Wuj Richin ri Jeremías 7:6 - Kaqchiquel Bible

⁶ Man ke'iya' pa tijoj-poqonal ri man e iwinaq ta, ni ri meba'i', ni ri malkani'. Man ke'ikamisaj winaqi' ri xa maneq kimak. Man ke'iya' kiq'ij ch'aqa' chik dios, ri xa nuk'en-pe ruk'ayewal pan iwi'.

Wuj Richin ri Jeremías 7:6 ပူးပေါင်းရင်းမြစ်များ

Wuj Richin ri Jeremías 13:10

Re tinamit re' kijachon-ki' chubanik etzelal y kan man xkajo' ta xkinimaj ri ninbij yin. Kan xkiben ri rurayibel ri kánima y kan xekitzeqelibej k'a ch'aqa' chik dios, richin chi man yinkisamajij ta yin y man nikiya' ta nuq'ij. Roma ri' kan xtinben chike achi'el ri ximibel, ri man jun chik nik'atzin-wi.

Deut 8:19

Wi xtimestaj ri Jehová ri qa-Dios y wi xke'itzeqelibej ch'aqa' chik dios, y ye'isamajij y xkixxuke' chikiwech, yin ninjikiba' rubixik chiwe wakami chi kan xkixk'is jumul.

Deut 11:28

Ri etzelanik xtik'ul k'a wi rix man xtinimaj ta ri pixa' ri xinbij chiwe wakami, y wi xtich'er kan iwi' richin ye'itzeqelibej kan jujun chik dios ri xa man iwetaman ta kiwech.

Wuj Richin ri Jeremías 2:34

Y rix kan e ikamisan winaqi' ri xa man jun kimak kibanon y man xe'iwil ta chubanik jun eleq'. Stape' chirij ri itziaq kan xtz'etetej k'a kik',

Santiago 1:27

Roma ri kan qitzij nuya' ruq'ij ri Dios, yerutola' ri malkani' taq ixoqi' y ri ak'uala' ri e maneq chik kite-kitata', y chuqa' man nunim ta chik ri' chupan ri etzelal richin re ruwach'ulew.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

Wuj Richin ri Jeremías 19:4

Roma ri winaqi' israelita xinkimalij kan y kan xkiben chire ri taq'aj ri' chi xenoj chi dios ri man e aj wawe' ta y man xketamaj ta kiwech ri iwati't-imama', ni ri e rey ri xek'oje' ojer kan. Y wawe' xisuj pom chikiwech y kan xinojisaj ri tinamit rik'in kik' roma xe'ikamisaj ri winaqi' ri xa man jun kimak.

Wuj Richin ri Isaías 59:7

Kan anineq yixbe chubanik etzelal. Kan anineq yixbe chi relesaxik ri ruk'aslen ri xa man jun rumak. Ri ich'obonik xaxe richin ye'iben ri etzelal, y ri akuchi ri yixq'ax-wi, kan ronojel niyoj y niwulaj kan.

Deut 24:17

Kan tibana' pa ruchojmilal kik'in ri man e iwinaq ta y ri meba'i'. Y chuqa' man tik'utuj jun rutziaq ri malka'n richin qajbel richin ri ruk'as.

San Mateo 27:25

K'ari' konojel ri winaqi' nikibij: Xa pa qawi' k'a roj y pa kiwi' ri e qami'al-qak'ajol, xtiqaqa-wi ri rukamik, yecha'.

San Mateo 27:4

Rija' xubij kan chike: Yin kan ximakun richin xinjech pan iq'a' ri jun ri xa maneq rumak, xcha' chike. Jak'a rije' xkibij-pe chire: Re' man nik'atzin ta chiqe roj. Ri' amak rat, xecha' chire.

Ez 18:6

Rija' man xtiwa' ta kik'in winaqi' ri yenimaq'ijun pa ruwi' taq juyu' richin nikiya' kiq'ij wachibel, ni man xtukuquba' ta ruk'u'x kik'in ri wachibel ri achoq ik'in nikikuquba' kik'u'x ri winaqi', ni man xtik'oje' ta rik'in rixjayil ri rachpochel, ni man xtik'oje' ta qa rik'in ri rixjayil rija' toq k'o yabil richin chi ik' chire.

Wuj Richin ri K'uxla'anik 4:13

Jak'a ronojel re' xk'uluwachitej roma ri kimak ri e q'alajirisey ruch'abel ri Dios. Re' xbanatej k'a roma ri e sacerdote xa xexotoxo'. Rije' xkiben chi xbiyin kik' pa taq bey chiri' pa Jerusalem. Rije' kan xekikamisaj ri choj kik'aslen.

Wuj Richin ri Jeremías 26:23

Y ja rije' ri xebek'amo-pe ri Urías pan Egipto y xkijech chire ri rey Joaquim. Y rija' xukamisaj chi espada y k'ari' xumuq kan akuchi yemuq-wi ri winaqi' ri maneq kejqalen.

Wuj Richin ri Jeremías 26:15

Jak'a rix tiwetamaj re': Wi yinikamisaj, ja rix xkixejqalen. Roma kan yinikamisaj y xa maneq numak, roma kan ja ri Jehová ri xitaqon-pe richin xinya' re jun rutzijol re' chiwe, xicha' chike.

Wuj Richin ri Jeremías 7:5

Kan tichojmirisaj ri ik'aslen y ri ibanobal. Tibana' pa ruchojmilal chiwech-qa rix.

Wuj Richin ri Jeremías 2:30

Xa man jun xuq'ajuj richin xixinjich'aj, rix y ri iwinaq, roma xa man xik'ul ta ri nupixa'. Roma chaq k'ate' xe'ikamisaj ri e q'alajirisey nuch'abel achi'el nuben ri koj.

Wuj Richin Bix Chire ri Dios 106:38

Xekikamisaj k'a ri kalk'ual ri xa man jun kimak. Xekisuj k'a chikiwech ri wachibel ri e kibanon ri aj-Canaán. Y roma ri' xkitz'ilobisaj k'a ri ruwach'ulew ri' rik'in ri kik'.

2 Rey 24:4

Y chuqa' rija' xuben chi xbiyin kikik'el ri winaqi' ri maneq kimak. Roma ri' ri Jehová man xukuy ta ri rumak.

2 Rey 21:6

Xerusuj ri ruk'ajol richin kamelabel. Chuqa' kan xbe kik'in ri aj-itza' y xeruk'ulubej ri itzel taq espíritu. Chuqa' kan xuya-apo ri paban-che' richin Asera, chupan ri rachoch ri Jehová. Y ri itzel taq banobel ri' xuben richin xuyek royowal ri Jehová. Ri ojer kan ri Jehová xubij chike ri David y ri Salomón ri ruk'ajol: Yin xtinya' re nubi' richin q'asen chupan re jay re', re wawe' pa Jerusalem, ri kan xincha' chikikojol konojel ri tzobaj richin Israel.

Wuj Richin ri Chojmirisabelri'il 25:17

Man k'a ke'iq'ol ri iwinaq, xa kan xtik'oje' nukiy chiwech, roma ja yin in Jehová ri i-Dios rix.

Wuj Richin ri Jeremías 5:28

Y kan janila e ti'oj, roma jebel yetzuq. Ri kimak kan ik'owineq chik ruwi' ri nikiben, roma man nikiben ta pa ruchojmilal kik'in ri meba'i', ni man nikiq'et ta tzij pa ruchojmilal pa kiwi' ri man jun ok k'o kik'in.

Wuj Richin ri Jeremías 7:9

Yixeleq', yixkamisan, ri e k'ulan taq winaqi' yekikanoj kachibil richin yemakun kik'in, niya' itzij y xa man qitzij ta yixch'on, niporoj pom chuwech ri Baal, ye'iya' kiq'ij dios ri xa man e iwetaman ta kiwech,

Wuj Richin ri Jeremías 35:15

Y kan jantape' k'a xenteq-pe nusamajela' ri e q'alajirisey nuch'abel iwik'in, richin chi xkibij chiwe chi titzolej-pe ik'u'x chupan ri itzel bey ri ik'uan y kan tichojmirisaj ri ik'aslen. Chuqa' xkibij chiwe chi man ke'itzeqelibej ch'aqa' chik dios richin niya' kiq'ij. Wi keri' xtiben, kan xkixk'ase' k'a chupan ri ruwach'ulew ri xinya' chiwe rix y chike ri iwati't-imama'. Jak'a rix xa man xiya' ta ixikin chike ri q'alajirisey nuch'abel, ni man xinimaj ta ri nutzij.

Ez 22:7

Ek'o winaqi' chi'ikojol ri man nikiya' ta kiq'ij ri kite-kitata'. Chuqa' rix niben chike chi nikitej poqon ri man e iwinaq ta, y kan nik'o chik ruwi' ri niben chike ri meba'i' y ri malkani'.

Wuj Richin ri Chojmirisabelri'il 19:33

Man k'a ke'iwetzelaj ri man e iwinaq ta ri ek'o chi'ikojol.

Wuj Richin Etamabel-Tzij 23:10

Rat, kan man k'a tajeluj-apo ri ak'ulba't pa jun ulew, toq ri k'ulba't ri' kan ojer ri k'o-pe chiri'; chuqa' kan man katok-apo pa rulew ri xa maneq chik rute-rutata'.