Wuj Richin ri Jeremías 51:9 - Kaqchiquel Bible

⁹ Jak'a ri winaqi' richin ch'aqa' chik ruwach'ulew xtikibij: Xqaya' yan kaq'om ri aj-Babilonia, jak'a man xe'aq'omatej ta. Keqaya' kan y qojel-el re wawe'. Jo', pa taq qaruwach'ulew roma ri kamisanik ri nikiben kan napon k'a chila' chikaj y kan nijote' k'a q'anej pa taq sutz', xkecha'.

Wuj Richin ri Jeremías 51:9 ပူးပေါင်းရင်းမြစ်များ

Apocalipsis 18:5

Roma ri kimak ri aj-Babilonia, kan ik'owineq chik ruwi' y kan xapon yan k'a chila' chikaj roma ri' yin kan xtinya' ruk'ayewal pa kiwi'.

Wuj Richin ri Jeremías 50:16

Man tiya' q'ij richin nik'ase' jun wineq aj-Babilonia richin nuben-qa rutiko'n o nuk'ol ta ruwech ri rutiko'n. Chuqa' ri winaqi' ri man e aj chiri' ta xketzolin pa taq kiruwach'ulew. Chikijujunal xke'animej y xkebe pa taq kiruwach'ulew toq xtikitz'et ri labal ri kan nuk'is ronojel.

Wuj Richin ri Isaías 13:14

Chupan ri q'ij ri', ri winaqi' xa xke'animej-el, achi'el nuben ri masat toq k'o oqotayon. Chikijujunal k'a xtikitaluj-el-ki' y xketzolin pa taq kiruwach'ulew, achi'el ri taq karne'l toq man jun niyuq'un kichin.

Wuj Richin ri Jeremías 46:16

Ri achi'a' ri' kan xtikipajk'ij kaqen y xketzaq. K'ari' xtikibij chikiwech chi rije' xketzolin pa kitinamit y pa kiruwach'ulew ri akuchi xe'alex-wi, nej chire ri espada ri yeruk'is.

Wuj Richin ri Esdras 9:6

Y xinbij: ¡Nu-Dios yin! Kan janila in k'ixbitajineq, y chuqa' kan janila xkiqasaj nuq'ij, y man yitikir ta ninyek-q'anej ri nuwech chawech, nu-Dios yin, roma ri itzel taq qabanobal kan janila k'iy y xapon yan k'a chikaj.

Wuj Richin ri Jeremías 46:21

Ri aj-labal ri kan e rutojon richin nikiben oyowal, xa kan e achi'el wákix ri janila e ti'ojirisan. Y ri achi'a' ri' kan junanin k'a xke'animej-el roma man xketikir ta xtikikoch' ri ruk'ayewal toq xtapon ri q'ij richin ri rutojbalil.

Wuj Richin ri Jeremías 8:20

Y rije' nikibij: Xik'o yan ri q'ij richin niqak'ol ruwech ri qatiko'n; xk'is ri q'ij richin job, jak'a roj kan man jun k'a yojkolo-el re wawe', yecha'.

Wuj Richin ri Isaías 47:15

Keri' k'a xtikiben iwik'in rix, ri janila ikuquban ik'u'x kik'in, stape' janila ikuquban ik'u'x kik'in k'a ja toq ix ak'uala' na. Xa kan xkebe ri akuchi nikajo-wi, y man jun chike rije' ri xkixkito' ta.

2 Crón 28:9

Y chiri' k'o k'a jun q'alajirisey ruch'abel ri Dios rubini'an Oded. Rija' xeberuk'ulu-el ri aj-labal ri xetzolin-pe pa Judá chiri' chuchi' ri Samaria, y xubij chike: Ri Jehová ri ki-Dios kan ri qati't-qamama' xpe royowal pa kiwi' ri aj-Judá, y roma ri' xerujech pan iq'a' rix. Jak'a rix xa kan rik'in janila iwoyowal xe'ikamisaj kan, y re banobel re' kan xapon-q'anej k'a chila' chikaj.

Apocalipsis 18:4

K'ari' xinwak'axaj k'a chi k'o jun chik ri nich'on-pe chila' chikaj y nubij: Rix ri kan ix wichin chik yin, kixel k'a pe ri pa tinamit Babilonia, man xa kixqaqa chuqa' pa mak y yixilon chuqa' rix rik'in ri ruk'ayewal ri xtiqaqa pa kiwi' ri winaqi' aj chiri'.

Os 7:13

Kan toq'ex k'a kiwech ri aj-Israel roma xa xkich'er kan ki' chuwe yin. Kan xtipe k'a ri wululen pa kiwi'. Kere' xtikik'uluwachij roma xa xkipaba-ki' chinuwech. Xenkol y rije' xa xkitz'uk-tzij chuwij.