Wuj Richin ri Jeremías 7:9 - Kaqchiquel Bible

⁹ Yixeleq', yixkamisan, ri e k'ulan taq winaqi' yekikanoj kachibil richin yemakun kik'in, niya' itzij y xa man qitzij ta yixch'on, niporoj pom chuwech ri Baal, ye'iya' kiq'ij dios ri xa man e iwetaman ta kiwech,

Wuj Richin ri Jeremías 7:9 ပူးပေါင်းရင်းမြစ်များ

Wuj Richin ri Jeremías 7:6

Man ke'iya' pa tijoj-poqonal ri man e iwinaq ta, ni ri meba'i', ni ri malkani'. Man ke'ikamisaj winaqi' ri xa maneq kimak. Man ke'iya' kiq'ij ch'aqa' chik dios, ri xa nuk'en-pe ruk'ayewal pan iwi'.

Ex 20:3

Man tiben chi kan ek'o ch'aqa' chik dios, roma xaxe yin ri qitzij Dios.

Wuj Richin ri Jeremías 11:17

Yin Jehová ri k'iytisanel richin ronojel, ninbij chi stape' yin ri xijikiban iwichin, xtoqaqa ruk'ayewal pan iwi', roma k'iy ruwech etzelal ibanon chi'iwonojel rix y kan iyakon woyowal roma nisuj pom chuwech ri Baal.

Wuj Richin ri Jeremías 11:13

Kan e janila k'a i-dios ek'o, kan achi'el ri rajlabal ri itinamit. Y kan e janila k'a porobel-pom ri xe'ipabala-q'anej richin chi niporoj pom chire ri Baal, achi'el ri rajlabal ri bey ri ek'o chiri' pa Jerusalem.

Apocalipsis 22:15

Jak'a ri itzel kik'aslen, man xke'ok ta chupan ri tinamit. Keri' chuqa' ri aj-itza', ri achi'a' y ri ixoqi' ri nikikanola-ki' richin yemakun, ri kamisanela', ri yeya'on kiq'ij ch'aqa' chik dios, y ri kan niqa' chikiwech nikitz'uk-tzij.

1 Rey 18:21

Y toq ri winaqi' ek'o chik chiri', jari' toq ri Elías xubij chike: ¿K'a janipe' k'a xkixtane' rix richin chaq kaka' ik'u'x? Wi ja ri Jehová jari' ri Dios titzeqelibej k'a rija'. Y wi ja ri Baal, kixbiyin k'a chikij rije', xcha' chike. Y ri winaqi' kan man jun k'a xkibij chire.

Apocalipsis 21:8

Jak'a ri man yinkinimaj ta, ri nikixibij-ki' ye'apon pa taq tijoj-poqonal woma yin, ri e itzel taq winaqi', ri kamisanela', ri achi'a' y ri ixoqi' ri nikikanola-ki' richin yemakun, ri aj-itza', ri yeya'on kiq'ij ch'aqa' chik dios y ri e tz'ukuy taq tzij; konojel re' xtikichinaj ri achi'el choy ri k'o q'aq' xolon rik'in chuwilej-abej chupan. Y jari' k'a ri ruka'n kamik, xcha'.

Romanos 2:2

Kan qetaman k'a chi ri Dios kan pa ruchojmilal nuben toq nuq'et-tzij pa kiwi' ri winaqi' ri nikiben ri etzelal ri'.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

Wuj Richin ri Sofonías 1:5

keri' chuqa' konojel ri nikiya' kiq'ij ri xmotza' pa ruwi' ri kachoch; chuqa' ri nikiya' nuq'ij yin rokik nikiya' ruq'ij ri ki-dios Milcom.

Ez 18:18

Jak'a ri rutata' kan xtiken roma ri rumak roma xeruya' pa tijoj-poqonal ri winaqi', xeleq' y xuben itzel chikikojol ri ruwinaq. Xa kan xaxe k'a rija' ri xtejqalen ri rumak ri xerubanala'.

Wuj Richin ri Jeremías 44:3

roma ri imak ri xiben richin xiyek woyowal. Roma kan xixbe richin xibesuju' pom y niyala' kiq'ij ch'aqa' chik dios ri xa man iwetaman ta kiwech, ni rix ni ri iwati't-imama'.

Wuj Richin ri Jeremías 32:29

Rije' kan xtikiben oyowal rik'in re tinamit re' y xtikiya' ruq'aq'al y xtikiporoj, junan rik'in ri jay ri achoq pa ruwi' nikiporoj-wi pom chire ri Baal y nikisuj vino chike ch'aqa' chik dios y re' xkiben chuwe richin xkiyek woyowal.

Wuj Richin ri Jeremías 13:10

Re tinamit re' kijachon-ki' chubanik etzelal y kan man xkajo' ta xkinimaj ri ninbij yin. Kan xkiben ri rurayibel ri kánima y kan xekitzeqelibej k'a ch'aqa' chik dios, richin chi man yinkisamajij ta yin y man nikiya' ta nuq'ij. Roma ri' kan xtinben chike achi'el ri ximibel, ri man jun chik nik'atzin-wi.

Wuj Kichin ri To'onela' 5:8

Toq ri nuwinaq xekicha' ch'aqa' chik dios, jari' toq ri labal xoqaqa qik'in, y chuqa' kan man jun tobel ni ta kamisabel ri k'o ta pa kiq'a' ri nuwinaq, pa kiq'a' ri e 40,000 achi'a' ri ek'o chiqakojol.

Deut 32:17

Xixkamela'an chikiwech itzel taq espíritu ri xa man e dios ta. Xixkamela'an chikiwech dios ri xa choj e tz'ukun-q'anej, ri ni rix man jun bey e itz'eton ta; y ri ite-itata' kan man jun bey k'a kiya'on ta kiq'ij ri dios ri'.

Wuj Richin ri Isaías 1:13

Man tik'en-pe sipanik chuwe ri xa man jun rejqalen. Ri pom kan man niqa' ta chik chinuwech, chuqa' toq ninimaq'ijuj ri k'ak'a' ik', ri q'ij richin uxlanen, y ri q'ij richin molojri'il. Kan man ninkoch' ta chik ri itzel taq ibanobal toq nimol-iwi' richin yixnimaq'ijun.

Wuj Richin ri Isaías 58:2

Kan q'ij-q'ij k'a yinkikanoj, y nikiben chi nikajo' niketamaj ri nubey, achi'el xa ta e jun tinamit ri nikiben ri utz, y kan nikiben ronojel pa ruchojmilal. Nikik'utuj pixa' chuwe ri kan e choj, y kan nikik'ut chi yekikot richin yejel-pe wik'in.

Wuj Richin ri Jeremías 1:16

Xtinya' rutojbalil-mak pa kiwi' ri awinaq aj-Judá roma ronojel ri mak ri xkiben chinuwech yin. Xinkimalij kan, richin xkiporoj pom y xexuke' chikiwech ri ch'aqa' chik dios ri xa ja rije' e banayon.

Wuj Richin ri Jeremías 5:7

Roma ri' yin kere' ninbij: Yin kan man xtinkuy ta ri imak. Chuqa' ri iwalk'ual xinkimalij kan y kan xkiya' kitzij pa kibi' dios ri xa man e qitzij ta. Xinya' kiway pa ruk'iyal, jak'a rije' xa man xkinimaj ta nutzij y rije' xa xekitzeqelibej ch'aqa' chik dios.

Wuj Richin ri Jeremías 18:15

Jak'a rix nutinamit xa xinimestaj kan y kan nisuj pom chikiwech ri dios ri xa man e qitzij ta. Xa xban chiwe richin xipajk'ij iwaqen chupan ri ojer bey y xixbe chupan bey ri xa man e utz ta.

Wuj Richin ri Jeremías 19:4

Roma ri winaqi' israelita xinkimalij kan y kan xkiben chire ri taq'aj ri' chi xenoj chi dios ri man e aj wawe' ta y man xketamaj ta kiwech ri iwati't-imama', ni ri e rey ri xek'oje' ojer kan. Y wawe' xisuj pom chikiwech y kan xinojisaj ri tinamit rik'in kik' roma xe'ikamisaj ri winaqi' ri xa man jun kimak.

Wuj Richin ri Jeremías 44:8

Niben chi niyek woyowal rik'in ri xa iq'a' banayon. Chuqa' nisuj pom chikiwech ch'aqa' chik dios wawe' pa ruwach'ulew Egipto, ri akuchi xixok-wi richin chi yixk'ase'. Rix xa xkixk'is chi'iwonojel. Ri winaqi' xkeyojoben chiwij y xkixok richin k'ixbilal chikiwech konojel tzobaj taq winaqi' richin re ruwach'ulew.

Wuj Richin ri Jeremías 44:9

¿Kan ximestaj yan k'a ri itzel taq kibanobal ri iwati't-imama', ri kibanobal ri e rey richin Judá, ri kibanobal ri kixjayilal, ri itzel taq ibanobal rix y ri itzel taq kibanobal ri iwixjayilal ri xkiben pa ruwach'ulew Judá y pa taq bey richin Jerusalem?

Wuj Richin ri Jeremías 48:35

Yin xkenk'is xabachike winaqi' moabita ri yejote-el pa taq ko'ol juyu' richin nibekisuju' kamelabel y nikiporoj pom chikiwech ri ki-dios. Yin Jehová ri yibin.

Ez 5:11

Rix xitz'ilobisaj ri wachoch rik'in ri kiwachibel ri i-dios y ri itzel taq ibanobal ri kan nuben chuwe chi itzel nintz'et. Roma ri' yin Jehová ri in rajaw ronojel, kan ninya' nutzij y ninbij chi yin kan xkixinwixowaj chuqa'. Man xtinya' ta chik wutzil pan iwi' y man xtinjoyowaj ta chik iwech.

Ez 23:39

Y chupan k'a ri q'ij ri' toq xekisuj ri taq kal richin jun kamelabel richin nikiya' kiq'ij ri wachibel, jak'a chuqa' q'ij ri' xe'apon chupan ri wachoch y xkiben k'a chire chi man jun rejqalen.

Os 2:13

Xtinya' k'a rutojbalil-mak pa ruwi' roma ri janipe' q'ij xkamela'an chuwech ri Baal. Kan nuwiq-el-ri' rik'in ri ruwi-ixkinaj y ri richinaj richin nitzeqe-el chikij ri ch'aqa' chik achi'a', richin chi xirumestaj kan yin, nicha' ri Jehová.

Os 6:9

Achi'el xa ta eleq'oma' ri yekoyobej winaqi' pa bey, keri' xkiben ri tzobaj sacerdote. Kan xekamisan chupan ri bey ri nibe pa Siquem, kan janila k'a chi etzelal ri xkiben.

Am 4:5

Tik'ama' k'a pe kaxlan-wey ri k'o ch'amilej q'or rik'in, y tik'ata' chinuwech yin richin jun sipanik richin matioxinik. Titzijoj k'a chi xiya' yan ri isipanik ri nalex-pe pa taq iwánima. Kan tinimirisaj k'a iwi' rix israelita, roma jari' ri niwajo' ri niben. Yin Jehová ri yibin.

Wuj Richin ri Jeremías 5:2

K'o jujun nikijikiba' kitzij pa nubi' yin, jak'a xa nikibananej richin nikijikiba' kitzij, xcha'.

Ez 20:30

Tabij k'a chike ri awinaq re rutzijol re'. ¿Achike roma rix xixok man ch'ajch'oj ta, achi'el k'a xkiben ri iwati't-imama'? ¿Achike roma xa iya'on kiq'ij ri wachibel ri yenwixowaj yin?