Wuj Richin ri Jeremías 8:2 - Kaqchiquel Bible

² Y ri baq ri' xketorix kan chuwech ri q'ij, ri ik' y ri ch'umila' ri kan janila xekajo' rije', xekisamajij, xekitzeqelibej, xekik'ulubej y xekiya' kiq'ij. Y ri baq ri' kan man jun k'a xtisik'on-el kichin richin xkemuq. Xkek'oje' kan chiri' pan ulew achi'el ri pamaj.

Wuj Richin ri Jeremías 8:2 ပူးပေါင်းရင်းမြစ်များ

2 Rey 23:5

Chuqa' xerelesaj-el ri itzel taq sacerdote ri e cha'on kan roma ri rey richin ri Judá ri xeq'ax yan. Y ri sacerdote ri' ojer kan xkiporoj pom chuwech ri Baal, y ri ek'o chuwech ri kaj, ri akuchi nikiya-wi kiq'ij ri wachibel pa ruwi' taq juyu' richin ri ruwach'ulew Judá, y ri juyu' ri ek'o-pe chunaqaj ri tinamit Jerusalem.

Hechos 7:42

Jari' k'a toq ri Dios xeruya' kan ri qawinaq, y xuya' k'a q'ij chike chi tikiya' na k'a kiq'ij kiwachibel konojel ri e tz'etel ri chikaj. Kan keri' k'a kitz'iban kan ri e eq'alajirisey ruch'abel ri Dios:*f17* Rix winaqi' aj-Israel, toq xixbiyin kawineq juna' ri pa tz'iran ruwach'ulew, ¿xe'ikamisala' kami ri chikopi' richin xe'isuj chuwe yin? Xa man xiben ta keri'.

Wuj Richin ri Jeremías 9:22

Ri Dios kan rubin k'a chiqe chi ri kaminaqi' kan xkech'otot kan, achi'el ri pamaj ri ch'ototajineq kan pa juyu'. Y ri kich'akul ri kaminaqi' kan xkepunupuxin kan achi'el ri espiga ri nitzaq kan toq niq'at ri trigo y kan man jun nisik'o-el richin, xecha'.

Deut 4:19

Y chuqa' toq yixtzu'un-q'anej chikaj y nitz'et ri q'ij, ri ik', ri ch'umila' y ronojel ri ek'o chikaj, man tipe pan iwánima richin niya' kiq'ij y kan yixok kisamajel. Roma ri Jehová Dios ruya'on ronojel re' kichin konojel ri winaqi' ri ek'o chuwech re ruwach'ulew.

Wuj Richin ri Sofonías 1:5

keri' chuqa' konojel ri nikiya' kiq'ij ri xmotza' pa ruwi' ri kachoch; chuqa' ri nikiya' nuq'ij yin rokik nikiya' ruq'ij ri ki-dios Milcom.

Ez 8:16

Y xiruk'uaj chik el pa ruwa-jay richin ri rachoch. Y ri akuchi niban-wi oken chire ri jay ri' ri chiri' chuwa-jay chunaqaj ri porobel, xentz'et jubama e juwineq wo'o' achi'a' ri kiya'on kan kij chuwech ri rachoch ri Jehová. Y yetzu'un k'a kela' pa relebel-q'ij y kilukuban-qa-ki' k'a pan ulew richin nikiya' ruq'ij ri q'ij.

Wuj Richin ri Jeremías 36:30

Roma ri' kere' ninbij pan awi' rat Joaquim: Man jun chike ri awijatzul ri xtik'oje' kan pa rutz'uyubal ri David. Y toq xkaken, ri ach'akul xtili'e' kan chuwech ri q'ij y chuwa-raxq'ab ri niqaqa chi'aq'a'.

Wuj Richin ri Jeremías 22:19

Kan man jun xtimuqun awichin, xa xkatkiqirirej-el y xkatkibek'aqa' kan chirij el ri tinamit Jerusalem, achi'el niban rik'in jun bur.

Wuj Richin ri Jeremías 19:13

Ri kachoch ri rey y ri ch'aqa' chik jay ri ek'o pa tinamit Jerusalem kan xke'ok achi'el ri Tófet, roma pa ruwi' ri iwachoch xisuj-wi pom chikiwech ri xmotza' ri ek'o chuwech ri kaj. Chuqa' roma xitix vino chikiwech ch'aqa' chik dios. Ronojel re' xke'ok man ch'ajch'oj ta achi'el ri Tófet, xkacha'.

Wuj Richin ri Jeremías 16:4

Xkeken konojel rik'in itzel taq yabil y man jun xtoq'en y man jun xtimuqun kichin. Kan xkech'otot kan pa taq bey, achi'el ri pamaj, roma ch'aqa' xkekamisex chi espada y ch'aqa' chik xkeken roma wayjal. Y ri aj-xik' taq chikopi' y ri chikopi' ri ek'o pa k'echelaj xtikitej ri kich'akul.

Wuj Richin Bix Chire ri Dios 83:10

ri xeken kan chupan ri ruwach'ulew Endor, ri xa xepunupuxin kan, y xeq'ey chiri'.

2 Rey 21:3

Ri Manasés xerupabala' chik q'anej jun bey ri akuchi nikiya-wi kiq'ij ri wachibel pa ruwi' taq juyu', ri xa kan ruwulan chik kan ri Ezequías ri rutata'. Chuqa' xuben jun porobel richin nikiya' ruq'ij ri Baal, y kan xupaba' chik q'anej ri paban-che' richin Asera, achi'el xuben ri Acab rey richin Israel. Chuqa' xuya' kiq'ij konojel ri ek'o chuwech ri kaj.

Wuj Richin ri Sofonías 1:17

Ri Jehová xkeruya' janila pa k'ayew ri winaqi', y xtuben chike chi xke'ok moy roma ri kiq'axo'n, roma kan xemakun chuwech rija'. Ri kikik'el rije' kan xtibebiyin achi'el nibiyin ri ya', y ri kixkolob kan xtel-pe jumul.

Wuj Richin ri Molojri'il 6:3

Stape' jun achin xeralk'ualaj ta e wok'al ralk'ual y kan janila xyaloj xk'ase-el, ri rujuna' kan janila k'iy ri xukochij-el. Y man xuya' ta chire ri ránima janipe' ri xurayij, y kan man xmuq ta chi utzil. Yin ninch'ob chi k'o más rejqalen ri ak'ual ri kamineq xalex ri man xril ta ruq'ijul ke chuwech ri jun achin ri'.

2 Rey 17:16

Xa xkiya' k'a kan ri pixa' richin ri Jehová ri ki-Dios, y xa xkiben k'a ruwachibel ka'i' nima-alaji' achija' taq wákix ya'erisan pa q'aq'. Chuqa' xkiben ruwachibel ri Asera, y xkiya' kiq'ij ri ch'umila', ri ik', ri q'ij y ronojel ri ek'o chuwech ri kaj, y xkisamajij k'a ri Baal.

Deut 17:3

o wi nuya' kiq'ij ri ch'aqa' chik dios y kan nixuke' chikiwech, y nuya' ruq'ij ri q'ij, ri ik', ri ch'umila' ri ek'o chikaj, ri kan rubin kan ri Jehová Dios chi man tiban keri';

Wuj Richin Bix Chire ri Dios 53:5

Akuchi ri kan man jun xibinri'il k'o, chiri' xkik'en janila xibinri'il ri winaqi'. Roma ri Dios kan xeruk'is konojel ri e yakatajineq chirij. Kan xek'ixbitej roma ri Dios kan xerixowaj.

Wuj Richin ri Jeremías 14:16

Y ri winaqi' richin ri tinamit ri achoq ik'in xkech'on-wi, xkeken chuqa' chupan ri labal y ri wayjal, keri' chuqa' xkeken ri kixjayilal y ri kalk'ual. Y ri kich'akul xtipune' kan pa taq bey richin Jerusalem y man jun achike xkemuqun kichin. Kan keri' k'a xtinben chike richin xtikitoj ri kimak.

Wuj Richin ri Jeremías 16:11

K'ari' rat Jeremías, xtabij chike chi roma ri iwati't-imama' xinkimalij kan y xebe chikij ch'aqa' chik dios richin chi nikiya' kiq'ij y xekisamajij y man xkiben ta ri nubij ri pixa'.

Wuj Richin ri Jeremías 31:40

Y xkech'ar chuwe yin ri akuchi yemuq-wi ri kaminaqi' y chuqa' akuchi nitorix-wi ri chaj ri k'o chupan ri taq'aj richin ri Cedrón. Chuqa' xkech'ar chuwe yin ri taq'aj richin Hinom k'a rik'in ri ruchi' akuchi ye'el ye'ok-wi ri kiej chiri'. Y ri winaqi' aj-Jerusalem man jun bey chik xke'elesex-el, ni ri tinamit man jun bey chik xtiwulex-el, xcha' ri Jehová.

Ez 6:5

Kan xtink'eq k'a ri kich'akul chikiwech ri wachibel ri e kibanon y ri kibaqil xtintaluj chuwech ri porobel.

Ez 29:5

Y xkatinbenk'aqa' kan pa tz'iran ruwach'ulew junan kik'in ri ker ri ek'o-el chawij. Kan xkixbeqaqa chuwech ri ulew y xa man jun k'a xkixsik'o-el. Chuqa' kan man jun xtimolon iwichin, xa kan banon chik chiwe chi xkixok kiway ri k'uxunela' taq chikopi' y ri aj-xik' taq chikopi'.

Wuj Richin Bix Chire ri Dios 83:11

Tabana' kik'in rije' achi'el xaben chike ri Oreb y ri Zeeb, tata'al kichin ri aj-Madián; achi'el xaben chike ri Zébah y Salmuná, ri e rey richin Madián,

Wuj Richin ri Jeremías 9:20

Rix ixoqi' tiwak'axaj k'a ri rutzijol ri xuya-pe ri Jehová. Tik'utu' chikiwech ri iwal xtani' richin keri' chuqa' rije' nikibixaj re jun bix re' richin bis y chikiwech chuqa' ri kachibil.

Wuj Richin ri Jeremías 9:21

Ri kamik kan xok yan apo pa taq qachoch, chuqa' xok yan apo chiri' pa taq tobel. Chuqa' ri pa taq bey; ja ri taq ak'uala' ri yeken kan y pa taq nima'q ruwech bey richin molojri'il, ja ri alaboni' ri yeken kan.

Wuj Richin ri Jeremías 16:6

Kan chi ch'uti'q chi nima'q xkeken chupan re ruwach'ulew re' y man jun xtimuqun, ni man jun xtoq'en kichin, ni man jun xtibison chikij y xtusok ta ri' o nusokaj ta ri rusumal-ruwi' retal richin bis.

Wuj Richin ri Jeremías 25:33

Kan xtinben chi chupan ri q'ij ri', ri kaminaqi' xkek'oje' kan ri juk'an ruchi' ri ruwach'ulew k'a ri juk'an chik ruchi'. Y kan man jun k'a xtoq'en kichin, ni kan man jun k'a xtisik'on ri kich'akul richin yekimuq ta. Kan xkepunupuxin k'a kan chiri' pan ulew achi'el ri pamaj.

Ez 39:5

Kan xkixpunupuxin kan choj keri' pa taq juyu'. Yin Jehová ri ink'o pa ruwi' ronojel, ri yibin.