Wuj Richin ri Jeremías 52:3 - Kaqchiquel Bible

³ Roma ri' ri Jehová xyakatej janila royowal chikij ri aj-Judá y ri aj-Jerusalem y kan xrelesaj-el ri kik'aslen. Chirij ri' ri Sedequías xyakatej chirij ri rey Babilonia.

Wuj Richin ri Jeremías 52:3 ပူးပေါင်းရင်းမြစ်များ

Wuj Richin ri Isaías 3:1

Titz'eta' k'a wakami chi ri Jehová k'iytisanel richin ronojel xtiberuya' wayjal pa kiwi' ri tinamit Jerusalem y ri Judá; ronojel ri yetij y ri yequm xtrelesaj-el.

2 Crón 36:13

Chuqa' kan xyakatej chirij ri rey Nabucodonosor, ri kan ruya'on rutzij chuwech pa rubi' ri Dios chi nijunamatej-kiwech rik'in. Y kan xunimirisaj-ri' y xukowirisaj ri ránima y kan xupaba-ri' chi kan man nitzolin ta chik rik'in ri Jehová ri Dios richin Israel.

Wuj Richin ri Isaías 19:4

Jak'a ri Dios kan xkerujech pa ruq'a' jun rey ri man aj chiri' ta, ri kan janila itzel. Jun q'atoy-tzij ri man jun joyowanik k'o kik'in kan xtuq'et-tzij pa kiwi'. Ri Jehová k'iytisanel richin ronojel keri' nubij.

Wuj Richin ri Molojri'il 10:16

Kan tijoyowaj k'a kiwech ri winaqi', ri kan k'a ak'ual na ri niq'aton-tzij pa kiwi', y ri tata'al ri yesamej rik'in, xa kan ja yan ri nimaq'a' nikichapala' yenimaq'ijun.

Wuj Richin Etamabel-Tzij 28:2

Xa roma k'a ri etzelal ri ek'o pa jun ruwach'ulew, toq e k'iy q'atoy-tzij ri yek'oje'; jak'a ri wineq ri k'o utzilej ruch'obonik y k'o retamabal, kan nitikir-wi yeruk'uaj ri winaqi' rik'in ruchojmilal.

1 Rey 10:9

Tinimirisex k'a ri rubi' ri Jehová ri a-Dios ri utz xarutz'et richin xarutz'uyuba' kan chupan ri tz'uyubel richin xatok rey pa ruwi' ri Israel, roma rija' kan jantape' rajowan-pe ri atinamit Israel. Roma ri' xarukusaj kan rey richin kan ta k'o q'atbel-tzij pa ruchojmilal, xcha'.

2 Sam 24:1

Chirij ronojel re' ri Jehová xyakatej chik jun bey royowal chikij ri winaqi' israelita, y roma ri' xuya' q'ij chi ri David xtaqchi'ix richin chi xuben jun tz'iban bi'aj chiri' pan Israel y pa Judá.

Wuj Richin ri Rutikeribel 4:14

Wakami xa nawelesaj ri uchuq'a' pa nuq'a' pa ruwi' ri ulew y yin k'o chi ninwewaj-el-wi' chawech y akuchi na xkibe-wi pa ruwi' ri ruwach'ulew, y xabachike k'a xkik'ulun xkirukamisaj kan, xcha'.

Wuj Richin ri Rutikeribel 4:16

Xel k'a el ri Caín rachibilan ri rixjayil chiri' chuwech ri Jehová y ja ri pa taq ruwach'ulew rubini'an Nod*f6* xebek'oje-wi, y ri ruwach'ulew ri' k'o pa relebel-q'ij chire ri qejoj ri kan nik'ases.

2 Rey 24:20

Ri Sedequías xyakatej chirij ri rey richin Babilonia. Y jari' ri xbanon chi xyakatej royowal ri Jehová pa ruwi' ri Jerusalem y ri Judá, y xuben chi kan xeruk'is.

Wuj Richin ri Jeremías 7:15

Kan xkixinwelesaj-el chinuwech achi'el xenwelesaj-el pan Israel konojel ri iwach'alal ri xek'oje' chiri', xcha'.

Wuj Richin ri Jeremías 15:1

Ri Jehová xubij chuwe: Stape' kan ja ta ri ánima Moisés y ri ánima Samuel xkepe wawe' richin nokik'utuj utzil chuwe richin chi xtinjoyowaj ta kiwech re winaqi' re', yin kan man xkento' ta. Tabij chike ri awinaq chi ke'el-el chinuwech yin y kan kebiyin nej.

2 Rey 17:18

Roma ri' ri Jehová kan xyakatej k'a janila royowal rik'in ri tinamit Israel. Kan xerelesaj-el pa ruwach'ulew Israel richin xeruya' chik juk'an ruwach'ulew, y xaxe k'a ri ruwach'ulew Judá xk'oje' kan chiri'.

2 Rey 17:20

Roma ri' ri Jehová xeretzelaj k'a chijun rijatzul kan ri Israel, y kan xeruya' pa poqon, y kan xerujech pa kiq'a' ri itzel taq achi'a' y kan xerelesaj-el chiri' pan Israel.

2 Rey 17:23

Y roma ri' ri Jehová kan xerelesaj k'a el chiri' chupan ri kiruwach'ulew, achi'el rubin chike ri rusamajela' ri e q'alajirisey ri ruch'abel. Y ri israelita xeq'axex chupan ri ruwach'ulew Asiria k'a re wakami.

Wuj Richin ri Esdras 4:15

richin chi titz'et chupan ri wuj ri akuchi tz'iban-wi ri xbanatej kik'in ri ate-atata'. Y chiri' xtatz'et chi rije' kan jun tinamit ri k'o yakatajinenri'il kik'in, y kan e banoy ch'a'oj chike ri e rey y chike ri ch'aqa' chik tinamit. Y ojer kan, xkimol-ki' y xeyakatej chirij ri q'atoy-tzij y roma ri' kan xk'is ri kitinamit Jerusalem.

Wuj Richin ri Isaías 36:5

Ri Ezequías nubij chi k'o ruch'obon y rix k'o iwuchuq'a' richin niben labal, jak'a ronojel re' kan xaxe ok ri ruchi' ri nibin. Y jak'a re wakami, ¿achoq ik'in ikuquban-wi ik'u'x richin niwajo' yixyakatej chuwij?