyakatej chuwij, ri e q'alajirisey nuch'abel xa xech'on pa rubi' ri Baal y kan xekitzeqelibej dios ri xa man jun kejqalen.