Wuj Richin ri Jeremías 5:8 - Kaqchiquel Bible

⁸ Y ri achi'a' xa xekitzeqelibej-el kixjayilal ri kachpochel, achi'el jun kiej ri kan jebel ilin, ri kan k'o rayibel chire y kan niyijij chirij jun ixoq kiej.

Wuj Richin ri Jeremías 5:8 ပူးပေါင်းရင်းမြစ်များ

Wuj Richin ri Jeremías 13:27

Kan nutz'eton ri itzel irayibel, achi'el nikiben ri achi'a' y ri ixoqi' ri nikikanola-ki' richin yemakun, kan nutz'eton k'a ri ruk'ixbilal ri ik'aslen, ri itzel taq ibanobal ri niben pa ruwi' ko'ol taq juyu' y pa taq juyu'. Roma ri' toq'ex iwech rix aj-Jerusalem ¿K'a janipe' k'a nich'ajch'ojirisaj-iwi'?, xcha' ri Jehová.

Ez 22:11

o kik'in ri kixjayilal ri iwachpochel, o kik'in iwali', o iwana'.

Wuj Richin ri Jeremías 29:23

Kere' ri xtikik'uluwachij roma man utz ta xekiben chiri' pan Israel. Kan xemakun kik'in ri kixjayilal ri kachpochel. Y roma pa nubi' yin, xkibij ch'abel ri man e qitzij ta, ri xa man nubin ta chike richin nikiben. Yin Jehová kan wetaman ronojel re' y kan nutz'eton, xcha' ri Dios chupan ri wuj.

Wuj Richin ri Achin Job 31:9

Wi ta ri wánima ch'akon ta roma jun chik ixoq, o wi ta yin kan woyoben ri rixjayil ri wachpochel, jampe' nel pe,

Deut 5:21

Man tirayij chi iwik'in ta rix k'o-wi ri k'o kik'in ri iwachpochel; man tirayij kiwech ri kixjayilal, ni ri kisamajela' ri e yuqul pa samaj kik'in, ni ri kaj-ik'a', ni ri kibóyix, ni ri kibur, ni man jun chike ri e kichin ri iwachpochel tirayij, xcha' ri Jehová.

Deut 5:18

Rix ri ix k'ulan, man tikanoj jun chik, y rix achi'a' man kixk'oje' rik'in ri rixjayil ri iwachpochel.

Ex 20:17

Man tirayij chi iwik'in ta rix k'o-wi ri k'o kik'in ri iwachpochel: Man tirayij kiwech ri kixjayilal, ni ri kisamajela', ni ri kaj-ik'a', ni ri kibóyix, ni ri kibur; ni man jun chike ri e kichin ri iwachpochel tirayij, xcha' ri Jehová.

Ex 20:14

Rix ri ix k'ulan man tikanoj jun chik.

Wuj Richin ri Rutikeribel 39:9

Chupan re awachoch man jun ri k'o ta más ruq'ij achi'el yin. Y roma ri' ri wajaw ruya'on q'ij richin ninben ronojel. Yin yitikir ninben ri ninwajo' rik'in ri k'o pa nuq'a', jak'a awik'in rat kan man jun xtinben, roma rat at rixjayil ri wajaw; yin man yitikir ta ninben ri nabij rat, roma man ruk'amon ta y yimakun chuwech ri Dios, xcha' ri José chire ri ixoq.

Wuj Richin ri Jeremías 9:2

Jebel ta ri' xa ta k'o akuchi yik'oje-wi chiri' pa tz'iran ruwach'ulew richin chi yibe nej chire ri nutinamit, roma konojel xa man ja ta ri utz xkiben chuwech ri Jehová y xa ja ri ruche'el-kij ri xkiya' kan chuwech, xicha' yin.

Wuj Richin ri Jeremías 50:11

Rix ri aj-Babilonia toq xik'uaj-el ronojel pa nutinamit, kan xixkikot y xixnimaq'ijun. Rix kan xixtzopin rik'in kikoten achi'el nuben jun nima-alaj ixoq wákix nitzopiyaj toq nich'ay ri trigo. Chuqa' xixyijij achi'el nikiben ri kiej.

Wuj Richin Etamabel-Tzij 6:29

Y keri' ri nuk'uluwachij jun achin ri nuju' ri' rik'in jun k'ulan ixoq; ri achin ri' kan xtrejqalej-wi k'a ri mak ri'.

Wuj Richin ri Jeremías 23:10

Chijun ri ruwach'ulew kan e nojineq rik'in ri e q'alajirisanela' ri', wineq ri kan xaxe ri etzelal ri nikiben. Y koma rije', ri ruwach'ulew kan xchaqi'j-qa y ri soq'olbel ri ek'o pa tz'iran ruwach'ulew chuqa' xechaqi'j-qa. Man rik'in ri' kan man nikiben ta pa ruchojmilal y nikikusaj ri kuchuq'a' man pa ruchojmilal ta.